हेडलाईन

इजरायलमा नेपाली दुतावासले २५६३ औं बुद्ध जयन्ती मनाउने,नेपाली समुदायको संघसंस्थालाई सहभागी हुन आव्हान         प्रधानमन्त्री ओली र इजरायली प्रधानमन्त्री नेतान्याहु बीच टेलिफोन वार्ता         श्रीलंका बम विस्फोटमा परी ५० को मृत्यु ,दुई सयभन्दा बढी मानिसहरु घाइते         भारतीय दूतावासद्वारा तामाङ वस्तिमा रहेको छ्योइफेल गुम्बाको पुनर्निर्माण         ह्योल्मो समाज इजरायलले बार्षिक उत्सव तथा साधारण सभाको साथमा २५६३ औं बुद्ध जयन्ति मनाउने तयारी         कुलमान घिसिङको निर्देशन ‘ट्रेड युनियनको चुनावमा गाडी नदिनु’         स्वयम्भू र हनुमानढोका जोड्ने गुरुयोजना सार्वजनिक         महिलालाई चरित्रहीन भनेपछि बुद्धले मुखियाको एक हात समातेर बजाउन लगाए ताली         विप्लव समूहलाई नेपाल बन्द फिर्ता गर्न तामाङ घेदुङको माग         दोलखाको शैलुङमा हजारौं पर्यटक         इजरायलको टिकट काटेकी सुनिताको घरमा ‘अवैध प्रेमी’को लास         नेपाली युवतीलाई केन्याको डान्स बार पुर्याउने मानव तस्करी पक्राउ         अन्तर्राष्ट्रिय कलाकार मञ्च इजरायलले नयाँ बर्ष २०७६ भव्यताको साथ मनायो         नेपाल, भारत र चीनकी चेलीले एकसाथ सगरमाथा चढ्ने         थाङ्का पेन्टिङबाट गाउँमैं रोजगारी        

साउदीको जेद्दामा सोनाम ल्होसार २८५५ भव्यताको साथ सम्पन्न

नेपाल तामाङ घेदुङ प्रवास शाखा साउदी अरबले सदाका वर्षहरुमा झैं यसवर्ष पनि तामाङ समुदायको धार्मिक एवं साँस्कृतिक महान पर्व (नयाँ वर्ष) सोनाम ल्होछार मनाएको छ ।

नेपाली पात्रो अनुसार माघ २२ मा सोनाम ल्होछार परेपनि साउदी अरबको सार्बजनिक बिदालाई मध्यनजर गरी चार दिन अगावै फेब्रुअरी १ मा उक्त पर्व मनाइएको हो ।

खि ल्हो(कुकुर वर्ग)को बिदाइ गरी नयाँ ‘ल्हो अर्थात (मन्जुश्री सम्वत) २८५५ फाग ल्ह’ (सुंगुर वर्ग) को स्वागत गरी नयाँ वर्ष मनाइएको हो ।

घेदुङका अध्यक्ष दिलबहादुर थिङ तामाङको सभापतित्वमा समपन्न कार्यक्रमका प्रमुख अतिथी नेपाली महावाणिज्य दूतावास जेद्दाका कार्यवाहक महावाणिज्यदूत रेवतीरमण पौडल तथा अन्य अतिथीहरूमा वाणिज्यदूत मनहरी दङगाललगायत साउदी अरबको पश्चिम क्षेत्रमा आबद्ध विभिन्न संघ-संस्थाका अध्यक्ष तथा प्रतिनिधिहरुको आतिथ्यता  रहेको थियो ।

प्रमुख अतिथी र सभापतिले सयुक्त रूपमा दिप प्रज्वलन  गरी कार्यक्रम सुरु गर्नुको साथै कार्यक्रममा सम्पुर्ण अतिथीहरुलाई खादा र तामाङ टोपी लगाई दिएका थिए ।

संस्थाका सल्लाहाकार सुप्रिम गोलेले स्वागत मन्तव्यद्धारा उपस्थित सम्पूर्णलाई स्वागत गरेका  थिए भने संस्थाका सदस्य शैलेस योञ्जन तामाङले कार्यक्रम सञ्चालन गरेका थिए ।

प्रमुख अतिथी पौडेलले सोनाम ल्होछार तामाङ समुदायको मात्रै नभएर सिंगो नेपालीको राष्ट्रिय पर्व भएको र यस पर्वले राष्ट्रिय एकता र सद्भावको सन्देश दिएको भन्दै प्रवासको भूमिमा रहेर पनि आफ्नो संस्कृतीको जगेर्ना गर्न निरन्तर लागि परेकोमा आयोजकलाई धन्यवाद दिए ।

बिशिष्ट अतिथी बाणिज्यदूत मनहरी दंगाल लगाएत अन्य अतिथीहरूले पनि सोनाम ल्होछारको उपलक्ष्यमा शुभकामना व्यक्त गरेका थिए ।

औपचारिक कार्यक्रमको समापन गर्दै सभापति दिलबहादुर थिङ तामाङले कार्यक्रम सफल बनाउन सबै समुहले खेलेको सहयोग एवं सहकार्यको भूमिकाप्रति आभार ब्यक्त गर्दै ल्होछार पर्वलाई साझा पर्वको रूपमा ग्रहण गरीनुपर्नेमा जोड दिए ।

अध्यक्ष तामाङले वर्षको एकदिन ल्होछार मनाउदैमा मात्र आफ्नो संस्कृतिलाई जोगाई राख्न नसकिने बताउदै सम्पुर्ण तामाङहरुलाई आफ्नो भावि पुस्तलाई भाषा,धर्म,संसकृति र रितिरिवाज प्रतिको ज्ञान दिलाउनु जरुरी भएको बताए ।

दोस्रो चरण अन्तर्गत भएको सांस्कृतिक कार्यक्रमलाई संस्थाका सल्लाहकार सुप्रीम गोले तामाङले संचालन गरेका थिए ।

कार्यक्रममा तामाङहरूको अत्यन्तै लोकप्रिय म्हेन्दोमाया गीतमा  नृत्य प्रस्तुत गरीएको थियो भने स्थानीय चर्चित कलाकारहरुको बेजोड सांगीतिक प्रस्तुतिहरु देखाएर भरपुर मनोरञ्जन प्रदान गराएका थिए ।

घेदुङ साउदीको महिला सदस्य शान्ती तामाङ लगाएत अन्य स्थानिय कलाकारहरू धनबहादुर गुरुङ, पूजा सरगम, सीमा तामाङ, गुरास राई, माया पौडेल, पूजा घले, सागर लामा, अन्जली हिताङ, अर्पित मगर, दिल मुस्कान, सरस्वती मगर, अनिश बम्जन, दिनेश क्षेत्री, बिनोद न्यौपाने, अष्मिता तामाङ, खिम गुरूङ, गणेष गुरूङ र खोबिन गुरूङ लगायतले उत्कृष्ट प्रस्तुति दिएका थिए ।






शुभकामना

भर्खरै...

लोकप्रिय

रोचक खबर

ताप्लेजुङ हेलिकप्टर दुर्घटना: ‘मौसम खराबसँगै हतारो’

ताप्लेजुङ - करिब १२ हजार फिट अग्लो स्थानमा रहेको ताप्लेजुङको पाथीभराको मौसम बुधबार बिग्रिरहेको थियो । छिनछिनमा... बाँकी यता

tamang online / February 28, 2019

राष्ट्रपति भण्डारीद्वारा कुलमान घिसिङलाई अर्थ–उद्यम तर्फ कान्तिपुर आइकन प्रदान

काठमाडौँ — कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा... बाँकी यता

tamang online / February 18, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution