हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

खादा ! बास्तविक अर्थ, विवाद, बहस र भ्रम

saroj

– सरोजमोहन लामा तामाङ

खादा अर्थात पवित्र चीज जिन्लाब (भगवानको प्रसाद) लाई कहिलेकाही कथित हिरोईन कलाकार भनाउदाले असम्बन्धित ठाउँमा लगाइ स्कट बनाएर मोडलिङ गरी अपमान गर्ने र विवादमा ल्याएको काम गरिन्छ, देखिन्छ । भने अहिले कुनै एक मन्त्रालय र त्यस मातहत ठाउँहरुमा प्रतिबन्ध लगाएर विवाद सिर्जना गरिएको छ ।

khadaa
त्यसरी आजको दिनसम्म आईपुग्दा खादालाई संस्थागत रुपमा नै प्रयोग नगर्ने भनी बहिष्कार र घोषणा गर्ने दुई संस्थाहरु र उक्त संस्थाको प्रमुखहरु सुन्नमा आएको थियो । उक्त दुई संस्थाको प्रमुख दुई ब्यक्तिको नाम (यहाँ उल्लेख नगुरौं) बाहिर सामाजिक सन्जालदेखि सबैतिर सुन्नमा आएको थियो, छ । त्यो एउटा नेपाल भित्रकै चितवन जिल्लाको नेपाली कांग्रेस पार्टीको जिल्ला कमिटी र त्यसको प्रमुख हो भने अर्को नेपाल बाहिर एन आर एन भन्ने संस्थाको युएई भन्ने देशमा रहेको कमिटी र त्यही कमिटीको प्रमुख ।

त्यसो त त्यो भन्दा अगाडि फाट्टाफुट्ट केही हिन्दु धार्मिक संस्कारबाट हुर्किएका राजनीतिक बामपन्थी पृष्ठभुमिका केहि नेता अनि कार्यकर्ताले सानो स्वारमा सानो सानो कार्यक्रममा वा भेलातिर “खादा लाउनु हुन्न, किनकी यसमा फ्री टिबट लेखिएको हुँदोरहेछ ।” भनेर ब्यक्तिगत रुपमा कुनै कुनै कार्यक्रमतिर खादा लगाउन ईन्कार गरिएको देखिन्थ्यो । उनीहरुले सिधैं बहिष्कार भन्न त सकिरहेको थिएन तर बहिष्कार जस्तै गरेको देख्न र सुन्नमा आएको थियो ।

तर अहिले त नेपाल सरकार (सचिब स्तरकै) मिति ः २०७३÷०३÷२० गतेको निर्णयले संस्कृति, पर्यटन तथा नागरिक उड्डायन मन्त्रालय र त्यस मातहतका सबै निकायमा प्रतिबन्ध भनी सर्कुलर जारी गरिएको देखियो । त्यो दुखत कुरो हो, मुलुक धर्म निरपेक्ष राज्य भईसकेको बेलामा, नयाँ संविधानमानै उक्त कुरा उल्लेख भई जारी र कार्यान्वयनको चरणमा रहेको अवस्थामा । यो मुलुकमा सदियौदेखि एक जातिले एक धर्म, भाषा, संस्कृति, भेष आदिलाई प्रश्रय दिई उसैकै मात्र धर्म, भाष, संस्कृति, भेष आदि लादी रहेका थिए । त्यसैको धङधङगी अहिले पनि बाँकी रहेका छन् नेपाल सरकारको प्रायजसो निजामति कर्मचारीहरुमा । जसले मुलुकै भरी खादालाई प्रतिबन्ध लागाउनु पर्छ भन्ने मान्यता राख्दछन् अहिले पनि । सायद त्यस्तैहरुको लहैलहैमा नै अहिले दशैभर खादालाई प्रतिबन्ध नभनी सिमित एक मन्त्रालय र त्यस मातहतका कार्यालयहरुमा मात्रै पहिलो चोटी प्रतिबन्ध भनी नमुना परिक्षण गरेको हुनसक्छ । यस्ताहरुको भोलि देशैभर प्रतिबन्ध लगाउने नियत पनि लुकेको हुनसक्छ । तर त्यो संभव छैन र गरिनु पनि हुन्न । त्यसो त के हो त खादाको बास्तविक अर्थ ? यसको प्रयोग÷शुरुवात कहाँबाट भयो त ? बौद्घ धर्मसँग यसको साईनो के छ ? यसको प्रयोग गरेमा के के धार्मिक एवं आध्यात्मिक फाईदा र विश्वहरु छन् हुन्छन् आदि कुराको ज्ञान नभएर पनि खादा सम्बन्धमा विवाद, बहस र भ्रम फैलिएको देखिन्छ ।

खादा भनेको के हो ?

