हेडलाईन

एनआरएनए इजरायलको छैठौ अधिबेशनको मिति सर्यो         नेकपामा अष्टलक्ष्मी शाक्यको असन्तुष्टि, सचिवालयका नौ जना बसेर जे-जे निर्णय गरे पनि हुने ?         वैदेशिक रोजगार : घरेलु कामदारमा गएका महिलाहरु फेरि जान पाउने बाटो खुल्यो         बलिउड हट अभिनेत्री सनी लियोनी नेपाल आउँदै         एनआरएनए क्यानाडाको अध्यक्षतामा चिरन्जीवी घिमिरे निर्वाचित         इजरायलमा २५ औं विश्व आदिवासी दिवस भव्यताको साथ सम्पन्न (भिडियो सहित)         सरकारको नेतृत्व फेरिन्छः प्रचण्ड         नेकपाका वरिष्ठ नेताद्वय माधव नेपाल र झलनाथ खनालको वरीयताक्रम हेरफेर         कुलमान घिसिङको योजना : खाना पकाउन अब ग्यासको सट्टा विद्युतीय चुलो         पूर्वराजदूत झा हत्या प्रकरणः कान्छाराज तामाङ फेरि पक्राउ         श्रीमानसँग ‘भिडियो कल’ गर्दागर्दै आत्महत्या         रवि लामिछाने पक्राउपछि हुनुपर्ने बहस के हो ? मासिक १५ लाख रुपैयाँ अमेरिका पठाउने सम्पत्तिको स्रोत के हो ?         आज २५ औं तामाङ प्रसारण दिवस         आज इजरायलमा २५ औं विश्व आदिवासी दिवस मनाउदै         टेलिभिजन प्रस्तोता रवि लामिछाने पक्राउ        

अस्ट्रेलिया डे’का विरोधमा किन उत्रिए दशौँ हजार आदिवासी सडकमा ?

सिड्नी– अस्ट्रेलियामा दशौँ हजार मानिसले आधुनिक अस्ट्रेलियाको जन्मदिवस (जनवरी २६) मा दिइँदै आएको सार्वजनिक बिदाको विरोधमा प्रदर्शन गरेका छन् ।

सन् १७८८ मा पहिलोपटक ब्रिटिस जहाज अस्टेलियाको सिड्नी आइपुगेको दिन जनवरी २६ लाई सरकारले ‘अस्ट्रेलिया डे’का रुपमा मनाउँछ । जसमा, आदिवासी अस्ट्रेलियनहरुले विरोध जनउँदै आएका छन् ।

कोलोनाइजेसनको सुरुवात भएको दिनलाई राष्ट्रिय उत्सवका रुपमा मनाउन नहुने उनीहरुको तर्क छ । ५० हजार वर्षदेखि अस्ट्रेलियन महाद्वीपमा बस्दै आएका आदिवासीहरु यो दिनलाई ‘इन्भ्याजन डे’ अर्थात् आक्रमण दिवस मान्दछन् ।

‘आज कालोनाइजेसन र वंशविनाशको सुरुवात भएको दिन हो, शनिबार सिड्नीको र्यालीमा संलग्न १७ वर्षीय प्रदर्शनकारी जयडेन रिलेलाई उद्धृत गर्दै अल जजिराले भनेको छ, ‘यो ‘अस्ट्रेलियन हुनु’मा मनाइने उत्सवको इन्कार होइन । यो दिनले हामीमा केवल ‘अस्ट्रेलियन हुनु’भन्दा ज्यादा महत्व राख्छ । मेरी हजुरआमाको चोरिएको पुस्ता, जस्तो कि, उनलाई आफ्नो परिवारबाट अलग गरिएको थियो, र क्याथोलिक बन्न ब्रेनवास गरिएको थियो ।’

सिड्नीको एउटा र्यालीमा हजारौँ मानिसले ‘यो सधैँ स्वतन्त्र आदिवासी भूमि थियो, र रहनेछ’, ‘वंशविनाशमा कुनै गर्व छैन’जस्ता नारा घन्काए । यस्तै, मेलबर्न, क्यानबेरा लगायत अस्ट्रेलियन सहरहरुमा कैयौँ हजारले प्रदर्शन गरे ।

प्रधानमन्त्री स्कट मोरिसनको सरकारले भने जनवरी २६ को सार्वजनिक बिदामा कुनै परिवर्तन नगर्ने अडान लिएको छ । शनिबार क्यानबेरामा एक सरकारी उत्सवमा सहभागी प्रधानमन्त्री मोरिसनले बेलायती उपनिवेशसँगै सुरु भएको आधुनिक अस्ट्रेलियाको निर्माण प्रक्रिया कुनै क्रूरता या हरण नभई आदर्शवाद र ज्ञानको उदय भएको बताएका छन् ।

‘यी महान् विचारहरु आधुनिक अस्ट्रेलियाका आधार हुन्, जसले हामीलाई महान् कथाका नवीनतम अध्यायतर्फ स्थानान्तरण गरेका छन्, जुन हामी सबैले मिलेर लेखेका हौँ,’ उत्सव मनाउन भेला भएका हजारौँमाझ प्रधानमन्त्री मोरिसनले भने ।

अस्ट्रेलियाका ७ लाख आदिवासीहरु यहाँका साढे दुई करोड जनतामाझ आर्थिक र अन्य सबैजसो सूचकांकमा पुछारमा छन् । आधुनिक अस्ट्रेलियाको उत्पत्ति भन्ने गरिएको १७८८ को घटनालाई उनीहरु उपनिवेशको थालनी र आफ्नाका पुर्खाले भोगेका वंशविनाशको सुरुवातका रुपमा लिन्छन् ।

अस्ट्रेलियामाथि बेलायतको कोलोनाइजेसनको प्रक्रिया १७८८ मा सुरु भएको थियो । यद्यपि, अस्ट्रेलियामाथि बेलायतले पहुँच भने १९७० मा क्याप्टेन कुकको पानीजहाज ‘इन्डिभर’को आगमनसँगै स्थापित भएको थियो । अस्ट्रेलिया ल्यान्ड गर्नेबित्तिकै कुकले यो भूमि ‘ब्रिटिस टेरिटोरी’को हिस्सा भएको दाबी गरेका थिए ।

प्रत्यक्ष उपनिवेशको अन्त्य भए पनि अस्ट्रेलिया अझै कमनवेल्थ राष्ट्रको संगठनमा आबद्ध छ, र बेलायती महारानी एलिजाबेथलाई आफ्नो राष्ट्रप्रमुख मान्छ ।






शुभकामना

भर्खरै...

लोकप्रिय

रोचक खबर

२ सय जनासँग डेटिङ, कोहीपनि चित्त नबुझेपछि कुकुरसँग बिहे

कोही मानिसका आकांक्षाहरु विचित्रकै हुन्छन् । अहिले एकजना ४९ वर्षकी महिलाको बिहेको कहानी निकै चर्चित बनेको छ... बाँकी यता

tamang online / August 3, 2019

टिकटकको करामत : बिछोडिएका पतिपत्नीबीच यसरी भयो पुनर्मिलन

काठमाडौं : सामाजिक सञ्जाल टिकटकले ३ वर्षदेखि बेपत्ता भएका एक व्यक्तिलाई परिवारसँग पुनर्मिलन गराइदिएको छ । सन्... बाँकी यता

tamang online / July 4, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution