विश्वका १५ देशमा हालसम्म छाेएन कोरोनाले,चीनसँग सीमा जाेडिएकाे उत्तर काेरियामा देखिएन
कोरोना भाइरसको प्रकोप विश्वव्यापी रुपमा फैलिएर महामारीको रुपमा लिइसक्दा केही देशहरु भने यसबाट अझै जाेगिएर बसेकाे पाइएकाे छ ।अमेरिकाको जोन होपकिन्स यूनिभर्सिटीले कोरोना भाइरसको अपडेटका लागि विश्वको सबैभन्दा ठूलो डेटाबेस तयार गरेको छ । यूनिभर्सिटीका अनुसार, कोरोना भाइरस हालसम्म विश्वका करिब १८० देशसम्म पुगिसकेको छ ।
तर यस्ता केही देशहरु पनि रहेका छन्, जहाँ कोरोनाको हालसम्म छायाँ नै परेको छैन अर्थात् त्यहाँ हालसम्म कुनै पनि संक्रमण देखिएको छैन । यसमा उत्तर कोरिया पनि शामिल रहेको छ । उत्तर कोरियाली सरकारका अनुसार, त्यहाँ कोरोना भाइरसको कुनै पनि खतरा छैन, न कुनै संक्रमणका खबर नै आएका छन् ।
जबकि उत्तर कोरियाको सीमा चीन र दक्षिण कोरिया जस्ता देशहरुबाट नै बाँकी देशहरुमा कोरोना भाइरस फैलन सुरुवात भएको थियो ।
यसैगरी अफ्रिका महादेशको कयौँ देशहरुमा हालसम्म पनि कोरोना भाइरसको संक्रमण देखिएको छैन । ती देशहरुमा बोत्सवाना, तुर्कमिनिस्तान, यमन, दक्षिण सुडान जस्ता देशहरु रहेका छन् । यसका अलावा केही साना आइल्याण्ड पनि शामिल रहेका छन् ।
कोरोना भाइरस हालसम्म विश्वका करिब २०० देशमा फैलिसकेको छ । बिहीबार बिहानसम्म करिब साढे ९ लाख मानिसहरु भाइरसबाट संक्रमित भएका छन् । यसैगरी करिब साढे ४७ हजार जनाको मृत्यु भइसकेको छ भने करिब २ लाख मानिसहरु निको भएर फर्किसकेका छन् । एजेन्सीको सहयोगमा