राजविराज – साढे एक महिनाअघि तीन छोरीलाई घरमा छोडेर आमालाई भेट्न जान्छु भन्दै निस्किएका गोपाल तामाङ बेपत्ता भएका छन् । श्रीमति जसमाया तामाङलाई  भेटन् हिडेको तामाङ घर नफर्किएपछि छोरीहरुको बिचल्ली भएको छ ।

सप्तरीको तेरहौता ५ की जसमाया तामाङ परिवारको भविष्यका लागि भारतको दिल्ली छिरेकी थिइन् । लामो समयसम्म जसमायासँग सम्पर्क नभएपछि भेंटन भनी जसमायाका श्रीमान गोपाल पनि गत असार २१ गते दिल्ली हिंडेका थिए । तर घरबाट निस्किएका बुवा गोपाल फर्केर नआएको उनका छोरी दिब्या तामाङले जानकारी दिईन । श्रीमति दिल्लीमा रहेकाले गोपालले १७, १५ र सात वर्षीया तीन छोरीको हेरचाहा गर्दै आएका थिए ।

आमा भएको ठाँउमा पनि नपुगेको, कुनै आफन्तकहाँ पनि  नभएको र फोन सम्पर्क समेत नभएको बताउँदै साढे एक महिनादेखि बुवा सम्पर्कबिहिन रहेको छोरीहरुले जानकारी दिए । लामो समयदेखि भाई सम्र्पकमा नआएपछी खोजिका लागि गोपालका दाजु सनमान तामाङले ईलाका प्रहरी कार्यालय रुपनीमा जाहेरी दिएका छन् ।

जसोतसो बुवाआमा दुबैको माया दिएर हुकाईरहेका बुवा गत असार २१ गते विहान दिल्ली जान तयार पर्नुभएको थियो,’ १७ वर्षीया छोरीले भनिन, ’बहिनीहरु सुतिरहेका थिए । बहिनीहरुको रेखदेख गर्नु म दिल्ली पुगेर आउँछु भनेर जानुभएको हो, अत्तोपत्तो छैन् ।’ बुवालाई सम्झिदै उनी छटपटिइन् । ’सानी बहिनीले जतिबेला पनि बावालाई बोलाइदे भन्छ । मलाई पनि बुबाको याद आइरहन्छ, उनले पीडा पोखिन् ।

गोपालका दिदी पशुमाया तामाङले भनिन्– ’आमा दिल्लीमा र हेरचाहा गर्ने बुवा समेत बेपत्ता भएपछि अब यिनीहरूको बिचल्ली हुनेभयो ।’ उनीहरूको पढाई र भविष्यबारे चिन्ता लागे पनि आफ्नो घरको आर्थिक अवस्था कमजोर भएका कारण पालन पोषणमा समस्या भएको बताइन् । @ वाईलाइन (तामाङ समाचार डेक्स)