खादा अर्थात बौद्घ धर्मलम्बीहरुले हरेक शुभ कार्य तथा जन्म देखि मृत्य संस्कारसम्म उपयोग गर्ने पवित्र मानिने एउटा लगाउने लुगा जातीको बस्त्र हो । जुन नेपाली गलबन्दी जसरी मानिसको गलामा लाईन्छ । खादा मानिसको जन्म, ब्रतबन्ध, विवाह, मृत्य लगाएत हरेक पूजाआजा, भेटघाटमा स्वागत, विदाई आदि संस्कारहरुमा उपयोग हुने प्रयोग गरिने वस्त्र र विशेषत बौद्घ धार्मिक आस्थाको पवित्र चीज भएको हुनाले यसलाई बौद्घधर्मलम्बीहरुले भगवानको जिन्लाब (प्रसाद) पनि भनिन्छ ।

khadaaa

यति मात्रै नभएर आजकल हरेक समुदायहरु के बौद्घ, के हिन्दु, के क्रिस्चीएन, के मुसलमान सबै धार्मिक एवं सामाजिक समुदायहरुले खादाको निकै नै उपयोग गरेको पाईन्छ । यसरी हेर्दा यसको प्रयोग फूलको मालाको पर्यावाची वा सट्टामा प्रयोग भएको जस्तो पाईन्छ । फुलका मालाहरु बाह्रैकाल, बाह्रै महिना नपाईएकाले पनि यसको प्रयोग धेरै भएको हामीले अनुमान लगाउन सकिन्छ । यदि फुल बाह्रैकाल, बाह्रै महिना पाईन्छ भने यसको प्रयोग स्वभाविक रुपमा त्यति नहुन पनि सकिन्थ्यो होला । फेरि खादालाई जबरजस्ती कसैले कसैलाई कसैले पनि कहिल्यै पहिर्याउनु पर्छ भनि भनिएको छैन । तर पनि आपसेआप स्तहःस्पुर्त ढंगले यसको प्रयोग विभिन्न धार्मिक तथा सामाजिक समुदायहरुमा देश विदेश सबै ठाउँमा खादाको उपयोग हुदै गएको देखिन्छ ।

खादाको प्रयोग÷शुरुवात कहाँबाट भयो त ?

खादा प्रयोगको इतिहासलाई केलाउदै जाँदा यसको सुरुवात यही समय र स्थानबाट भयो भन्ने लिखित इतिहास पाउन कठीन छ । त्यस्तो भएता पनि यसको प्रयोग प्राचिन काल देखिनै तिब्बतबाट भएको अनुमान लगाउन सकिन्छ । सुरुमा यसको प्रयोग÷शुरुवात सेतो रङको पातलो जाली जस्तो वस्त्रको खादा प्रचलनमा ल्याईएको थियो । तर समय र प्रविधिको विकाससँगै यसको पनि क्रमशः विकास र विस्तार हुदै आजको अवस्थामा विभिन्न पञ्चरङ्गी खादाहरु हाम्रो बजारसम्म आईपुगेका छन् ।

खादाको धार्मिक अर्थ :

