तेलअविव – गएको शनिबार अर्थात् ३ सेप्टेम्बरका दिन श्री सत्य साई केन्द्र इजरायल र नारी आवाज इन इजरायलको सयुक्त आयोजनमा  तेल अविव सेन्ट्रल बस पार्कमा रहेको एभरेस्ट डिस्को हलमा “तीज बिशेष कार्यक्रम – 2016 ” भव्यताको साथ सम्पन्न गरेको छ |

श्री सत्य साई केन्द्र इजरायल र नारी आवाज इन इजरायल दुवै संस्थाको अध्यक्ष रहेकी नेहा गुरुङ साईरामको सभापतित्वमा भएको कार्यक्रमको प्रमुख अतिथि  नेपाली राजदुतावास इजरायलका कार्यवाहक महामहिम रामेश्वर पौडेल ,बिशेष अतिथिहरुमा नेपाली राजदुतावास इजरायलका द्धितीय सचिब रोसन खनाल ,आस्था सुब्बा र एनआरएन इजरायलका वरिष्ठ उपाध्यक्ष बिशाल ज्ञवाली रहेका थिए भने अतिथिहरुमा इजरायल स्थित विभिन्न सामाजिक ,धार्मिक ,राजनीतिक संघसंस्थाका अध्यक्षहरु र अनलाइन मिडियाकर्मीहरु उपस्थित थिए |

तीज बिशेष कार्यक्रममा सहभागीहरुलाई सम्बोधन गर्दै श्री सत्य साई केन्द्र इजरायलका महिला संयोजक तारा अधिकारीले स्वागत मन्तव्यका साथमा तीजको शुभकामना व्यक्त गरेको थिइन् | कार्यक्रममा बिशेष अतिथिहरु रोसन खनाल ,आस्था सुब्बा र  बिशाल ज्ञवाली लगायतले तीज पर्वको शुभकामना व्यक्त गरेका थिए | शुभकामनाको क्रममा प्रमुख अतिथि रामेश्वर पौडेलले तीज पर्वले ‘श्रीमान र श्रीमती बिचको माया,प्रेम र सद्भावलाई समेत प्रगाढ बनाएको छ ‘ भन्नु हुँदै प्रवास भूमिमा नेपाली संस्कृतिलाई  निरन्तर दिंदै तीज बिशेष पर्व आयोजन गरेकोमा आयोजक संस्थालाई  धन्यवाद व्यक गर्नु भएको थियो |

रातो चोलीसारी , लेहेंगा , चुरा ,सुनचांदीका गरगहनाले सुसज्जित नेपाली चेलीबेटिहरुको उल्लेखनीय सहभागीका साथ करिब ३ घण्टा नाँचगानका साथ रमाइलो गरी तीज मनाएका थिए |

अन्तमा कार्यक्रमका सभापति  नेहा गुरुङ साईरामले  तीज बिशेष कार्यक्रममा सहभागी हुनुभएका सम्पूर्ण महानुभावहरुलाई धन्यवाद व्यक्त गर्दै कार्यक्रम समापन भएको थियो |

साउण्ड सिष्टम प्राविधिकमा डिजे बिपिन तामाङ र डिजे हमतुमले  सहयोग गरेका थिए भने कार्यक्रम श्री सत्य साई केन्द्र इजरायलको अध्यामिक संयोजक तथा  नारी आवाज इन इजरायलका महासचिव परी डाँगीले कुशलतापुर्वक  संचालन गरेकी थिइन् |