तेलअविव ,इजरायल

नारीहरुको महान चाड हरितालिका तीज -२०७३ इजरायलमा भव्यताको साथ  मनाउने  भएको छ | दुई भिन्न भिन्न स्थानमा आयोजना गरिएको कार्यक्रमको लागि नेपालबाट ७ जना चर्चित कलाकारहरु इजरायल आउने भएका छन् |  दुवै कार्यक्रमहरु  एकै दिन  २  सेप्टेम्बर २०१६ (शुक्रबार)  साँझ  आयोजन गरिएको छ |

एउटा  कार्यक्रम “गैरआबसिय नेपाली संघ राष्ट्रिय समन्वय, इजरायल”को मुख्य आयोजना  र  इजरायलमा रहेका संघसंस्थाहरु  विश्व साहित्य महासंघ इजरायल , हेल्पिङ हर्टस् इन इजरायल, हिन्दु जागरण अभिनय नेपाल इजरायल ,नेपाल मगर संघ इजरायल , नारीको लागि नारी १ करोड , चितवन समाज इजरायल , अन्तराष्ट्रिय नेपाली कलाकार मन्च इजरायल , रुपन्देही समाज इजरायल , श्रीकृष्ण प्रणामी  गैर आवासीय नेपाली युवा परिषद इजरायल ,अन्तराष्ट्रिय कलाकार समाज इजरायल , श्री सत्य साई केन्द्र इजरायल , किराँत राई यायोख्खा नेपाल इजरायल , झापाली समाज इजरायल र प्रवासी नेपाली नागरिक समाज इजरायल सहआयोजक  रहेको एनआरएनए इजरायलले जनाएका छ  | कार्यक्रम तेलअविव युनिभर्सिटी हलमा हुने भएको छ |

यसै गरी तेलअविव मै अर्को कार्यक्रम  “मनोरंजन,परोपकार र लगानीको क्षेत्र पहिचान , नमस्ते नेपाल हातेमालो सामाजीक संस्थाको अभियान” भन्ने मुल नारा सहित “नमस्ते नेपाल हातेमालो सामाजीक संस्था,इजरायल”को मुख्य आयोजना र मातृभुमीकालागि पर्वत सेवा समाज इजरायलको सह-आयोजनामा नेपाली चेलीहरुको महान चाड  “हरितालिका तीज साँझ – २०७३” भव्यताको साथ मनाउने भएको छ |

उक्त कार्यक्रमको लागि नेपालबाट चर्चित कलाकारहरु प्रजापति पराजुली,राधिका हमाल र जानकी मगर आउने भएका छन् |कार्यक्रम तेलअविव स्थित नामाल – २८ मा  रहेको हलमा हुने भएको छ |

शुक्रबार साँझ ८ :०० बजे देखि शुरु  हुने दुवै कार्यक्रमका  लागि लेवेन्सकी पार्क देखि  कार्यक्रम स्थल सम्म नि:शुल्क यातायातको सुविधा रहेको आयोजक द्वारा जानकारी  दिएको छ  | दुवै  कार्यक्रमको प्रवेश  शुल्क १०० सेकेल रहेको छ |

गैरआबसिय नेपाली संघ राष्ट्रिय समन्वय, इजरायलको  भिडियो प्रमो

नमस्ते नेपाल हातेमालो सामाजीक संस्था,इजरायलको भिडियो प्रमो