हेडलाईन

राष्ट्रवादको आवरणमा जातिवादको खेती – मोहन गोले तामाङ         गणतन्त्र, संघीयता र धर्म निरपेक्षता माथि अझै खतरा !         साफ महिला च्याम्पियनसिप फुटबल पहिलो हाफ, भारत १ – १ नेपाल         बैंक खाता नचलाए निष्कृय, प्राथमिकताप्राप्त क्षेत्रमा ऋण नदिए बैंकलाई कारवाही गर्ने         परी तामाङ पक्राउ पर्दा अरुलाई चाहिँ किन छुट ?         गोरखामा कुकुरसंगको भिडन्तमा चितुवाको ज्यान गयो         अश्लिल अन्तर्वार्ता दिने परि तामाङ प्रहरीको फन्दामा         दुबै मिर्गौला पीडित आशोक लामा तामाङको लागि सहयोग अभियान सञ्चालन         काभ्रेमा प्रहरी र बिप्लवका कार्यकर्ता बीच गोलि हानहान         डिम्याट खाता के हो ? कसरी सञ्चालन हुन्छ ?         प्रधानमन्त्रीले सेयर किन्नको लागि दुईवटा डिम्याट खाता खोले, कति किन्लान् ?         आदिवासी जनजातिको सूचि पुनरावलोकन गर्न सिफारिस         दाहालविरुद्ध अमेरिकामा उजुरी, पक्राउ गर्न माग (उजुरीपत्रसहित)         नेपाल तामाङ घेदुङ इजरायलको पाँचौ अधिवेशन मे महिनामा हुदै         इजरायलमा कट्टरपन्थी यहुदी नेता बेन आरी माथि प्रतिबन्ध        

को हुन,इथियोपिया विमान दुर्घटनामा निधन भएकी एकता अधिकारी ?

२७ फागुन, गोरखा । २८ बसन्त मात्र पार गरेकी एकता अधिकारीको अन्तर्राष्ट्रिय कन्सल्ट्यान्ट बन्ने सपना थियो । तर उनको यो सपना अब कहिल्यै पूरा हुने छैन । इथियोपियामा आइतबार भएको विमान दुर्घटनामा परेकी उनले सदाका लागि धरती छोडिसकेकी छन् ।

पुर्ख्यौली घर गोरखाको मिरकोट भए पनि एकताको बाल्यकाल काठमाडौमै बित्यो । यद्यपि बाल्यकालको केही समय उनी गोरखाको सेन्ट मेरिज स्कुलमामा पढेकी थिइन् । उनले एसएलसी भने काठमाडौंको निलगिरी स्कुलबाट पास गरेकी हुन् । परिवारको तीन छोरीमध्ये उनी कान्छी थिइन् ।

एकताका दुई दिदीहरु विवाहपछि अमेरिकामा सेटल भएका छन् । उनका एक मात्र भाइ आमा–बुवासँग काठमाडौको पनस्थलीमा बस्छन् । नेपालमा आइएस्सी सकेकी अधिकारीले वेलायत पुगेर आफ्नो अध्ययनलाई निरन्तरता दिएकी थिइन् ।

करिव आठ बर्षको वेलायत बसाइमा उनले एमएस्सी पास गरिन् । २०७२ सालको भूकम्पपश्चात उनी नेपाल आएर विश्व खाद्य कार्यक्रम (डब्लुएफपी) मा लजिस्टिक अफिसरको रुपमा काम गर्न थालिन् ।

‘भूकम्पपछि नेपालमै बसेर काम गर्दै थिइन्,’ उनका काका ध्रुव अधिकारीले भने, ‘इथियोपियामा पोस्टिङ भएर गएको करिव आठ महिना जतिमात्र भएको थियो, यस्तो घटना हुन्छ भनेर कहिलै कल्पनासमेत गरेका थिएनौं ।’

असल बानी व्यवहार मात्र होइन उनी पढ्नमा पनि निकै टाठी रहेको परिवारजन बताउँछन् । सपना पूरा गर्न करिअर बनाउदै गरेकी अधिकारीको निधनले अहिले सबैलाई स्तब्ध बनाएको छ । हाल अमेरिकामा रहेका उनका बुवाआमा नेपाल आउने तयारीमा छन् । छोरीज्वाईंलाई भेट्न उनीहरु केही दिनअघि अमेरिका गएका थिए ।

‘आज आउने भन्नुभएको थियो तर धेरै तनावमा हुनुभएकोले प्लेनको यात्रा गर्न नसक्ने भएर भोलि बेलुका त्यहाँबाट हिँड्ने भन्नुभएको छ,’ एकताका काका ध्रुवले भने । अधिकारीका परिवार करिव ३० बर्षअघि नै मिरकोटबाट गोरखा नगरपालिकाको छेपेटारमा बसाइ सरेको थियो । तर हाल प्राय उनीहरु अहिले काठमाडौमा बस्ने गर्छन् ।

इथियोपियाको राजधानी अदिसअबाबाबाट केन्याको राजधानी नैरोबीतर्फ उड्ने क्रममा दुर्घटनाग्रस्त भएको इथियोपियन एयरलाइन्सको बोइङ्ग ७३७ विमानमा गोरखाकी अधिकारी सहित १ सय ५७ जनाको ज्यान गएको छ |

अनलाइनखबरबाट

 

 






शुभकामना

भर्खरै...

लोकप्रिय

रोचक खबर

ताप्लेजुङ हेलिकप्टर दुर्घटना: ‘मौसम खराबसँगै हतारो’

ताप्लेजुङ - करिब १२ हजार फिट अग्लो स्थानमा रहेको ताप्लेजुङको पाथीभराको मौसम बुधबार बिग्रिरहेको थियो । छिनछिनमा... बाँकी यता

tamang online / February 28, 2019

राष्ट्रपति भण्डारीद्वारा कुलमान घिसिङलाई अर्थ–उद्यम तर्फ कान्तिपुर आइकन प्रदान

काठमाडौँ — कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा... बाँकी यता

tamang online / February 18, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution