नेपालगन्जः अध्ययनका लागि नेपालगन्जमा बस्दै आएकी एक किशोरीआफ्नै डेराभित्र बलात्कृत भएकी छन् ।

बाँकेको ग्रामिण क्षेत्रमा स्थायी घर भई सदरमुकामस्थित नेपालगन्ज–५ गणेशपुरमा अस्थायी रुपमा बस्दै आएकी १४ वर्षीया किशोरी बलात्कृत भएकी हुन् ।

जिल्ला प्रहरी कार्यालय बाँकेका प्रहरी नायव उपरीक्षक (डिएसपी) भिमकिरण बोगटीका अनुससार जाजरकोट, भेरीमालिका नगरपालिका–८ घर भई हाल गणेशपुरमा डेरा गरी बस्दै आएका गाडी चालक ३० वर्षीय शिव शाहीले किशोरीलाई बलात्कार गरेका हुन् ।

श्रीमती र बालबच्चा सहित गणेशपुरस्थित एक घरमा डेरा लिएर बसेका शाहीले राति किशोरी सुतेको कोठामा प्रवेश गरी बलात्कार गरेको बाँके प्रहरीले जनाएको छ । पीडित किशोरी अध्ययनका लागि आफ्ना दाजुभाइसँग डेरामा बस्दै आएकी थिइन् ।

प्रहरीले बालिकालाई लगेर स्वास्थ्य चेकजाँच गराएको छ । स्वास्थ्य जाँचमा पनि किशोरीबलात्कृत भएको पुष्टी भएको छ । बालिकाको स्वास्थ्य सामान्य भएपनि उनी मानसिक तनावमा छिन् ।

जिल्ला प्रहरी कार्यालय बाँकेले पीडित किशोरीको निवेदन दर्ता गरेको छ । घटनाका अभियुक्त शाही फरार रहेको जिल्ला प्रहरी कार्यालय बाँकेले जनाएको छ । ‘पीडितपक्षको निवेदन दर्ता गरिसकेका छौं,’ बोगटीले भने, ‘अभियुक्तको खोजीकार्य चलिरहेको छ ।’