– सरोज मोहन मोक्तान  तामाङ

नेकपा एमालेको पहिलो जातीय घटक संगठन नेपाल लोकतान्त्रिक तामाङ संङ्घको १२ औ स्थापन दिवस काठमाडौंको कमलादीस्थित राष्ट्रिय प्रज्ञा प्रतिस्ठानको सभा हलमा भब्य रूपमा संपन्न भएको छ । पार्टीको केन्द्रिय महासचिव ईश्वर चन्द्र पोखरेलको प्रमुख अतिथ्यतामा स्थापन दिवसकै सन्दर्भमा “संबिधान कार्यान्वयनको चुनौती र हाम्रो कार्यभर” विषयक बिचार गोष्ठीको साथै सास्कृतिक तथा जलपान कार्यक्रम समेत आयोजना गरि स्थापन दिवस मानिएको छ । कार्यक्रममा विशेष अतिथिदोय पार्टी सचिब तथा नेपाल लोकतान्त्रिक आदिवासी जनजाति महासंघका अध्यक्ष पृथ्वी सुब्बा गुरुङ र पार्टी पोलिट ब्यूरो सदस्य एबं सो फटको ईन्चार्ज गोकुल घर्ती मगर हुनुहुन्थ्यो । कार्यक्रममा स्वागत मन्तब्य पुर्ब सभासद तथा नेपाल लोकतान्त्रिक तामाङ संघको उपाध्यक्ष शान्ति पाखृनले दिनुभएको थियो भने कार्यक्रमको सभापति नेपाल लोकतान्त्रिक तामाङ संघको का.बा.अध्यक्ष दावा तामाङले गर्नुभएको थियो ।

“नेपाल देशको राष्ट्रिय एकता कायम गर्न र केन्द्रिकृत शासन ब्यबस्थालाई बिकेन्द्रीकृत गर्न यस्तो जातीय घटक निर्माण गरिएको संगठन हो, एक जातीय, एक भाषा, एक धर्म, एक भेषको भ्रम चिर्न सबै नेपालमा पहिचान स्थापित गर्न नेकपा एमालेले यस्तो जातीय घटक संगठन बनाएको हो” प्रमुख अतिथिले भन्नुभयो । “नेपालमा तामाङ जातीको जनसंख्या समग्रमा पाँचौ, आदिवासी जनजातिमा तेस्रो छ तर राज्यको हरेक निकायमा हाल हेरयो भने त्यो अनुपातमा सहभागिता तामाङ जातिको देखिन्न, छैन त्यसैले हामीले अहिलेको संबिधानमा नै समानुपातिक समाबेशी प्रतिनिधित्वको ग्यरेण्टी गरेका छौँ, अब तामाङ समुदाय लगायत आदिवासी जनजाति र बर्गिय रूपमा उत्पीडित सबै समुदायहरुले एमाले पार्टीबाट त्यो अधिकार पुर्ण रूपमा पाउने छ” प्रमुख अतिथि ईश्वर पोखरेलले भन्नुभयो । “यो देश र जनताको माया साच्चिकै गर्ने पार्टी यदि नेपालमा छ भने त्यो मात्र नेकपा एमाले हो, अरु कुनै पार्टी त्यस्तो देखिन्न, अनि नेकपा एमाले पार्टीचाहि तामाङ जाती बिरोधी पार्टी ? आदिवासी जनजाति बिरोधी पार्टी ? मधेस बिरोधि पार्टी, कसले भन्छ यो ? उहाँले भन्नुभयो ।

त्यस्तै अर्को विशेष अतिथी पार्टी पोलिट ब्यूरो सदस्य, फाँट्को ईन्चार्ज तथा सचेतक गुकुल घर्तीले “कार्यक्रममा अनेरास्ववियुका केन्द्रिय अध्यक्ष नबिना लामा, प्रसे चौतारीका केन्द्रिय अध्यक्ष गणेश बस्नेत, नेपाल लोकतान्त्रिक आदिवासी जनजाति महासंघका महासचिव शरण राईले बोल्नुभएको थियो ।

कार्यक्रममा विभिन्न जातीय घटक संगठनका अध्यक्षहरु, जिल्ला अध्यक्षहरुमा काभ्रेका टोपबहादुर लामा लगायत अनेरास्ववियुका उपाध्यक्ष शैलेस लामा, सचीव अरती लामा उपस्थिति हुनुभएको थियो ।