विश्वको ३० वटा मुलुकमा नयाँ शक्ति पार्टी नेपालको प्रवास समितिहरु गठन भईसकेको छ | यसै शिलशिलामा आउँदो सेप्टेम्बर २०१६ भित्र साइप्रास र पोर्चुगल दुवै देशमा नयाँ शक्ति नेपालको प्रवास समिति गठन भईसक्ने नयाँ शक्ति पार्टी नेपालका केन्द्रिय सदस्य तथा अन्तराष्ट्रिय नेपाली समाज यूकेका सह-संयोजक कमान सिङ् कर्मा पहाडी शेर्पाले जानकारी दिनु भएको छ |

साइप्रास

पहिचानको र अधिकारको लडाईंमा बिगत तीन दशक देखि आफ्नो आवाज बुलन्द रुपमा उठाउदै आएका रमिला राईको संयोजक्त्वमा साइप्रासामा अन्तरास्ट्रिय समाज साइप्रास गठन हुने पक्का भएको छ | हाल ८२ जना सदस्य बनिसकेको र पूर्व संघिय जनमुक्ति पार्टी प्रवास समिति जनमुक्ति मंच साइप्रासका कार्यसमितिका सदस्यहरु लगायत ६२ जना रहेका रहेको जनाएको छ |

पोर्चुगल

दोलखा जिल्ला मार्बु ८ घर भई पोर्चुगलमा सन् २००९ देखि होटेल ब्यबसायमा सक्षम र शेर्पा समाजको आगुव शेर्पा नेता समाजसेबी धन राज शेर्पाको नेतृत्वमा आउँदो ४ सेप्टेम्बर २०१६ का दिन अन्तराष्ट्रिय नेपाली समाज पोर्चुगलको संगठन निर्माणको लागि बिशाल भेलाको मिति तय भई सकेको छ | नयाँ शक्ति नेपालको प्रवास प्रादेशिक समितिका संयोजक नबराज सुबेदी ,सहसंयोजक शंकर भण्डारी अहिले नेपाल मै व्यस्त भएकोले संगठन निर्माणका लागि यूरोप बिभाग प्रमुख तथा बेलायत संयोजक भोला खनाल र युके सह-संयोजक कमान सिङ् कर्मा पहाडी शेर्पा जानु हुने भएको छ |

केहि महिना अगाडी संघिय जनमुक्ति पार्टी र नयाँ शक्ति नेपाल पार्टी बिच भएको एकिकरण संगसगै प्रबासमा रहेको संघिय जनमुक्ति पार्टीको सबै भात्री संगठन जनमुक्ति मंचहरु पनि विघटित भएको थियो | विघटित भात्रि संगठनहरु अहिले विभिन्न देशमा नयाँ शक्ति पार्टी नेपालको प्रवास समिति गठन गर्ने अभियानलाई पुर्ण रुपमा सहयोग गर्दै अघि बढाउने क्रमलाई जोड दिदै आएका छन् | नयाँ शक्ति पार्टी नेपालको ( भात्री संगठन ) प्रवास समिति ‘अन्तरास्ट्रिय नेपाली समाजको नामबाट ३० वटा भन्दा बढी राष्ट्रहरुमा संगठित भईसकेको छ |