धनकुटा– २२ औं विश्व आदिवासी दिवस आज धनकुटामा विविध कार्यक्रमको साथ मनाइएको छ । नेपाल आदिवासी जनजाति महासंघ जिल्ला समन्वय परिषद, धनकुटाको आयोजनामा २२ औं विश्व आदिवासी दिवस विविध कार्यक्रम गरी मनाइएको हो । यस कार्यक्रम जिल्लाकोे भिन्नभिन्नै तीन स्थानमा मनाईने आयोजकले जनाएको छ ।

आज पहिलो दिन विश्व आदिवासी दिवस धनकुटाको हिले बजारको तोड्वा चोकबाट बजार परिक्रमा गरी साप्ताहिक बिहिबारे बजार लाग्ने बजारमा पुगेर विभिन्न जातजातिको पहिचानसहित सांस्कृति नाचगान साथै ‘पहिचान र अधिकारसहितको संघियता आदिवासी जनजातिहरुको अडान, अपुरो र अधुरो संविधान संशोधनका लागि हाम्रो साझा अभियान’ भन्ने मुल नारालाई जनजातीहरुले जोड दिएका थिए ।

यो वर्ष विश्व आदिवासी दिवश अधिकार प्राप्तीको लागि आन्दोलनको रुपमा सडकमा मनाईने आयोजकले जनाएको छ । संस्कृति र संस्कारलाई जर्गेना गदै आएको भनी आयोजकले विश्व आदिवासी दिवसको अवसरमा आदिवासी जनजाति समुदायका साँस्कृतिक रुपमा वर्षौदेखि सेवा गरिरहेको लामा, ओजा विजुवा र धामी झाँक्रीलाई दोसल्ला, खादा र सम्मानपत्रले सम्मान गरिएको छ ।

नेपाल आदिवासी जनजाति महासंघ धनकुटाका सचिव हेमकुमार आङलाको अनुसार ‘पहिचान र अधिकारसहितको संघीयता आदिवासी जनजातिहरुको अडान, अपुरो र अधुरो संविधान संशोधनका लागि हाम्रो साझा अभियान’ भन्ने मुल नाराको साथ यो वर्ष विश्व आदिवासी दिवस अधिकार प्राप्तीको लागि आन्दोलनको रुपमा जिल्लामा तीन दिनसम्म छुट्टाछुट्टै ठाउँमा दिवस सडकमा मनाइने बताए ।@रातोपाटी |