१४ सेप्टेम्बर  २०१६ | बिगत ८  महिना देखि  कुबेतमा अलपत्र KDDB कम्पनी कुवेत का २२  जना नेपालीलाई अन्तराष्ट्रिय नेपाली समाज कुबेत (नयाँ शक्ति)ले खाद्यान्न सामग्रीहरु सहयोग गरेका  छन्  |

नयाँ  शक्ति पार्टीका प्रबास प्रादेशिक परिषद् सदस्य तथा अन्तराष्ट्रिय नेपाली समाज कुबेतका पुर्बसंयोजक हरि गोपाल सुबेदीको अगुवाईमा NBK मा कार्यरत  भोजराज पौडेल , सुदिप मिश्र तथा हरि राम पाण्डे लगायतका प्रबासी नेपालीहरुले  कुबेतको महाबुल्ला स्थित निज पिडीतहरु संग भेटघाट गरी खाद्यान्न सामग्रीहरु चामल,दाल, खानेतेल,नुन,मासु,तरकारी लगायतका  पिडीतहरुलाई हस्तान्तरण गरिएको हो |

सुख दु:ख साटासाट गरी फेरी पनि  केही समस्या परेको खण्डमा अन्तराष्ट्रिय नेपाली समाज कुवेतले पिडितहरुलाई  पुन:सहयोग गर्ने बताएको छ |  संकलित कुल रकम 42.250 केडी बराबरको  खाद्यान्नका  सामानहरु वितरण गरेको  हरि गोपाल सुबेदीले जानकारी दिनु दिए |