हेडलाईन

अश्लिल अन्तर्वार्ता दिने परि तामाङ प्रहरीको फन्दामा         दुबै मिर्गौला पीडित आशोक लामा तामाङको लागि सहयोग अभियान सञ्चालन         काभ्रेमा प्रहरी र बिप्लवका कार्यकर्ता बीच गोलि हानहान         डिम्याट खाता के हो ? कसरी सञ्चालन हुन्छ ?         प्रधानमन्त्रीले सेयर किन्नको लागि दुईवटा डिम्याट खाता खोले, कति किन्लान् ?         आदिवासी जनजातिको सूचि पुनरावलोकन गर्न सिफारिस         दाहालविरुद्ध अमेरिकामा उजुरी, पक्राउ गर्न माग (उजुरीपत्रसहित)         नेपाल तामाङ घेदुङ इजरायलको पाँचौ अधिवेशन मे महिनामा हुदै         इजरायलमा कट्टरपन्थी यहुदी नेता बेन आरी माथि प्रतिबन्ध         कमरेड विप्लवलाई खुलापत्र – जनताको जिउधनको रक्षा होस् !         नेपाल आदिवासी जनजाती महासंघ इजरायलको सद्भाव भ्रमण कार्यक्रम सम्पन्न         युनियन हाइड्रोपावरको चैत १३ गतेदेखि आइपीओ खुल्ने         सीके राउतले गरे पार्टीको नाम परिवर्तन, यस्ता छन् निर्णय         प्रवासी सृजनशील महिला समुह (दमक) इजरायलको तेश्रो वार्षिकोत्सव सम्पन्न         इजरायलमा २१४६ औं ग्याल्पो लोसार भव्यताको साथ सम्पन्न (फोटो फिचर)        

अन्तराष्ट्रिय तामाङ परिषद् चौथो सम्मेलनको घोषणा पत्र सार्वजनिक

पौष १४ ,याम्बु – अन्तराष्ट्रिय तामाङ परिषद् चौथो सम्मेलनको घोषणा पत्र पत्रकार सम्मेलन मार्फत सार्वजनिक गरेको छ | भारतको दार्जिलिङ/मिरिकमा भएको सम्मेलन लगतै घोषणा पत्र सार्वजनिक गर्नु पर्नेमा प्राविधिक समस्याको कारण केहि समय ढिला हुन गएको परिषद्का महासचिव मोहन गोले तामाङले जानकारी दिएका थिए |

पत्रकार सम्मेलनमा  परिषद्का अध्यक्ष के एम तितुङ तामाङले घोषणा पत्र वाचन गरेर सार्वजनिक गरेका थिए |

अन्तराष्ट्रिय तामाङ परिषद् चौथो सम्मेलनको घोषणा पत्रको पूर्ण अंश

अन्तर्राष्ट्रिय तामाङ परिषद्
मिरिक घोषणा पत्र–२०१८

सन् २००२ मा स्थापित अन्तर्राष्ट्रिय तामाङ परिषद्को यस अघि सम्पन्न तीनवटा सम्मेलनहरुबाट विभिन्न मितिमा जारी घोषणा–पत्र तथा चौथो सम्मेलनबाट पारित विशेष प्रस्ताव र प्रस्तुत प्रतिवेदनको मूलभावनालाई आत्मसात् गर्दै,

आदिम थलो नेपालको ताम्सालिङ क्षेत्रबाट विभिन्न कारणले संसारभरि फैलिएका तामाङ जातिको पुख्र्यौली भूमिमा विकसित विशिष्ट साँस्कृतिक पहिचान (भाषा, धर्म, संस्कृति, परम्परा) लाई एकरुपता दिने सामूहिक प्रतिवद्धता जनाउँदै,
विश्वब्यापी रुपमा बढ्दै गईरहेको राष्ट्रिय, अन्तर्राष्ट्रिय साँस्कृतिक अतिक्रमण तथा विश्व भूमण्डलीकरणबाट तामाङ साँस्कृतिक धरोहर (ताम्बा, लामा र बोन्बो) हरुको ज्ञान, परम्परालाई बचाउने साझा संकल्प गर्दै,
तामाङ समुदायको एकताको आधार अन्तर्राष्ट्रिय तामाङ परिषद् (ITC) लाई एकमात्र साझा समन्वयकारी संस्थाको रुपमा विकास गर्न यसलाई समयानुकूल चलायमान, गतिशिल तथा बहुपदीय प्रणालीमा लाने सामूहिक अठोट गर्दै,
इतिहासको विभिन्न कालखण्डमा समुदायको अस्तित्व रक्षाका खातिर तामाङ अग्रजहरुले निस्वार्थ रुपमा बगाएको रगत, पसिना र ऐतिहासिक योगदानको उच्च कदर गरी अग्रजले देखाएको बाटोमा निरन्तर हिंड्ने प्रण गर्दै,
हामी विश्वभर छरिएर रहेका तामाङ आदिवासी जनजातिहरु अखिल भारतीय तामाङ बौद्ध संघको आतिथ्यतामा भारतको मिरिकमा सम्पन्न ऐतिहासिक चौथो अन्तर्राष्ट्रिय तामाङ सम्मेलनबाट निम्न सामूहिक प्रतिवद्धताका साथ मिरिक घोषणा पत्र–२०१८ जारी गर्दछौ |

१. अन्तर्राष्ट्रिय तामाङ परिषद्को सचिवालय काठमाडौंमा रहने र यसको कार्यालयलाई ब्यवस्थित रुपमा सञ्चालन गरिनेछ । साथै परिषद्को कार्यालयलाई संसारमा रहेको तामाङ संघ÷संस्थाको सूचना केन्द्रको रुपमा विकास गरी आवश्यक साझा सामाग्रीहरु समेत प्रकाशन गर्दै जानेछ ।

२. तामाङहरुको स्थायी बसोबास रहेको राष्ट्रहरुमा संगठन निर्माणको लागि पहल गर्नुका साथै विभिन्न देशमा विविध कारणले विभाजनको अवस्थामा रहेको तामाङ संघ÷संस्थाहरुलाई क्षेत्रीय समन्वय समितिको पहलमा एकता गर्दै लगिनेछ ।

३. तामाङहरुको आदिम थलो नेपालको ताम्सालिङ भूमिलाई ताम्सालिङ प्रदेश निर्माण र तामाङ भाषा, लिपिलाई सरकारी कामकाजी भाषाको मान्यता दिलाउन राजनीतिक, सामाजिक आन्दोलनको केन्द्र बिन्दू संघीय नेपालको तीन नम्बर प्रदेशलाई बनाइनेछ । साथै भाषा, लिपि, सोनाम ल्होछार तथा तामाङ संस्कृतिलाई स्थापित गर्न तामाङ बसोबास रहेको सबै राष्ट्र सरकारलाई दबाब, आग्रह दुबै गरिनेछ ।

४. तामाङ समुदायको राष्ट्रिय साँस्कृतिक पर्व माघ शुक्लपक्ष प्रतिपदाको दिनको सम्बन्धमा देखिएको भ्रम अन्त्य गर्न “अन्तर्राष्ट्रिय तामाङ चन्द्रपात्रो निर्धारण समिति” गठन गरिनेछ । सो समितिले सबै गणित तथा फलित जोतिषशास्त्र र तामाङ परम्परा तथा मान्यताको अध्ययन गरी ल्हो फिर्ने प्रत्येक बर्ष माघ शुक्लपक्ष प्रतिपदाको दिन तोक्ने र मञ्जुश्री सम्वत्मा आधारित पात्रो प्रकाशन गर्नेछ ।

५. अन्तर्राष्ट्रिय तामाङ परिषद्को पहलमा भगवान् बुद्धको जन्मभूमि लुम्बिनीमा गुम्बा निर्माणको लागि अखिल भारतीय तामाङ बौद्ध संघको नाममा नेपाल सरकारबाट जग्गा प्राप्त भइसकेको हुँदा उक्त जमीनमा अन्तर्राष्ट्रिय तामाङ गुम्बा तथा धर्मशाला निर्माण गर्न एक स्वायत्त संस्थाको रुपमा “अन्तर्राष्ट्रिय तामाङ गुम्बा निर्माण समिति” गठन गरी काम अघि बढाइनेछ ।

६. तामाङ समुदायको शैक्षिक अवस्थामा थप सुधार ल्याउन शैक्षिक सहयोग कोषलाई ब्यवस्थित रुपमा सञ्चालन गरिनेछ । यसको छुट्टै कार्यविधि बनाई तामाङ विद्यार्थीहरुलाई शिक्षा क्षेत्रमा अभिप्रेरित गर्ने खालका विभिन्न कार्यक्रम तथा तामाङ भाषा विद्यालय र नमूना विद्यालयहरु समेत सञ्चालन गरिनेछ ।

७. तामाङको आर्थिक अवस्थालाई मजबुत बनाउन संसारभरि फैलिएर रहेका तामाङको पूँजिलाई एकीकृत गर्ने, यसको लागि यस अघि सम्पन्न अन्तर्राष्ट्रिय सम्मेलनबाट जारी घोषणापत्र अनुसार सहकारीको माध्यमबाट तामाङ स्व–विकासका योजनाहरु अघि बढाइनेछ ।
८. तामाङ जातिको मुख्य साँस्कृतिक धरोहर (ताम्बा, लामा, बोन्बो) को संरक्षण तथा तामाङ ज्ञान, साहित्यको प्रवद्र्धन गर्नका लागि सम्बन्धित राष्ट्र सदस्य संस्था र सम्बन्धन सदस्य संस्थाको ब्यवस्थापनमा कार्यक्रम सञ्चालन गर्नेछ । तेस्रो अन्तर्राष्ट्रिय सम्मेलनद्वारा पारित साँस्कृतिक पुनर्जागरण अभियानलाई निरन्तरता दिइनेछ ।

९. अन्तर्राष्ट्रिय तामाङ परिषद्को सचिवालय स्थायी रुपमा नेपालमा रहने र तामाङ समुदायको ऐतिहासिक आदिम भूमि समेत नेपालको ताम्सालिङ क्षेत्र रहेको हुँदा नेपाल तामाङ घेदुङको आयोजनामा तामाङको सबैखाले विविधता झल्किने तामाङ साँस्कृतिक भवनका लागि परिषद्ले आवश्यक जग्गाको ब्यवस्थापन तथा निर्माण कार्यको पहल गर्नेछ ।

१०. तामाङमाथि आइपर्ने विभिन्न खालको आपत् विपत् तथा दुःखमा सहयोग गर्न तामाङ विपत् ब्यवस्थापन कोष खडा गर्नेछ र सम्बन्धित सदस्य राष्ट्र संस्थाको सिफारिसमा परिषद्ले विभिन्न विपत्मा सहयोग पु¥याउनेछ । यसका साथै राज्यपक्ष वा गैर राज्यपक्षबाट समय समयमा तामाङ जनतामाथि गरिने सबैखाले शोषण, अन्याय, विभेदको बिरुद्ध संसारको तामाङहरु बिना पूर्वाग्रह एकठाउँमा उभिएर संघर्ष गर्नेछ ।

११. अन्तमा, अन्तर्राष्ट्रिय तामाङ परिषद्को ऐतिहासिक चौथो सम्मेलनको आतिथ्यता गरी महत्वपूर्ण सहयोग पु¥याएकोमा अखिल भारतीय तामाङ बौद्ध संघ परिवारलाई हार्दिक धन्यवाद ज्ञापन गर्दछौं । थुजेछे ।

 






शुभकामना

भर्खरै...

लोकप्रिय

रोचक खबर

ताप्लेजुङ हेलिकप्टर दुर्घटना: ‘मौसम खराबसँगै हतारो’

ताप्लेजुङ - करिब १२ हजार फिट अग्लो स्थानमा रहेको ताप्लेजुङको पाथीभराको मौसम बुधबार बिग्रिरहेको थियो । छिनछिनमा... बाँकी यता

tamang online / February 28, 2019

राष्ट्रपति भण्डारीद्वारा कुलमान घिसिङलाई अर्थ–उद्यम तर्फ कान्तिपुर आइकन प्रदान

काठमाडौँ — कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा... बाँकी यता

tamang online / February 18, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution