-सनिल  घिसिङ तामाङ

दुबई – नेपाल आदिबासी जनजाति महासंघ युएईले २२ औ विश्व आदिवासी दिवसको अबसर पारेर आयोजना गरेको “आदिवासी जनजाति महोत्सव–२०७३“ २६ अगस्त २०१६ मा सम्पन्न भएको छ । नेपालका बिबिध आदिवासी सभ्यतालाई उजागर गर्दै नेपाल आदिबासी जनजाति महासंघ युएई आबद्ध ११ जातिय संस्थाहरूले आफ्नो जातिय पहिचान तथा मौलिक संस्कृति झल्कने कला, भेषभूषा, साहित्य, बाजागाजा, घरायसी औजार तथा खाना-परिकारहरू प्रदर्शनी गरेका थिए ।

नेपाल आदिबासी जनजाति महासंघ युएईका अध्यक्ष डेरराज तमुको सभापतित्व, प्रमुख अतिथि नेपाली दूतावास युएईका कार्यबाहक राजदुत नेत्र टण्डन, बिशेष अतिथिहरु नेपाल आदिबासी जनजाति महासंघ युएईका भूपू अध्यक्षहरु, आवद्द ११ जातीय संस्थाका प्रमुखहरु, विभिन्न संघ संस्थाका प्रमुख तथा प्रतिनिधीहरु, पत्रकारहरु लगायात युएईका विभिन्न शहरहरुबाट आएका सयौं आदिबासी जनजातिहरुको उत्साहजनक उपस्थिति रहेको तामाङ समाज युएईका केन्द्रिय उपाध्यक्ष (तृतिय) तथा कार्यक्रम संयोजक सुरेन्द्र थिङ तामाङले जानकारी दिए ।

कार्यक्रमका प्रमुख अतिथि नेपाली राजदुतावास युएईका कार्यवाहक राजदुत नेत्रबहादुर टन्डनले कार्यक्रमलाई सम्बोधन गर्दै जनजातिहरुको धर्म, भाषा तथा संस्कृति नेपाल र नेपालीको वास्तविक पहिचान भएको बताउदै यसलाई व्यवस्थित र प्रवर्दन गर्दै लानु पर्ने बताउनु भयो । प्रमख अतिथि नेपाली दूतावास युएईका कार्यबाहक राजदुत नेत्र टण्डनले छ्योमि बालेर कार्यक्रमको उद्घाटन गरेका थिए । आयोजक संस्थाका तर्फबाट द्धितिय उपाध्यक्ष तथा कार्यक्रम संयोजक सुरेन्द्र थिङ तामाङले स्वागत मन्तव्य, प्रथम उपाध्यक्ष पासाङ शेर्पाले आदिवासी दिवस र समसामायिक बिषयमा आफ्नो मन्तब्य र कार्यक्रमका सभापतिले मन्तव्य व्यक्त गरेका थिए । कार्यक्रमको संचालन नेपाल आदिबासी जनजाति महासंघ युएईका महासचिव शुत्रमनि राई र बिजया लक्ष्मी राईले गरेका थिए ।

नेपाल आदिबासी जनजाति महासंघ युएईले यूएईमा स्थापित नेपाली जातिय संघहरूमा आबद्ध भई विशेष योगदान दिने दुई जनालाई बिशेष सम्मान गर्ने कार्यक्रम अन्तर्गत यसबर्ष तामाङ समाज युएईमा लामो समयदेखि अनवरत रूपमा सामाजिक कार्यहरूमा सक्रिय रहि काम गर्दै आएका तामाङ समाज युएईका संरक्षक तथा निबर्तमान अध्यक्ष राम मोक्तान र तामाङ समाज युएईकी केन्द्रिय सचिब बसन्ती दोङलाई सम्मान गरेको छ । त्यसैगरी तामाङ समाज युएईका अध्यक्ष महेश मोक्तानलाई प्रमुख अतिथिले दोसल्ला ओढाएर सम्मान गरेका थिए । तामाङ समाज युएईका तर्फबाट तामाङ चलचित्रका नायक बिजय लामा थोकर, बिक्रम लामा तामाङ, जस्मिन तामाङ र लोमु शेर्पाले तामाङ सेलो गीत तथा नृत्यहरु प्रस्तुत गरेका थिए । यूएईमा वसोवास गर्ने तामाङहरू लगायत विभिन्न आदिवासी समुदायहरूले आ-आफ्नो संस्कृति झल्कने प्रस्तुतिहरू कार्यक्रममा प्रस्तुत गरेका थिए ।

कार्यक्रमको मुख्य प्रायोजक आशा H4 फाउणडेशन नेपाल र सह-प्रायोजकहरूमा अस्टोरिय होटल बरदुबई, हिमालयन वर्लड ट्राभल्स एलएलसी, अहलिया हस्पिटल हम्दान अबुधावी, सञ्जय गार्मेन्टस बरदुबई, जेडिअार रियल स्टेट ब्रोकेरेज, फिस्टेल ट्राभल्स एन्ड टुर्स बरदुबई, नमस्ते ट्राभल्स एन्ड टुरस बरदुबई, एभरेस्ट रेस्टुरेन्ट बरदुबई, सिटिलाइफ ट्राभल्स एन्ड टुरिजम बरदुबई, लाङघाली ट्रस्ट थिए ।