खादालाई भगवान गौतम बुद्धको न्हाम्सा अर्थात वस्त्रको रुपमा लिईन्छ । सामान्यतया सबै प्रकारका खादाहरुमा अष्ट मंगलमको चित्र र सम्भोटा लिपीमा केही मन्त्रहरु÷कुराहरु लेखिएको हुन्छन् । जस्तो सम्भोटा लिपीमा “टाशी देलेक फुन्सुम छ्योक” लेखिएको हुन्छ, जसको अर्थ “सुख, शान्ति, शुभ, राम्रो कुराले सबै भरिपूर्ण होस” भन्ने हो । त्यससँगै खादामा अरु विभिन्न सम्भोटा अक्षरका वाक्यांशहरु पनि उल्लेख गरिएका हुन्छन् । सम्भोटा लिपीमा “ङिन्मो देलेक छेन्देलेक, ङिम्हे घुङयाङ देलेग सिङ” जसको अर्थ “दिनको शुभ, रातको शुभ, मध्य दिनको शुभ होस्” भन्ने हो । त्यस्तै “ङिन्छेन् ताक्तु देलेगपा, कोन्छ्योग सुम्गी टाशी श्योग” जसको अर्थ “दिन र रात सबै राम्रो भइ त्रिरत्नको शुभ रहोस्” भन्ने हो । अनि “पोन्लोप मिडल ल्हेन्चीघ ढोघ, कुछे मिग्युर स्रा सिङ तेन्ङा, स्हाङ्से टोग्युन मिछेकी ला छ्योइफेल टाशी श्योग” जसको अर्थ “गुरु (मन्त्री) मण्डल र हामी बीच केही गडबडी नभई सधै मित्रता र साथ रही रहोस्, आयु र शरीर कहिल्यै नष्ट नहोस्, बलियो एवम् अटल होस, राम्रो होस्, हृदय देखि नै कर्म गर्न मन लागिरहोस्, अनन्त सम्म सुख, शान्ति, धर्म फैलिएर जाओस्” भन्ने हो ।

त्यसैगरी खादामा अष्ट मंगलमको चित्र पनि छापिएको हुन्छ । जसको अर्थ निम्नप्रकारका हुन्छन् ।

१. धुक (ह्रिन्छेन धुक) यसको अर्थ छाता अर्थात भगवानको छाता जो ज्ञानको सागर भएको ब्यक्तित्वलाई ओढाइने गर्दछ ।
२. माछा अर्थात सुनको माछा (सेर्गी ङ्या) यसको अर्थ शुभको प्रतीक हुन्छ ।
३. भुम्बा अर्थात कलश (घोइम्युङ) यसको अर्थ सम्पूर्ण इच्छा प्राप्ति हुने ।
४. कमल (इहोङ कमल) यसको अर्थ हृदय आनन्दित पार्ने ।
५. शङ्ख (ङ्यान्डक धुङ) यसको अर्थ शक्तिशाली श्रवण अर्थात धर्मको ध्वनी वा आवाज ।
६. स्वस्तिक चिन्ह (पल्बेहु) ल्भखभच भ्लम ीयखभ अर्थात इच्छाएको प्राप्ति भएको, धेरै राम्रो ।
७. छाता, ओत, छाना (घ्याल्छेन) यसको अर्थ मानव जीवन कहिल्यै अन्त्य नहुने ।
८. धर्मचक्र÷खोर्लाे (वाङ्ग्युर) यसको अर्थ शक्ति फैलाउने । भन्ने हो ।

त्यस्तै खादामा प्रयोग हुने पञ्चरङ्गको पनि छुट्टाछुट्टै अर्थ हुन्छ । जसको अर्थ बौद्घ धर्म अनुसार सामान्यतय निम्न हुन्छन् ।

१. निलो . आकाश
२. पहेँलो . जमीन÷माटो
३. रातो . अग्नी
४. सेतो . बादल
५. हरियो . जङ्गल

माथि उल्लेखित रंगहरुकै प्रतिकको रुपमा बौद्घ धर्मको झण्डा बनेको हुन्छ । जसको सांकेतिक अर्थ पृथ्वी र आकाश गंगामा आगो, बादल, पानी, जमिन÷माटो, आकाश, जंगल हुन्छ त्यसको सधै हामीले संरक्षण, सम्बर्धन, प्रबर्धन र माया गर्नुपर्छ भन्ने हो । त्यसैको प्रतिक र सांकेतिक अर्थ आउन भनेर खादाको निर्माण गरिएको हो । सबै मानव जाति र जगतको भलो होस्, सुख र समृद्घी होस् भनेर खादाको आविस्कार भएको हो ।

