एमालेको स्थायी समितिको बैठकले प्रादेशिक कमिटीका संयोजक र सहसंयोजकहरू तोकियो
एमालेले आफ्नो प्रादेशिक संरचना तयार गर्दै त्यसका संयोजक र सहसंयोजकहरू तोकेको छ । स्थायी समितिको मंगलबारको बैठकले प्रादेशिक कमिटीका संयोजक र सहसंयोजकहरु तोकेको हो ।
सात वटा प्रदेशका संयोजकमा ३ जना अध्यक्ष केपी ओली र ४ जना नेता माधवकुमार नेपाल समूहका छन् । त्यस्तै उपसंयोजकहरूमा ६ जना ओली र एकमात्र नेपाल पक्षका छन् । जसअनुसार –
प्रदेश–१
संयोजक – सचिव भीम आचार्य
सहसंयोजक– वैकल्पिक पोलिटब्युरो सदस्य शेरधन राई
प्रदेश–२
संयोजक – स्थायी समिति सदस्य सत्यनारायण मण्डल
सहसंयोजक -पोलिटब्युरो सदस्य नागेन्द्र चौधरी
प्रदेश–३
संयोजक – उपाध्यक्ष अष्टलक्ष्मी शाक्य
सहसंयोजक – पोलिटब्युरो सदस्य काशीनाथ अधिकारी
प्रदेश–४
संयोजक – स्थायी समिति सदस्य किरण गुरुङ
सहसंयोजक – पोलिटब्युरो सदस्य गणेश तिम्सिना
प्रदेश–५
संयोजक – उपमहासचिव विष्णु पौडेल
सहसंयोजक – वैकल्पिक पोलिटब्युरो सदस्य दलबहादुर राना
प्रदेश–६
संयोजक – उपाध्यक्ष युवराज ज्ञवाली
सहसंयोजक – पोलिटब्युरो सदस्य यामलाल कँडेल
प्रदेश–७
संयोजक– उपाध्यक्ष भीम रावल
सहसंयोजक – वैकल्पिक पोलिटब्युरो सदस्य कर्ण थापा
संयोजकमध्ये शाक्य, ज्ञवाली, रावल र आचार्य ४ जना नेपाल पक्ष र पौडेल, मण्डल, गुरुङ गरी ३ जना अध्यक्ष ओली पक्षका हुन् । त्यस्तै सहसंयोजकमध्ये राई, अधिकारी, तिम्सिना, राना, कँडेल र थापा गरी ६ जना अध्यक्ष ओली पक्षका हुन् भने चौधरी एक जना मात्र नेपाल पक्षबाट सहसंयोजक बनाइएको छ । प्रादेशिक कमिटीका सदस्यहरूमा सम्बन्धित क्षेत्रका केन्द्रीय सदस्यहरू, जिल्ला अध्यक्षहरू, राष्ट्रिय प्रतिनिधि परिषद् सदस्यहरू र भ्रातृ संगठनका केन्द्रीय पदाधिकारीहरूलगायत रहनेछन् ।
