हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

घेदुङलाई राजनीतिक दल बनाउने हो कि के हो ?

mmm

मोहन गोले तामाङ
अध्यक्ष, नेपाल तामाङ घेदुङ

पूर्णकालीन कार्यकर्ता घोषणा गरेर फेरि किन फिर्ता लिनुभयो ?

नेपाल तामाङ घेदुङको आठौं राष्ट्रिय महाधिवेशनताका नै पूर्णकालीन कार्यकर्ता परिचालनको विषयमा कुरा उठेको थियो, जुनकुरा महाधिवेशनमा प्रस्तुत सांगठनिक प्रतिवेदनमा समेत उल्लेख छ । यसलाई हाम्रो राष्ट्रिय कार्यकारिणी समितिको पहिलो बैठकले समेत गम्भीरताका साथ उठायो र सर्बसम्मत रुपमा पास ग¥यो । पछि यसलाई थप ब्यवस्थित गर्न सचिवालय बैठकले पूर्णकालीन कार्यकर्ता परिचालन कार्यविधि–२०७३ पारित ग¥यो, छुट्टै बैंक खाता पनि सञ्चालनमा ल्यायो । तर मेरो आपा त्यतिबेला सिकिस्त बिरामी हुनुहुन्थ्यो जसले गर्दा पहिलो चरणमा को को पूर्णकालीन बन्ने ? भन्नेमा साथीहरु बीच पर्याप्त छलफल गर्न पाइएन । जुनबेला सल्लाकारहरुसँगको अन्तरक्रियाको मिति तोकिइसकेका थियौ, कार्यक्रम सार्नुपनि सम्भव थिएन । त्यही कार्यक्रममा अध्यक्ष, महासचिव र काजिमानजी तीन जनालाई घोषणा गर्दा राम्रै होला भन्ने लागेर घोषणा गरियो तर साथीहरुको अलि फरक बुझाइको कारण असन्तुष्टि देखियो र फिर्ता लियौ ।

पहिलो दिन घोषणा गर्ने, दोस्रो दिन फिर्ता लिने यो राम्रो भयो र ?

क्रान्तिमा कहिले अघि सर्नुपर्छ, कहिले पछि हट्नुपर्छ । जसले द्वन्द्वात्मक भौतिकवादलाई बुझ्न सक्दैन, उसको हेराईमा त यो राम्रो भएन होला । तर हामीले राम्रै गरेका छौ । एकपाईला पछि हट्नु र २ पाईला अघि बढ्नु क्रान्तिको नियम भित्रकै कुरा हो । फेरि यो सधैंको लागि फिर्ता लिएको पनि त होइन, अब चाँडै नै हामी सचिवालय बैठक बसेर अलि ब्यापक बहस÷छलफल गर्छौ । पहिला साथीहरु बीचको असन्तुष्टिलाई दुर गर्छौ, अनि कार्यान्वयनमा लान्छौ ।

तर कार्यक्रममा सल्लाहकारज्यूहरुको पनि कुरा बाझियो नी ?

घेदुङले हरेक नयाँ कामको थालनी गर्नु अघि सल्लाहकारज्यूहरुसँग एउटा टेबलमा बस्नु पथ्र्यो । टेवलवर्क सकेपछि त्यसलाई कार्यान्वयनमा लानुपथ्र्यो तर समयअभावका कारण हामीले त्यसो गर्न सकेनौ । त्यो गर्न नसक्दा कार्यक्रममा थोरै भाषणमार्फत बुझाउन खोजेको कुरा उहाँहरुले अलि प्रस्ट बुझ्नु भएन जस्तो लाग्छ मलाई । त्यसैले कुरा बाझिएको हो । अब हामी चाँडै नै उहाँहरुसँग यहि टपिकमा मात्र एकदिन छलफल गर्नेछौ र प्रभावकारी रुपमा पूर्णकालीन कार्यकर्ता परिचालन गर्नेछौ ।

यसअघि पनि घेदुङको पूर्णकालीन कार्यकर्ता थियो हैन र ?