 त्यसोत नेपाल एउटा बुद्घ र बौद्ध धर्मको महत्वपूर्ण ठाउँ हो । नेपालको भूगोलमा भगवान गौतम बुद्ध जन्मिनुको साथै उहाँले बुद्घत्व प्राप्त गर्ने khadaaaaa vchanठाउँहरुको संगमहरु स्थानहरु धेरै छन् । जस्तो काक्रे विहार, लुम्बनी, काठमाण्डौ, नमोबुद्घ, तेमाल, शैलुङ, हलेसी आदि ठाउँहरु बुद्घले बुद्घत्व प्राप्त गरेको ठाउँहरु हुन । नेपाल देशमा सबै जनताहरु सदियौदेखि धार्मिक सहिष्णुता कायम गरी बसिरहेका छन् । तर विभिन्न समयमा जबर्जस्ती रुपमा खादा सम्बन्धी विवाद, वाईयात बहस, भ्रम तथा नकारात्मक कुराहरु पैmलाउने दुष्प्रयास भईरहेका छन् । यस्तो हुनुमा अल्पज्ञान र सह अस्तित्वको भावनालाई स्वीकार गर्न नसक्नु धार्मिक अहंकारवादी सोच प्रमुख कारक हो । यसमा केही हदसम्म सम्बन्धित सरोकारवाला पक्षले खादाको महत्व, यसमा लेखिएको अक्षरहरुको अर्थ, चित्रहरुको अर्थहरुलाई धार्मिक, आध्यात्मिक र व्यावहारिक रुपमा स्पष्ट नपारेको कारणले पनि बेलाबेलामा यस्तो विवाद, वाईयात बहस र भ्रम भएको हो ।

अन्तमा ः खादा अर्थात पवित्र चीज जिन्लाब (भगवानको प्रसाद) रुपी एक बस्त्र हो । खादालाई भगवान गौतम बुद्धको न्हाम्सा अर्थात वस्त्रको रुपमा लिईन्छ । खादा अर्थात बौद्घ धर्मलम्बीहरुले हरेक शुभ कार्य तथा जन्म देखि मृत्य संस्कारसम्म उपयोग गर्ने पवित्र मानिने एउटा लगाउने लुगा जातीको बस्त्र हो । विशेषत खादा बौद्घ धार्मिक आस्थाको पवित्र चीज भएको हुनाले यसलाई बौद्घधर्मलम्बीहरुले भगवानको जिन्लाब (प्रसाद) रुपमा पनि लिईन्छ । यसको प्रयोग बौद्घ धर्मलम्बीहरुले मात्र नभई जुनसुकै वर्ग, समुदाय, धर्म, जातजातिहरुले प्रयोग गर्न सकिन्छ । किनभने खादामा कुनै धर्म वा समुदाय विशेषको वर्णन गरिएको नभई समग्र प्राणीको हितको लागि शुभ वाक्यांशहरु लेखिएको हुन्छ । बाताबरणीय दृष्टिकोणले मात्र हेरेर, नेपालमा नभई अन्तै बनेको भनेर व्यापारको दृष्टिले मात्र हेरर, खादामा लेखिएको लिपीलाई मात्र हेरेर अनुमानको भरमा विभिन्न आक्षेपहरु लगाउनु वा लगाइनु अल्पज्ञानको उपज मात्र हो भन्न सकिन्छ ।

(श्रोत र श्रोत व्यक्तिहरु ः विभिन्न सामाजिक संजालहरु, विभिन्न पत्रपत्रिकाहरु, बौद्घ धर्म र खादा सम्बन्धि विभिन्न रचनाहरु, थुप्तेन लामा, पेमा लामा, नाम्गेल टाशी लामा, कुशुम लामा, चिनीय लामा, धावा साङ लामा, नारायण लामा, प्रेम लामा, आदिको सहयोगमा तयार पारिएको ।)

लेखक : सरोजमोहन लामा तामाङ

[email protected]

Contact no. : 9841562921

घ्याङसुकाठोकर–५, दोलखा, उर्लिनी, हाल ःकाठमाण्डौ






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution