भक्तपुर – मंगलबार प्रहरीले जुवाखालबाट दुई महिलासहित १६ जनालाई पक्राउ गरेको छ ।

महानगरीय प्रहरी वृत्त जगातीका प्रहरी नायब निरीक्षक विश्व श्रेष्ठको नेतृत्वमा खटिएको प्रहरी टोलीले जुवाखालबाट दुई महिलासहित १६ जनालाई पक्राउ गरेको हो ।

गए राति सूर्यविनायक नगरपालिका ५ पान्डुबजारकी माइली तामाङका घरमा जुवातास खेलाइरहेको जानकारी पाएलगत्तै गएको प्रहरी टोलीले जुवाडे र रु १० लाख ५८ हजार २६० नियन्त्रणमा लिएको प्रहरी वृत्त जगातीले बताएको छ ।

प्रहरी वृत्त जगातीका प्रहरी नायब उपरीक्षक मित्रबन्धु शर्माले पक्राउ परेकालाई जुवा ऐनअन्तर्गतको कसुरमा भक्तपुर जिल्ला अदालतबाट म्याद थप भई अनुसन्धान सुरु गरिएको जानकारी दिएका छन् ।