स्याङजा  – वडा प्रहरी कार्यालय वालिङको टोलीले मकैबारीमा काम गरिरहेकी ६० वर्षकी एक वृद्धालाई बलात्कार गरेर फरार भएका पर्वत त्रिवेणी गाविस ७ का झकबहादुर राना जिटीलाई पक्राउ गरेको छ ।

प्रहरी निरीक्षक उत्तमप्रकाश बरालका अनुसार बलात्कार गरेर फरार भएका पर्वतको त्रिवेणी गाविस ७ बस्ने ३५ वर्षका झकबहादुरलाई मंगलबार पक्राउ गरिएको हो ।

प्रहरी निरीक्षक बरालले मकैबारीमा काम गरिरहेकी वृद्धालाई झकबहादुरले बलात्कार गरेर वृद्धाले लगाएको तिलहरी र अन्य गहना चोरी गरेका बताएका छन् ।

फरार रहेको झकबहादुरलाई प्रहरीले पक्राउ गरी जिल्ला अदालतमा जबर्जस्ती करणी तथा चोरी मुद्दामा म्याद थप गरी कारबाही अगाडी बढाएको छ । झकबहादुरले यही साउन २१ गते बेलुका ६ बजेतिर ती वृद्धाको बलात्कार गरेको प्रहरीले जानकारी दिएको छ ।