जीवन थापा मगर र जोया काण्डलाई कुनै पक्षले सस्तो लोकप्रियताको लाभ लिन खोजे पनि राज्य, राज्य जस्तो नहुदा,देश देश जस्तो नहुदा,संबिधान संबिधान जस्तो नहुदा र शासकहरूलाई देश तथा जनताको माया नहुदा संसारको सामु नेपाल र नेपालीले शीर निहुराउनु परेको छ।यो सवाल कुनै व्यक्ति वा समुदायसंग मात्रै नभएर सिंगो देश र नेपालीसंग जोडिएको विषय भएकोले नै आज संसारभरी नेपालीहरू असुरक्षित हुन लागेका हुन ।जीवनको गल्ती हुन सक्छ यो छानबीन प्रक्रियाले पनि देखाउला । गल्ति भए के जीवनलाई कानुन वमोजिम कार्बाही गर्न थुन्ने जेल छैन?या देश निकाला उसलाई गर्नु पर्थ्यो कानूनी वाटो भए । जीवनको गल्ति भनेर 2 छोरा र जहानलाई निकाला गर्नु सरासर देश बिरोधी कदम हो।देश को शीर उच्च पार्न नेपाल मगर संघ र स्वदेश तथा विदेशका नेपालीहरू जीवन,जोया र देशलाई न्याय दिलाउन लडिरहनेछन।फर्की आऊ बुहारी जोया नेपाल देशले अंगालो हाल्न तपाईलाई पर्खिरहेको छ। फर्कि आऊ नेपाली रगतका डल्ला दुई छोरा नेपाल देशको माटोले खोजीरहेको छ।कुनै शासकले तिमीहरूको नेपाली रगत लिलाम गरे पनि साथमा सिंगो नेपाल देश र नेपाली जनता उभेका छन।माटो तिमीहरूको पाईलाको मिठो स्पर्स चुम्न वाटो कुरी वस्ने छ।नेपाल सरकार र राजनैतिक दलहरूलाई जोया परिवारलाई ढिलाई नगरी नेपाल फिर्ता गराई जुन सुकैलाई पनि कार्बाहीको लागि संघ र जनता जोडदार माग गर्दछ।अन्यथा जनताले उच्च तहको आन्दोलन गर्न वाध्य हुनेछन जसको जिम्मेवारी राज्य नै हुनु पर्नेछ।अधिकार मागेर नपाईदो रहेछ।

जय मगरात गणतन्त्र नेपाल ।।

नबीन रोका मगर
अध्यक्ष
नेपाल मगर संघ केन्द्रीय समिति