भाद्र ५, २०७३- लगातार योगा गरेर विश्व किर्तिमान कायम गरेका युवा उत्तम मोक्तान तामाङलाई अष्ट्रेलियामा बिभिन्न संघसंस्थाले सम्मान गरेका छन् ।

लगातार ५० घण्टा १५ मिनेटसम्म योगा गरेर गिनिज वल्र्ड रेकर्डमा नाम राखेका काभ्रेका युवा मोक्तानलाई अष्ट्रेलियाको मेलबर्न र एडिलेडमा बिभिन्न संघसंस्थाहरुका साथै महावाणिज्यदुतावासको कार्यलयले सम्मान गरेको हो ।

अष्ट्रेलिया भ्रमणमा रहेका मोक्तानलाई मेलबर्नमा भिक्टोरिया महावाणिज्यदुतावास, हिमालयन क्लब र तामाङ सोसाईटीले सम्मान गरेको थियो भने साउथ अष्ट्रेलियाको एडिलेडमा यहाँस्थित महावाणिज्यदुतावास र अन्तरािष्ट्रय नेपाली कलाकार समाजले संयुक्त रुपमा सम्मान गरेको थियो ।

सम्मान पाएपछि मोक्तानले अष्ट्रेलियाका नेपालीहरुले दिएको सम्मानले आफुलाई अझ अघि बढ्न प्रेरित गरेको बताए । उनले आफुले करिब १० बर्षदेखि योगा गर्दै आएको र मानिस स्वस्थ रहन योगा महत्वपुर्ण भएकाले यसलाई अझ प्रचार प्रसार गर्न आफू केन्द्रित रहने बताए ।