हेडलाईन

अमेरिकामा बुद्ध पुर्णिमालाई अन्तराष्टिय ध्यान दिवसको रुपमा मनाउने घोषणा         शिवम् सिमेन्टको आईपीओ विक्री खुल्यो, कति कित्तासम्म भर्न पाइन्छ ?         टोकियोमा सोनाम ल्होछार २८५५ भव्य रुपमा सम्पन्न         बद्री पङ्गेनी अध्यक्ष रहेको संस्थाद्वारा पशुपति शर्माको गीत पुनःयूट्युबमा राख्न आग्रह         इजरायलमा प्रथम शहिद लखन थापा मगरको १४२ औं स्मृति दिवस सम्पन्न         इजरायलमा प्रथम शहिद लखन थापा मगरको १४२ औं स्मृति दिवस सम्पन         युट्युवबाट आफैंले हटाएको पशुपति शर्माको गीतमा के छ त्यस्तो ? (पूर्णपाठसहित)         जीवन शर्मा भन्छन्– शब्द चयनमा पशुपति शर्माजीको ध्यान पुगेन कि ?         सत्तापक्षीय आक्रोशपछि पशुपति शर्माले युट्युबबाट हटाए ‘लुट्न सके लुट’         मेरो पतिलाई पूर्वमन्त्री गुप्ताले फसाए’ – सर्मिला तामाङ         यी ५ प्रकारका व्यक्तिसँग कहिल्यै साथी नबन्नुस्, नत्र दु:ख पाउनुहोला!         इजरायलसँग सातै प्रदेशमा प्रविधि तालिम केन्द्र खोल्न प्रस्ताव         रुस्लानसालिङ (ताम्सालिङ)जिन्दावाद !         जैस ए मोहम्मद : जसले मोदीलाई हत्याको धम्की दियो,कश्मीरमा घातक हमला गर्नेको कथा         काश्मिरमा भारतीय ४२ सुरक्षाकर्मी मारिए,जवाफी कारवाही गर्ने तयारीमा भारत,जम्मुमा कर्फ्यू        

(Untitled)

तेलअविव – नेपाल तामाङ घेदुङ इजरायल द्वारा आयोजित मन्जुश्री संवत् २८५५ फाग ड्वा ल्हो/संगुर वर्ग सोनाम ल्होछार सास्कृतिक साँझ २०१९ कार्यक्रम गत शुक्रबार (८ फेब्रुअरी २०१९) तेलअविव इजरायलमा भव्यताको साथ सम्पन्न भएको छ |

ल्होछार सांस्कृतिक कार्यक्रमको लागि नेपालबाट आमन्त्रित म्हेन्दो माया गायक रोशन फ्युबा तामाङले भर्पुक मनोरन्जन प्रदान गरेको थिए |

रोशन फ्युबा तामाङ (भिडियो)

****

नेपाल तामाङ घेदुङ इजरायलका अध्यक्ष एवम् कार्यक्रमका सभापति अनिता तामाङले राख्नु भएको मन्तव्यको केहि अंश :

आदरणीय महानुभावहरु, नेपाल बहुसांस्कृतिक, बहुभाषिक, र बहुधार्मिक समुदायहरु बसोबास गर्दै आएको मूलूक हो । यहाँ विभिन्न जातजातिहरुको मौलिक संस्कृति परम्परा र भाषा धर्म जिवन शैली रहेको छ । वर्षमा सयौ चाडपर्वहरु नेपालमा मनाईछन् । यी चाडपर्वहरुले नेपालको विभिन्न जातिय समुदायको जवनशैली र सभ्यताहरुलाई डोर्याइरहेको पाईन्छ । विशेष गरेर चाडपर्वहरु नागपञ्चमी देखि शुरु भएर वसन्त पञ्चमीसम्म करिव करिव समापन हुने गर्दछ । किसानहरु आफ्नो सवै कामहरु सकाएर चाडपर्वलाई उत्सवका रुपमा मनाउदै आउने गर्दछन् ।नेपालमा नेपाल तामाङ घेदुङ र विभिन्न तामाङ संघसंथाहरुको सयुक्त आयोजनामा सोनाम ल्होछार २०७५ माघ २२ गते का दिन टुडिखेलमा भव्यताका सम्पन्न भैसकेको छ | यसै गरि नेपाल तामाङ घेदुङ इजरायाल द्वारा इजरायलमा बसोबास गर्दै आएका हामि प्रवासीहरुको समयलाई मध्यनजर गर्दै आज खी ल्हो (कुकुर बर्ष ) लाइ बिदाई गर्दै फाग /ड्वा ल्हो (सुंगुर वर्ष) लाई हर्षोल्लासका साथ भब्य स्वागत गर्दै मनाउन गइरहेका छौ । यसै शुभ अवसरमा देश बिदेशमा रहनु हुने साथै याहा उपस्थित हुनुहुने प्रमुख अतिथि ,बिसेष अतिथि र अतिथि ज्युहरु लगायत उपस्थित हुनुभएका तमाम दाजुभाई तथा दिदीबहिनीहरुमा नेपाल तामाङ घेदुङ इजरायलको तर्फबाट र मेरो ब्यक्तिगत तर्फाबाट सोनाम ल्होछार मन्जुश्री संवत २८५५ फाग/ड्वा ल्हो सुंगुर वर्गको पावन अवसरमा सुख शान्ति, सु स्वास्थ्य, समृद्दी उन्नति एवं उत्तरोउत्तर प्रगतिको हार्दिक मंगलमय शुभकामना ब्यक्त गर्दछु |

आदरणीय महानुभावहरु आज म तपाईहरुको विचमा तपाई हामीले मनाउदै आएको ऐतिहासिक,ल्होछारको बिसेषता सम्बन्धि केहि कुराहरु प्रस्ट्याउन गईरहेको छु ।

तामाङ भाषामा ”ल्हो” को अर्थ साल, सम्वत, वर्ष वा वर्ग हो भने “छार”को अर्थ नयाँ, अर्थात ल्होछारको अर्थ नयाँ वर्ष हो । तामाङहरु ल्हो लाई वर्ग पनि भन्दछ विभिन्न पशुपंक्षीहरुको नामबाट “ल्हो” राखिएको हुन्छ । यहि १२ ल्हो मध्ये प्रत्येक ल्हो एक–एक बर्षमा परिवर्तन हुन्छ । यहि ल्हो फेरिने दिनलाई तामाङ भाषामा ल्होछार वा नयाँ वर्ष भनिन्छ । यस पर्वलाई तामाङहरुले सांस्कृतिक परम्परा अनुसार लगातार १५ दिन सम्म मनाउदै आएको थियो तर यसरी मनाउदा खर्चिला र भड्किला हुने भएकोले नेपाल तामाङ घेदुङले यसलाई घटाएर ५ दिन मात्र मनाउन आग्रह समेत गरेको थियो ।

आदरणीय महानुभावहरु, नेपालको पहाडी हिमिाली क्षेत्रमा बढि केन्द्रीत भएर फैलिएको मंगोल समुदायको मात्र नभएर ल्होछार एसियाका समग्र मङगोल समुदायकै साझा सांस्कृतिक पर्वको रुपमा समेत रहेको छ । संसार भर खास गरेर मंगोल मूलका देशहरु यसै दिन माघ शुक्ल प्रतिपदा देखि ”ल्होछार” बडा हर्षोल्लासका साथ धुमधामले मनाउने गर्दछन् । तिव्वतीहरु यसलाई ल्होसार भन्दछन्, चिनीयाहरुले वसन्त उत्सव(SPRING FESTIVAL) का रुपमा सात दिन राष्ट्रिय विदा सहित धुमधाम का साथ मनाउदछन् । यहि दिन र समयमा चिन, कोरिया, जापान, मलेशीया, हङकङ, सिंगापुर, भियतनाम, लाओस, थाईल्यान्ड, बर्मा लगाएतका देशहरुमा यो पर्व आ–आफ्नो भाषागत नाम र सांस्कृतिक विश्वासअनुसार मनाइन्छ ।

आदरणीय महानुभावहरु, प्राचिन किम्बदन्ती र चिनीयाँ सभ्यताअनुासार ल्होछार परम्परा पाँचहजार वर्षभन्दा पूरानो परम्परा रहेको पाइन्छ । त्यसैगरि दिपङ्कर बुद्धको पालादेखि नै ल्होछार परमपराको विकास भएको मानिन्छ । यसैले ल्होछार परम्परा हजारौ वर्ष कल्पकल्प अघिको कुरा मानिन्छ । भनिन्छ महानिर्वाणको अन्तिम समय तिर बुद्धले पनि विभिन्न जिवजन्तुलाई आफ्नो दर्शनको लागि बोलाउनु भयो त्यसबेला सवैभन्दा पहिलो मुसा गोरु गर्दै १२ ओटा जनावरहरु भगवान बुद्धको दर्शनमा पुगेछन् । भगवान बुद्धले यहि १२ जनावरलाई आधार बनाएर हरेक वर्ष १÷१ जीवले काल(समय) माथि शासन गर्नु र पर्व मनाउनु भन्नु भएको थियो । यो कुरा नेपालमा मात्र होइन भगवान बुद्ध संग सम्बन्धित यो कथा चिनमा पनि उतिकै प्रचलनमा रहेको पाईन्छ ।