पूर्णकालीन २ खालको हुन्छ, एउटा कार्यालयमा बसेर नियमित काम मात्रै गर्ने र अर्को संगठन निर्माणको लागि गाउँ गाउँमा जाने । हामी गाउँमा संगठन निर्माण गर्ने, तामाङको दुःखमा घेदुङलाई सहयोगी बनाउने, तामाङ समुदायलाई राजनीतिक रुपमा जागरुक बनाउने प्रयोजनको लागि पूर्णकालीन कार्यकर्ता बनाउँदैछौ । यो माओवादी जनयुद्धको जस्तै पूर्णकालीन कार्यकर्ता हुनेछ तर उसँग बन्दूक हुने छैन । तसर्थ, यसअघिको भन्दा अलि भिन्न खालको कार्यकर्ता तयार गरेर गाउँमा पठाउँदैछौ ।

खासमा यो पूर्णकालीन के का लागि हो ? अलि बताइदिनोस् न ।

तामाङ समुदाय काठमाडौं उपत्यका वरिपरि छरिएर रहेको ठूलो समुदाय हो । जो राजनीतिक, सामाजिक, साँस्कृतिक, आर्थिक, शैक्षिक हिसावले अरु समुदायको तुलनामा ज्यादै पछाडि छ । उनीहरुले राज्यसत्ता र अन्य समुदायबाट अनेकौं प्रकारको शोषण, दमन, विभेद सहनु परिरहेको छ । यी सबैखाले उत्पीडनको मुख्य कारण हाम्रो राजनीतिक पछौटेपन हो र सबैखाले समस्याको समाधान पनि राजनीति नै हो । हामी जस्तै आदिवासी जनजाति राई, मगर, लिम्बु, गुरुङ, नेवार, थारुको राज्यमा प्रतिनिधित्व÷पहुँचको अवस्था र हाम्रो अवस्था हेर्दा आकाश–जमीनकै फरक पाउँछौ । तसर्थ, जबसम्म हामीले समुदायलाई उठाउन सक्दैनौ, त्योबेलासम्म हामीलाई कुनै राजनीतिक दलले पनि पत्याउने छैन । यो सबैखाले उत्पीडनबाट मुक्ति तामाङ समुदायलाई एकठाउँमा ल्याउँदा मात्रै सम्भव छ, हामी छरिएर रह्यौ भने सम्भव छैन । अर्कोतर्फ ताम्सालिङको गाउँहरुमा घेदुङको संगठन छैन । खाली जिल्ला तहमा मात्रै संगठन छ । संगठन भनेको हाम्रो आधार हो । त्यो आधार निर्माण गर्नका लागि पूर्णकालीन कार्यकर्ता परिचालन गर्न लागिएको हो ।

यो घेदुङ इतिहासमै नयाँ कोर्स पनि हो । हामी घेदुङ र ताम्सालिङको तामाङ जनता बीच नयाँ सम्बन्धको विकास गर्दैछौ । यसअघि घेदुङले तामाङलाई ल्होछारको दिन टुँडिखेलमा बोलाएर प्रेम प्रस्ताव राख्यो जसले गर्दा प्रेम जम्न सकेन, हामी तामाङको घरघरमै गएर प्रेम प्रस्ताव राख्दैछौ । यसको लागि नयाँ गीत गाउँदैछौ । हेर्दै जानोस् यो सम्बन्धबाट निकट समयमा आजसम्म नभएको एउटा नयाँ बिद्रोह जन्मिनेछ ।

राजनीतिक पार्टीहरुले पो पूर्णकालीन कार्यकर्ता परिचालन गर्छन्, घेदुङ त सामाजिक संगठन हो, यो कत्तिको प्रभावकारी होला र ?

