भाद्र १० , याम्बु |तामाङ चलचित्र संघको आयोजनामा आउँदो भाद्र १६ गते  बिहान १० बजे नेपाल प्रज्ञा प्रतिष्ठान कमलादीमा २१ औ तामाङ चलचित्र प्रदर्शन दिवस मनाउने भएको छ ।

२०५२ सालमा पहिलो पटक तामाङ चलचित्र निर्माण भएको हो । सोही चलचित्र सेमरी छोरङान २०५३ साल भाद्र १६ गते रसियन कल्चरमा च्यारीटी शो भएको सोही दिनलाई तामाङ चलचित्र संघले प्रदर्शन दिवसको रुपमा मनाउदै आईरहेको छ । सोही चलचित्र दिवसको अवसरमा तामाङ चलचित्रमा योगदान पुर्याउनु हुने चलचित्रकर्मीलाई सम्मान गर्दै आईरहेको छ । यस वर्ष पनि ५ जना तामाङ चलचित्रकर्मी र एक जना सिने पत्रकारलाइ सम्मान गर्ने भएको छ । सम्पुर्ण चलचित्रकर्मीहरुलाई उपस्थितको लागि आयोजकले हार्दिक अनुरोध  गरेको  छ  |

बृहत् साँस्कृतिक कार्यक्रम सहित २१ औ प्रदर्शन दिवस मनाउन लागेको संस्थाका सचिव तथा प्रचार प्रसार संयोजक जयन कुमार मोक्तानले जानकारी  दिनु भएको छ |