हेडलाईन

ट्याक्सी चढ्ने हो ? अब ५ मिनेटमा घरमै लिन आउँछ         इजरायलमा नेपाली दुतावासले २५६३ औं बुद्ध जयन्ती मनाउने,नेपाली समुदायको संघसंस्थालाई सहभागी हुन आव्हान         प्रधानमन्त्री ओली र इजरायली प्रधानमन्त्री नेतान्याहु बीच टेलिफोन वार्ता         श्रीलंका बम विस्फोटमा परी ५० को मृत्यु ,दुई सयभन्दा बढी मानिसहरु घाइते         भारतीय दूतावासद्वारा तामाङ वस्तिमा रहेको छ्योइफेल गुम्बाको पुनर्निर्माण         ह्योल्मो समाज इजरायलले बार्षिक उत्सव तथा साधारण सभाको साथमा २५६३ औं बुद्ध जयन्ति मनाउने तयारी         कुलमान घिसिङको निर्देशन ‘ट्रेड युनियनको चुनावमा गाडी नदिनु’         स्वयम्भू र हनुमानढोका जोड्ने गुरुयोजना सार्वजनिक         महिलालाई चरित्रहीन भनेपछि बुद्धले मुखियाको एक हात समातेर बजाउन लगाए ताली         विप्लव समूहलाई नेपाल बन्द फिर्ता गर्न तामाङ घेदुङको माग         दोलखाको शैलुङमा हजारौं पर्यटक         इजरायलको टिकट काटेकी सुनिताको घरमा ‘अवैध प्रेमी’को लास         नेपाली युवतीलाई केन्याको डान्स बार पुर्याउने मानव तस्करी पक्राउ         अन्तर्राष्ट्रिय कलाकार मञ्च इजरायलले नयाँ बर्ष २०७६ भव्यताको साथ मनायो         नेपाल, भारत र चीनकी चेलीले एकसाथ सगरमाथा चढ्ने        

जातीय विभेद कायमै रहेकामा मानवअधिकार आयोगको चिन्ता

काठमाडौं, चैत २५ । राष्ट्रिय मानवअधिकार आयोगले समाजका विभिन्न क्षेत्रमा अझै जातीय विभेद कायमै रहेको जनाएको छ ।

सभा, बैठक, धार्मिक, सांस्कृतिक कार्यलगायत आतिथ्यताजस्ता सार्वजनिक कार्यक्रमहरुमा अझै विभेद हुने गरेको आयोगले जनाएको हो ।

आयोगका सचिव वेद भट्टराईले सोमबार विज्ञप्ति निकाली आयोगको अनुगमनकाक्रममा समाजमा विद्यमान विभेदबारे थप जानकारी मिलेको जनाएका हुन् ।

राज्यले प्रदान गरेका सेवा–सुविधा सुलभरुपमा सम्बन्धित वर्गलाई उपलब्ध गराउन, समान कामको समान ज्याला सुनिश्चित गर्न, लैंगिक समानता कायम गर्न, जातीय विभेदको स्थितिलाई निर्मूल गर्न, ज्येष्ठ नागरिक एवं किसानको हक संरक्षण गर्न, आवश्यक रोजगारीको हक सुनिश्चित गर्न नेपाल सरकार, स्थानीय प्रशासन तथा सरोकारवालासँग आयोगले आग्रह गरेको छ ।

आफूसहित आयोगका अधिकृतहरुको टोलीले गएको चैत १७ देखि २२ गतेसम्म खोटाङ, ओखलढुंगा र सोलुखुम्बु जिल्लाको मानवअधिकार तथा मानवअधिकार रक्षकको अवस्था, छुवाछूत तथा जातीय विभेदको स्थिति सम्बन्धमा अनुगमन तथा सरोकारवालाहरुसँग छलफल गरेको सचिव भट्टराईले उल्लेख गरेका छन् ।

ती जिल्लाका मानवअधिकारकर्मी तथा पत्रकारहरुलाई मानवअधिकार अनुगमन सम्बन्धमा अभिमुखीकरणसमेत गरिएको जनाइएको छ ।

छलफलकाक्रममा ती जिल्लामा मानवअधिकारको उपभोगमा अझैपनि चुनौती कायम रहेको पाइएको भनिएको छ ।

खोटाङका दलित जनप्रतिनिधि, दलित महिला सदस्य तथा दलित समुदायका व्यक्तिहरुको घरसम्म पुगी आयोगको टोलीले छुवाछूत तथा जातीय विभेदको स्थितिको जानकारी लिइएको भन्दै उनले त्यसक्रममा सभा, बैठक, धार्मिक, सांस्कृतिक कार्यहरुलगायत आतिथ्यताको सन्दर्भमासमेत विभेद हुने गरेको पाइएको जनाएका हुन् ।

ज्येष्ठ नागरिकहरुले यातायात क्षेत्रमा ५० प्रतिशतको छुट सहुलियत नपाएको, दलित समुदायप्रति छुवाछूत तथा जातीय विभेद कायमै, लैंगिक समानताविपरीत महिलाहरुलाई दिइने ज्याला पुरुषको तुलनामा कम दिइएको जनाइएको छ ।

शिक्षा, भरपर्दो स्वास्थ्यजस्ता आधारभूत अधिकारबाट बालबालिका तथा आम नागरिक अझै बन्चित रहेको, वन्यजन्तु (बाँदर र भालु)को आक्रमणबाट किसानको कृषि पेसा संकटमा परेको तथा जीवनको अधिकार नै समाप्त हुने गरेको पनि जनाइएको छ ।

घरेलु हिंसा तथा मानसिक यातना एवं गरिबीको कारणबाट आत्महत्याका घटना बढेको, रोजगारीको अभावमा युवापुस्ताको पलायन भएको, ज्येष्ठ नागरिकको जीवनयापनमा कठिनाइ एवं पारिवारिक विखन्डनका घटना बढेको पनि जनाइएको छ ।

भ्रष्टाचार र दन्डहीनताविरुद्ध निर्भिकतापूर्वक कलम चलाउन सहज स्थिति नहुँदा पत्रकारहरुले अभिव्यक्ति स्वतन्त्रताको अधिकार उपभोग गर्न कठिनाइ भएको सचिव भट्टराईले जनाएका छन् ।






शुभकामना

भर्खरै...

लोकप्रिय

रोचक खबर

ताप्लेजुङ हेलिकप्टर दुर्घटना: ‘मौसम खराबसँगै हतारो’

ताप्लेजुङ - करिब १२ हजार फिट अग्लो स्थानमा रहेको ताप्लेजुङको पाथीभराको मौसम बुधबार बिग्रिरहेको थियो । छिनछिनमा... बाँकी यता

tamang online / February 28, 2019

राष्ट्रपति भण्डारीद्वारा कुलमान घिसिङलाई अर्थ–उद्यम तर्फ कान्तिपुर आइकन प्रदान

काठमाडौँ — कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा... बाँकी यता

tamang online / February 18, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution