उत्तर कोरियाको आणविक परीक्षणप्रति नेपाल सरकारको आपत्ति
काठमाडौं, २७ भदौ -उत्तर कोरियाले हालै गरेको आणविक परीक्षणका सन्दर्भमा नेपाल सरकारले गम्भीर ध्यानाकर्षण भएको जनाएको छ । सरकारले परराष्ट्र मन्त्रालयमार्फत आज एक विज्ञप्ति जारी गरी संयुक्त राष्ट्र सङ्घको सुरक्षा परिषद् तथा अन्तर्राष्ट्रिय समुदायको अवज्ञा गर्दै उत्तर कोरियाले गरेको उक्त परीक्षणप्रति विरोध जनाएको हो ।
सबै किसिमका आमविनाशकारी हतियारको पूर्ण निशस्त्रीकरणमा नेपालले लिएको स्थिर नीतिअनुसार त्यस्ताखाले परीक्षणको विरुद्धमा रहने विज्ञप्तिमा उल्लेख गरिएको छ ।
नेपाल सरकारले कोरियाली प्रायद्वीपमा शान्ति र स्थिरताको कामना गर्दै यस्ता गतिविधि रोक्न कोरियाली सरकारसँग आग्रहसमेत गरेको छ ।
« सद्भावना उपाध्यक्ष, माओवादी केन्द्रका केन्द्रीय नेतासहित दर्जनौं नयाँ शक्तिमा प्रवेश (Previous News)
(Next News) बुद्ध दर्शन विपरित बोलेको छैन – भिक्षु तारा तामाङ »
