काठमाडौं—प्रधानमन्त्री पुष्पकमल दाहाल ‘प्रचण्ड’ नेतृत्वमा कांग्रेस—माओवादी गठबन्धन सरकार बने लगतै १४ जनाले हातैमा आएको राजदूतको पद गुमाएका छन् । शुक्रबार तत्कालीन केपी ओली नेतृत्वको सरकारले राजदूतका लागि सिफारिस गरेका राजनीतिक पृष्ठभूमीका १४ जना राजदूतको सिफारिस वर्तमान सरकारले रद्ध गरेको हो ।

सुनुवाई प्रक्रियामा रहेको सिफारिस नै सरकारले रद्ध गरिदिएपछि विभिन्न देशका लागि राजदूत हुन तम्सिएका १४ जना निराश बनेका छन् । यसरी राजदूतका लागि सिफारिस नाम रद्ध हुनेमा एमाले, माओवादी केन्द्र, राप्रपा नेपाल, फोरम लोकतान्त्रिक र राप्रपाको राजनीतिक पृष्ठभूमीका १४ जनाले रहेका छन् । उनीहरुलाई गत ७ बैशाखमा तत्कालीन सरकारले राजनीतिक भागबण्डाका आधारमा राजदूतका लागि सिफारिस गरेको थियो ।

यसरी हातैमा आएको राजदूत पद गुमाउने अभागीहरुमा एमालेका ६ जना रहेका छन् । यस्तै, माओवादी केन्द्रका ४ जना, राप्रपा नेपालका २ जना, राप्रपा र फोरम लोकतान्त्रिकको कोटामा राजदूत हुन लागेका १÷१ जना छन् ।

राजदूत सिफारिस रद्ध गरिएका ब्यक्तिहरु निम्नानुसार रहेका छन :

१. महेन्द्रबहादुर पाण्डे (चीन)
२. डा. खडगबहादुर केसी (जापान)
३. नारद भारद्वाज (श्रीलंका)
४. डा. शिवमाया तुम्बाहाम्फे (इजरायल)
५. अलिअख्तर मिकरानी (साउदी अबर)
६. युवराज कार्की (दक्षिण कोरिया)
७. लक्की शेर्पा (अष्ट्रेलिया)
८. महेन्द्रप्रसाद सिंह (कतार)
९. पदम सुन्दास (बहराइन)
१०. युगनाथ लम्साल (डेनमार्क)
११. निरन्जन थापा (रसिया)
१२. भरतबहादुर रायमाझी (युएई)
१३. खगेन्द्र बस्न्यात (बंगलादेश)
१४. शर्मिला पराजुली (ओमान)