सामाजिक÷साँस्कृतिक क्रान्तिको चरणमा गुज्रिरहेको मानव समुदायलाई राजनीतितर्फ डो¥याउने काम यस्तै सामाजिक संगठनले मात्रै गर्न सक्छ । घेदुङको ६० बर्षभन्दा लामो तामाङ समाज रुपान्तरणको सङ्घर्षबाट अब तामाङ आन्दोलनले साँस्कृतिक चरणबाट राजनीतिक चरणमा प्रवेश गर्दैछ भन्ने हामी अभियन्ताहरुको समाज बिश्लेषण हो । अहिले पनि हामी देख्न सक्छौं तामाङलाई राजनीतिको कुखुरे बैंशले छोएको छ । यो बेला उसमा राजनीति गरौ कि नगरौ भन्ने दोधारे सोचले घर गरेको हुन्छ । कुखुरे बैंश भनेको त्यस्तो अवस्था हो जो पूर्ण बैशालु हुँदैन । अलि अलि लाज, सरम पनि हुन्छ । यो अवस्थामा उसलाई अलिकति प्रोत्साहित गरियो भने ऊ पूर्ण रुपमा त्यो क्षेत्रमा प्रवेश गर्छ । यसपछि मात्र जनजाति अवस्थाको मानव समुदाय राष्ट्रको चरणमा फड्को मार्न पुग्छन् । राष्ट्रको रुपमा विकास नगरेसम्म उसको आफ्नो भन्ने केही हुँदैन । त्यसैले यस्तो बेला एउटाबाट अर्कोमा फ्युजन गराउने काम घेदुङ जस्तो सामाजिक संगठनले नै गर्न सक्छ । राजनीतिक दलबाट गयौ भने त्यहाँ सबैखालका मानिस आउँदैनन्, समुदाय विभाजित हुन्छन् तर घेदुङ गयो भने त सबै भेला हुन्छन् ।

भनेपछि बिस्तारै घेदुङलाई राजनीतिक दल बनाउने हो कि के हो ?

म यहीनेर थप प्रस्ट बनाउन चाहन्छु कि घेदुङले कसैलाई यो पार्टीमा लाग, त्यो पार्टी छोड भन्दैन तर राजनीति गर भन्छ । जुनसुकै पार्टीमा बसेपनि त्यहाँ आफ्नो समुदायको मुद्दालाई उठाउँ भन्छ । मैले अध्यक्ष पदमा निर्बाचित भएपछि पार्टीको जिम्मेवारी त्यागेर बसेको छु । चारबर्षसम्म कुनैपनि ब्यक्तिगत लाभको पद लिन्न भनेको छु । तपाईले सोध्न पनि सक्नु हुन्छ, यस बीचमा विभिन्न राजनीतिक दलमा आस्था राख्ने साथीहरु सँगसँगै हिडेको छु तर आजसम्म कसैलाई यो पार्टी राम्रो, त्यो नराम्रो भनेको छैन । त्यसकारण घेदुङ जस्तो सामाजिक साझा संगठनलाई राजनीतिक पार्टी बनाउनु हुँदैन । त्यसले त तामाङ समुदायलाई विभाजित गर्छ । म त भन्छु घामजुन रहेसम्म घेदुङले एक विशुद्ध, साझा सामाजिक संगठनको रुपमा तामाङको लागि काम गरिरहनु पर्छ ।

पूर्णकालीन कार्यकर्ता कहिलेदेखि गाउँ गाउँमा देखिनेछ ?

भदौ १५ गते सल्लाहकारसँगको परिचयात्मक कार्यक्रमपछि लगत्तै पहिलो चरणमा उपत्यकाभित्रका तामाङ वस्तीहरुमा छिर्ने र दोस्रो चरणमा उपत्यका बाहिरका ताम्सालिङ क्षेत्रमा परिचालित हुने भनेका थियौ तर यस बीचमा मेरो आपाको दुःखद निधन हुन पुग्यो, घेदुङकै साथीहरु बीचमा पनि पूर्णकालीन को को बन्ने ? भन्ने सम्बन्धमा मत बाझियो । थप छलफल गर्नुपर्ने देखियो । त्यसैले अब सम्भवतः असोज दोस्रो सातादेखि काम सुरु गर्छौ ।

पूर्णकालीन परिचालन भएको कति समयमा यसको परिणाम देखिन्छ ?

यसको लागि हामीले एउटा लक्ष्य नै लिएका छौ । हामी पूर्णकालीन मात्रै नभएर थोरै समय दिने अल्पकालीन कार्यकर्ता पनि परिचालन गर्नेछौ । हामीले काम सुरु गरेको ६ महिना भित्रमा हजारौ तामाङ जनतालाई सडकमा देख्नु हुनेछ । त्यसपछि कसैले पनि तामाङलाई विभेद, शोषण, दमन, उत्पीडन गर्न हिम्मत गर्ने छैन । त्यही नै हाम्रो कामको परिणाम हुनेछ ।

यस्तो कठिन काम गर्ने हिम्मत किन गर्दै हुनुहुन्छ ?

हुनत म अलि भावनामा बग्ने मान्छे पनि हुँ । त्यसले पनि मलाई कठोर हुन सिकाएको छ । मैले धेरै ठाउँमा भनेको छु, गोरखामा ल्हाक्पा तामाङलाई प्रहरीले गोली ठोकेर मा¥यो । अहिले पनि दर्जनौ तामाङका छोराछोरीलाई मरेको गाई खाँदा जालीहरुले षडयन्त्रपूर्ण ढंगबाट जेलमा सडाएका छन् । अहिले पनि ल्हाक्पा तामाङलाई मार्ने बन्दूकबाट तामाङ वस्तीमा गोलीहरु बर्षिदैछ । त्यो बन्दूकलाई हामीले झुकाउन सकेका छैनौ । जाली कानुनका ठेलीहरु च्यात्न सकेका छैनौ । भर्खरै दोलखाली चेली निमा डोल्माको हत्या भयो, हामीले कानुनी उपचार त खोज्यौ तर अपराधीको मनस्थिति परिवर्तन हुने गरी आन्दोलन गर्न सकेनौ । मकवानपुर जेलमा निर्दोश शक्ते तामाङ बर्षौदेखि सडिरहेको छ, केही गर्न सकिएको छैन । आखिर अन्याय कति सहेर बस्ने ? अझै तामाङ कति मर्ने ? अब नमरौ । मर्नै परे बरु एकपटक ठूलो बिद्रोह गरेर मरौ ताकि इतिहासमा कसैले तामाङलाई औला ठड्याउने हिम्मत नगरोस् । यसैको लागि तामाङलाई एकठाउँमा ल्याउने अभियान हो यो । तामाङलाई सिंहदरबारको हिस्सेदार बनाउने हो ।

यसको आर्थिक ब्यवस्थापन कसरी गर्दै हुनुहुन्छ ?

यसको लागि घेदुङले कार्यविधि पारित गरेर छुट्टै बैंक खाता सञ्चालनमा ल्याएको छ । सबै शुभचिन्तक महानुभावहरुलाई सहयोगको लागि आग्रह पनि गरेका छौं । घेदुङका सल्लाहकार डा. गणेश योञ्जन दाईले मासिक ५०००÷– को दरले १० महिनाको एकमुष्ट ५००००÷– जम्मा गर्नुभएको छ । तामाङ डाटाबेसको मिङ्मरजीले पनि सहयोग गर्नुभएको छ । अरु साथीहरुले पनि हामीलाई सहयोगको बचन दिनुभएको छ । हामी यस्तै सहयोग रकमबाट परिचालित हुनेछौं । ब्यक्तिगत रुपमा कोही कसैबाट आर्थिक लिँदैनौ । यस प्रयोजनको लागि घेदुङको आन्तरिक स्रोत पनि खर्च गर्दैनौ । हामीलाई आशा छ काम गरेर देखाउन सक्यौ भने यस्ता सहयोगी हातहरु धेरै हुनेछन् ।

(सूचना तथा सञ्चार विभाग प्रमूख जगत दोङ तामाङसँगको कुराकानी)

श्रोत: नेपालतामाङघेदुङ डट ओआरजी 






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution