तामाङ सेलो संगीत तथा तामाङ खाना महोत्सव हुने
याम्बु – नेपाल तामाङ कलाकार संघको आयोजनामा तामाङ सेलो संगीत तथा तामाङ खाना महोत्सव आगामी मङ्सिर २७ र २८ गते होटल ह्यात ग्राउण्ड चुच्चेपार्टी ,बौद्ध काठमान्डौमा हुने भएको छ् । नेपाल तामाङ घेदुङ संघीय सचिवालयको कार्यलयमा एक पत्रकार सम्मेलन गरी ‘तामाङ सेलो संगीत तथा तामाङ खाना महत्सव’ बारे जानकारी गराइएको हो ।
पहिलो दिन दिउँसो १ बजेदेखी ३ बजेसम्म उदघाट्न कार्यक्रम हुने र बेलुका ७ बजेसम्म बरिष्ट कलाकारहरुको प्रस्तुती रहने र दोस्रो दिन बिहान ११ बजेदेखी बेलुका ७ बजेसम्म कार्यक्रम हुने भएको छ ।
‘महोत्सवको मुल उदेश्य डम्फुको महत्व भावी पुस्तालाई बुझाउनु र संसारभर डम्फुको ऐतिहासिक महत्व बुझाउनु रहेको तामाङ कलाकार संघको बरिष्ट उपाध्याक्ष गायक एंव सङ्गितकार विश्व दोङले बताए । दोङले डम्फुलाई परिमार्जन गरेर ड्रम सेट,ढोलक बनाइएको समेत बताएका छन ।
तामाङ संस्कार, परम्परा साथै भाषा,लोपोन्मुख बाजा,पहिचानलाई महोत्सवले थप उजगार गर्ने तामाङ कलाकार संघका अध्यक्ष सञ्जिव वाइबाले बताए । डम्फु टुङना,तामाङ सेलो सङ्गित,संस्कार र तामाङ जातिले प्रयोग गर्ने मौलिक खानाको संरक्षण र सम्बर्द्धन गर्ने परिपाटि अझ बिस्तार हुने वाइबाले बताए ।
महोत्सवमा ब्यापारिक स्टलहरु पनि रहेकोले सम्पर्क गर्न र सिङ्गो समुदायलाई आर्थिक , भौतिक तथा नैतिक सहयोगको लागि आयोजक टिमले अपिल गरिएको छ।