नेकपामा अध्यक्ष केपी शर्मा ओलीको प्रस्ताव अस्वीकृत
१२ पुस, काठमाडौं । सत्तारुढ नेकपाको स्थायी कमिटी बैठकमा अध्यक्षद्वयले दिएको जवाफमा नेताहरुले असन्तुष्टि जनाएका छन् | बिहीबारको बैठकमा अध्यक्ष एवं प्रधानमन्त्री केपी शर्मा ओलीले लामो जवाफ दिएका छन् । आफूले नियतबस कुनै निर्णय नगरेको भन्दै आत्मालोचना नगर्ने स्पष्टीकरण दिएका छन् ।
लगत्तै राजनीतिक प्रतिवेदन पास गर्न प्रस्ताव गरे । ‘राजनीतिक प्रतिवेदन यस्तै हुन्छ, विगतका प्रतिवेदनहरु पनि हेरे हुन्छ भन्दै पारित गर्न प्रस्ताव गर्नुभयो’ एक नेताले भने ।
तर, बामदेव गौतमले नेतृत्वले कमजोरी स्वीकार गर्नुपर्ने नभए फरक मत राख्ने बताए । भीम रावल र घनश्याम भुसालले पनि नेतृत्वले कमजोरी स्वीकार गर्नुपर्ने बताए ।
अरु नेताहरुले पनि हात उठाएपछि अर्का अध्यक्ष प्रचण्डले फरक मत राख्न नहुने भन्दै भोलि विहान ८ बजे बस्ने गरी बैठक स्थगित गरेका छन् ।अनलाइनखबर |