काठमाडौं – २०७३  भाद्र  १२  |  पुर्ब मन्त्री गोरे बहादुर खपाङ्गीको निधन भएको छ । उपचारको क्रममा शनिबार बेलुका १० बजेर २२  मिनेट जाँदा काठमाण्डौ बाँसवारीको न्युरो अस्पतालमा ७० बर्षको उमेरमा उहाको निधन भएको गोरेबहादुर खपाङ्गी फाउण्डेशनका अध्यक्ष हुम बहादुर थापा (पचभैया)ले जानकारी दिनुभयो । शनिबार दिउसो ४ बजे पिसाब बन्द भई ज्यान सुन्निए पछि उहालाई अस्पाल लगिएको थियो । अस्पताल बाट सामान्य उपचार पछि खपाङ्गीलाई उहाको निवास ललितपुर स्थित नख्खुदोबाटो ल्याईएको थियो ।

फाउण्डेशनका अध्यक्ष थापाका अनुसार घरमा ल्याएपछि नै झन समस्या भएपछि पुन न्युरो अस्पताल लगिएको थियो । उपचारकै क्रममा उहाको शनिबार बेलुकी १० बजेर २२ मिनेट जादा अस्पतालमै मृत्यु भएको हो । २०६९ साल भाद्र २२ गते तत्कालिन पुर्ब राजा ज्ञानेन्द्र शाहको पालामा खपाङ्गी ८ महिना सम्म महिला तथा बालबालिका मन्त्री बन्नुभएको थियो ।

२०७० साल बैशाख १२ गते काठमाण्डौ राष्ट्रिय सभागृहमा आयोजित आदिवासी जनजाति चलचित्र महोत्सबमा सहभागी हुन जाने क्रममा खपाङ्गीलाई प्रदर्शनी मार्गमा मोटरसाईकलले ठक्कर दिई गंभिर घाईते बनाएको थियो । दुर्घटना पछि नै अर्धचेत हुनुभएका पुर्ब मन्त्री खपाङ्गीको माईतीघर स्थित अन्नपुर्ण न्युरो अस्पतालमा पहिलो सल्य कृया गराईएको थियो । शल्यकृया पछि पनि स्वास्थ्यमा कुनै सुधार नआएपछि उहालाई सिंगापुर लगी थप उपचार गरिएको थियो । दुर्घटना पछि नै उहा बोल्न र चल्ल समेत नसक्ने हुनुभएको थियो । २००३ साल श्रावण २५ गते थाक्ले उदयपुरमा वावा अम्रित बहादुर र आमा पदममायाको कोखबाट जन्मिनुभएका गोरे बहादुर नेपाल मगर संघको सस्थापक हुनुहुन्थ्यो । २०४८ साल देखि निरन्तर सम्म ४ कार्यकाल मगर संघको अध्यक्ष बन्नुभएका खपाङ्गी मन्त्री छदा राजाको हातबाट टिका लगाएको भन्दै सर्बत्र आलोचित हुनुभएको थियो । खपाङ्गीको परिवारमा श्रीमती बिध्या , छोराहरु शिलाजित र शिखरजित,बुहारी , छोरी चारु र शिरु र नातिनि निरया छन् ।

नेकपा मालेबाट राजनितिमा प्रवेश गर्नुभएका खपाङ्गी पार्टी परित्याग गरि राष्ट्रिय जनमुक्ति पार्टीका संस्थापक महासचिब हुदै हाल लिवरल डोमेक्रयाटिक पार्टीको अध्यक्ष हुनुहुन्थ्यो ।

राजनिति शास्त्रमा एम, ए उर्तिण खपाङ्गी २०४२ सालमा राष्ट्रिय शिक्षक संगठनको सस्थापक केन्द्रिय सदस्य हुनुहुन्थ्यो । प्रखरबतmाको रुपमा परिचित खपाङ्गी पंचायत कालमा १४ महिना जेल पर्नुभएको थियो । स्वर्गिय खपाङ्गीको मगर सस्कार अनुसार आईतबार बेलुकी पशुपति आर्यघाटमा अन्त्येष्टी गरिने पारिवारिक स्रोतले जनाएका छन् । @ राज्यसत्ता |