दाजुभाई तथा दिदीबहिनीहरु हामीले ल्होछारलाई धेरै पहिले देखि राष्ट्रिय पर्वको मान्यता पाउनु पर्छ भन्ने माग राख्दै आएका थियौ । ल्होछार मान्ने पहाडी हिमाली समुदायहरु ल्होछारलाई साझा पर्वको रुमा मनाउनको लागि ल्होछार मनाउने समुदायहरु विच भएको लामो छलफल र अन्तरक्रिया पश्चात ल्होछारलाई राष्ट्रिय चाडका रुपमा मान्यता, माघ शुक्ल प्रतिपदा देखि ३ दिनसम्म सार्वजनिक विदा घोषणा गरियोस भन्ने माग सहित नेपाल तामाङ घेदुङ लगाएत ल्होछार मान्ने समुदाय सहितले संयुक्त रुपमा हस्ताक्षर गरि तत्कालीन प्रधानमन्त्री मनमोहन अधिकारीलाई २०५१ साल पुस १६ गते स्मृति पत्र बुझाएको थियो । सो माग अनुसारको जन्दवाब पछी २०५१ साल माघ १३ गते ल्होछारलाई पहिलो पटक नेपाल सरकारले राजकीय मान्यता दिएको थियो र मनमोन सरकारले ल्होछार मान्ने समुदायलाई १ दिने औपचारिक सरकारी विदा दिने निर्णयले सारा ल्होछार मान्ने समुदायहरुमा खुसीको लहर छाएको थियो ।

आदरणिय महानुभावहरु ल्होछार मान्ने समुदायहरुको २३ बर्ष पछि नेपाल सरकारले सरकारी कामकाजको लागि छुट्टी कटौती गर्र्ने नाममा फेरी एक पटक १ दिन पाएको सरकारी विदा यो वर्ष काटियो र पुनः ल्होछार मान्ने समुदाय माथि नेपाल सरकारले कुठाराघात पुर्याउने काम गर्यो । तर यस्तो विषम परिस्थिति प्रति नेपाल तामाङ घेदुङ लगाएत ल्होछार मान्ने समुदायहरुको ब्यापक जनदवाव रहेको छ | यो हाम्रो राष्ट्रिय पर्वलाई राष्ट्रिय सम्मानका साथ राष्ट्रिय पर्वकै रुपमा छुट्टी मनाउन नेपाल सरकारले पुर्णालोकन गर्नको लागि कार्यदल गठन गरेको जानकारी आएको छ । हामीले हाम्रो चाडलाई पनि स–गौरवका साथ मान्न पाईरहने सुनिश्चितता नेपाल सरकारले गर्नु पर्यो यो विदा कटौतीको नममा हामी ल्होछार मान्ने समुदाय विच ठेस पुर्याउने काम नगरियोस पनि भन्न चाहान्छौं ।

अन्त्यमा यस राष्ट्रिय पर्वमा हाम्रो निमन्त्रणालाई स्वीकार गरि आउनु भएका प्रमुख अतिथि, विषेश अतिथी र अतिथी ज्युहरु लगायत आफ्नो कार्य व्यस्ततालाई पनि थाती राख्दै हाम्रो धर्म संस्कृति र परम्परालाई निरन्तरता दिन आउनु भएका तमाम दाजु भाई तथा दिदी बहिनीहरुमा हार्दिक नमन गर्न चाहान्छु । साथै आजको यस कार्यक्रमलाई भव्यताका साथ सफल पार्नको निमित्त कार्य ब्यबस्थापन गर्नु हुने संस्थाकी वरिस्ठ उपाध्यक्ष तथा कार्यक्रम संयोजक ज्यु साथै औपचारिक कार्यक्रमलाई निरन्तरताको साथ संचालन गरिदिनुहुने संस्थाकी महासचिव तथा कार्यक्रम संचालिका ज्यु लाई पनि हार्दिक धन्यबाद ब्यक्त गर्दछु | यसै गरि कार्यक्रम ब्यबस्थापनमा खटिनु भएका सम्पूर्ण साथीहरु, साथै यस कार्यक्रमको निमित्त भनेर आर्थिक नैतिक भौतिक साथ सहयोग पुर्याउनु हुने संस्थाका पदाधिकारी ज्यु हरु तथा संस्था बाहिर रहेर पनि साथ सहयोग दिनुहुने पुर्व पदाधिकारी ज्युहरु साथै प्रतक्ष ,अप्रतक्ष्य रुपमा साथ सहयोग पुर्याउनुहुने सम्पूर्णमा हार्दिक धन्यवाद ब्यक्त गर्दछु |

 






शुभकामना

भर्खरै...

लोकप्रिय

रोचक खबर

विदेशबाट फर्कनेलाई विमानस्थलमा कडाइ गर्न लागेपछि रेखा थापा आक्रोसित

काठमाडौं । सरकार पछिल्लो समय विदेशबाट हवाइ यात्रुले ल्याउने सामानमा कडाइ गर्न एक्सनमा उत्रेको छ । धेरै समय... बाँकी यता

tamang online / February 7, 2019

सरकारले म्यानमार र ओमनका राजदुतलाई फिर्ता बोलाउँदै

काठमाडौं, १२ पुस । सरकारले म्यानमार र ओमनका लागि नेपाली राजदुतहरुलाई फिर्ता बोलाउने प्रक्रिया सुरु गरेको छ ।... बाँकी यता

tamang online / December 27, 2018

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution