उत्तर अमेरिका तामाङ समाज द्वारा ५० हजार डलर इमर्जेन्सी फन्ड सन्कलन
अमेरिका – उत्तर अमेरिका तामाङ समाजका अध्यक्ष लक्यान लामा तामाङको अध्यक्षातामा कन्फरेन्स् कल बैठक मार्फत विभिन्न निर्णयहरुको साथमा सम्पन्न गरेको छ |
उत्तर अमेरिका तामाङ समाज द्वारा ५० हजार डलर इमर्जेन्सी फन्ड सन्कलन गर्न सफल भएको छ |
संस्थाले परिकल्पना गरि ५० हजार डलरको TSNA Emergency Fund -2018 संकलन गरेकोमा फण्ड सोचे भन्दा छिटै र सबैको उत्साहजनक सहभागितामा कोष बनाउन सफल भएकोमा कोष संकलनमा सहयोग पुर्याउनु हुने सम्पुर्णलाई धन्यवाद प्रकट गरेको छ | साथै कोषको रकम संकलन जारी राख्ने र ५० हजार डलर भन्दा बढि संकलित रकम शिक्षाका लागि खर्च गर्ने गरि शिक्षा कोष निर्देशिका बनाएर शिक्षा कोषमा जम्मा गर्ने निर्णय गरेको छ |
TSNA Emergency Fund -2018 को संचालन कार्यविधी निर्देशिका तयार पार्न लक्यान लामा तामाङको अध्यक्षतामा उपाध्यक्ष मोहन वाईवा, महासचिव डोल्मा लामा, मिडिया कोअर्डिन्टर निमा पाख्रिन, सदस्य सुर्य मोक्तान र आवश्यकतानुसार सल्हाकारहरुलाई समेत समाहित गरि निर्देशिका तयार पार्ने ज़िम्मेवारी दिने निर्णय गरेको छ | निर्देशिकालाई कार्यसमितिले अनुमोदन गरि बार्षिक साधारण सभामा पेश गर्ने र सभाबाट पारित भएपछि मात्र कोषको रकम संचालन गर्नेभएको छ |
बैठक द्वारा संस्थाको १७ औ बार्षिक उत्सव तामाङ सोसाईटी अफ न्युयोर्क संग आवश्यक छलफल गरि मनाउन उपाध्यक्ष मोहन वाईबा लाई संयोजकको जिम्मेवारी प्रदान गरेको छ |
संस्थाको बार्षिक साधारण सभा लेवर डे (Labor Day) अगस्ट ३१ मा उद्घाटन र सेप्टेम्बर १ मा समापन गर्ने गरि दुई दिने कार्यक्रम सहित पर्यटकिय शहर सान फ्रानसिस्कोमा गर्ने भएको छ। सम्पुर्ण व्यवस्थापनका लागि संस्थाको वरीष्ठ उपाध्यक्ष सेर लामालाई संयोजक तोकिएको छ |संयोजकले तामाङ कोअपरेशन सोसाईटी अफ क्यालिफोर्नियासंग छलफल गरि आवश्यक भए बमोजिमको व्यवस्थापन गर्नु ज़िम्मेवारी प्रदान गरिएको छ | साधारण सभाको व्यवस्थापनमा तामाङ कोअपरेशन सोसाईटी अफ क्यालिफोर्निया संस्था रहने निर्णय गरेको छ |