हेडलाईन

अश्लिल अन्तर्वार्ता दिने परि तामाङ प्रहरीको फन्दामा         दुबै मिर्गौला पीडित आशोक लामा तामाङको लागि सहयोग अभियान सञ्चालन         काभ्रेमा प्रहरी र बिप्लवका कार्यकर्ता बीच गोलि हानहान         डिम्याट खाता के हो ? कसरी सञ्चालन हुन्छ ?         प्रधानमन्त्रीले सेयर किन्नको लागि दुईवटा डिम्याट खाता खोले, कति किन्लान् ?         आदिवासी जनजातिको सूचि पुनरावलोकन गर्न सिफारिस         दाहालविरुद्ध अमेरिकामा उजुरी, पक्राउ गर्न माग (उजुरीपत्रसहित)         नेपाल तामाङ घेदुङ इजरायलको पाँचौ अधिवेशन मे महिनामा हुदै         इजरायलमा कट्टरपन्थी यहुदी नेता बेन आरी माथि प्रतिबन्ध         कमरेड विप्लवलाई खुलापत्र – जनताको जिउधनको रक्षा होस् !         नेपाल आदिवासी जनजाती महासंघ इजरायलको सद्भाव भ्रमण कार्यक्रम सम्पन्न         युनियन हाइड्रोपावरको चैत १३ गतेदेखि आइपीओ खुल्ने         सीके राउतले गरे पार्टीको नाम परिवर्तन, यस्ता छन् निर्णय         प्रवासी सृजनशील महिला समुह (दमक) इजरायलको तेश्रो वार्षिकोत्सव सम्पन्न         इजरायलमा २१४६ औं ग्याल्पो लोसार भव्यताको साथ सम्पन्न (फोटो फिचर)        

इजरायलबाट अत्याधुनिक प्रविधि भित्र्याउन प्रयास गर्नेछु : प्रस्तावित राजदूत डा. अन्जान शाक्य

काठमाडौँ । इजरायल र साइप्रसका लागि प्रस्तावित राजदूत डा. अन्जान शाक्यले इजरायलबाट अत्याधुनिक कृषि प्रविधि भित्र्याएर नेपाललाई कृषिमा आत्मनिर्भर बनाउन प्रयास गर्ने बताउनुभएको छ । संसदीय सुनुवाइ समितिमा आज भएको सुनुवाइका क्रममा उहाँले सो कुरा बताउनुभएको हो ।

उहाँले २.३ प्रतिशत इजरायलीहरुले अत्याधुनिक प्रविधियुक्त कृषि पेसा गरी इजरायललाई कृषिमा आत्मनिर्भर बनाई बाहिर निर्यात गरिरहेको प्रसँग उल्लेख गर्दै डा. शाक्यले भन्नुभयो,त्यस्तै प्रविधि नेपालमा भित्र्याउन र नेपाललाई पनि कृषिमा आत्मनिर्भर बनाउन मैले इजरायल सरकारसँग विशेष पहल गर्नेछु ।

संसदीय सुनुवाईका क्रममा उठेका प्रश्नहरुको जबाफ दिने क्रममा उहाँले इजरायल र साइप्रसका पर्यटक नेपालमा ल्याउन विशेष योजनाका साथ काम गर्ने पनि बताउनुभयो । उहाँले भन्नुभयो, इजरायलको मृतसागर र हाम्रो सगरमाथाबीचको सम्बन्ध प्रचार गरेर नेपालमा इजरायलका पर्यटक बढाउने छु । मृत सागरमा सगरमाथाको ढुंगा राखिएको छ भने सगरमाथाको आधार शिविरमाथि मृत सागरको ढुंगा ल्याएर मूर्ति बनाइएको छ । यसको प्रचारप्रसारले पर्यटक बढाउन सहयोग पुग्नेछ ।

उहाँले इजरायलबाट अत्याधुनिक प्रविधि भित्र्याएर स्मार्ट सिटी, स्मार्ट कन्ट्री बनाउन विशेष पहल गर्ने पनि स्पष्ट पार्नुभयो ।

डा. शाक्यले नेपालसँग इजरायल र साइप्रसको सम्बन्ध अझ बढी मजबुत र प्रगाढ बनाउँदै आर्थिक तथा उद्योग वाणिज्य क्षेत्रमा थप सहायोग अभिबृद्धि गर्न आवश्यक प्रयास गर्ने पनि बताउनुभयो । उहाँले इजरायल र साइप्रसबाट प्रत्यक्ष लगानी नेपाल भित्र्याउन आफूले कूटनीतिक प्रयास गर्ने बताउँदै त्यहाँ कार्यरत नेपाली कामदारको सेवा,सुविधा बृद्धि तथा सुरक्षाका लागि काम गर्ने साथै थप नेपालीका लागि रोजगारीको अवसरको बढाउन इजरायल र साइप्रस सरकारसँग कुरा गर्ने बताउनुभयो ।

हाल इजरायलमा चार हजार र साइप्रसमा तीन सय नेपाली कामदार कार्यरत छन् ।

नेपाल सरकारले परराष्ट्रविद् डा. शाक्यलाई इजरायलका लागि नेपालका आवासीय राजदूत तथा साइप्रसका लागि गैरआवासीय राजदूत नियुक्त गर्न सिफारिस गरेको हो ।

नेपाल सरकार मन्त्रिपरिषद्को कात्तिक २५ गते बसेको बैठकले डा. शाक्यलाई राजदूतमा सिफारिश गरेको थियोे ।
सरकारले इजरायलका लागि नेपालका आवासीय राजदूत तथा साइप्रसका लागि गैरआवासीय राजदूत निरञ्जनकुमार थापालाई तीन साताको तयारी म्याद दिई फिर्ता बोलाएको छ ।

इजरायल तथा साइप्रसका लागि राजदूत सिफारिस डा. शाक्यले व्यवस्थापन विषयमा विद्यावारिधि गर्नुभएको हो । परराष्ट्र मामिला अध्ययन प्रतिष्ठानमा लामो समयसम्म काम गरी निमित्त कार्यकारी निर्देशकको जिम्मेवारीसमेत सम्हालिसक्नुभएकी डा.शाक्यले परराष्ट्र मामिलामा विशेष दखलता हासिल गर्नुभएको छ ।

अन्तर्राष्ट्रिय सरोकार केन्द्रको अध्यक्ष भएर काम गरेको लामो अनुभव समेत रहेकी डा.शाक्य नेपाल महिला चेम्बर्स अफ कमर्सको अध्यक्ष भएर विदेशी लगानी नेपालमा भित्र्याउनका लागि प्रभावकारी भूमिका निर्वाह गर्ने कार्य गर्नुभएको छ । लामो समयदेखि सोही क्षेत्रमा क्रियाशील डा.शाक्यले ‘नेपाल —चाइना रिलेसन, ‘नेपाल —इन्डिया रिलेसनल’, नेपाल–जापान सम्बन्ध लगायतका आधा दर्जन पुस्तक सम्पादन कार्य समेत गर्नुभएको छ ।

उहाँले पद्मकन्या कलेजमा विसं.२०५२ सालदेखि करिब एक दशक प्राध्यापन गर्नुभएको छ । उहाँ अमेरिकी युनिभर्सिटी अन्तर्गतको पे्रसिडेन्सियल कलेजमा पनि प्राध्यापन गर्ने कार्य पनि गर्दै आउनुभएको छ ।

‘यो मन्दिर, यो मस्जिद, यो चैत्य, यो गुम्बा, मलाई छ प्यारो सँधै आफू भन्दा’ बोल लगायत दर्जनौँ चर्चित राष्ट्रिय गीतका गायिका डा.शाक्यले डेढदशक अघि नेपाल टेलिभिजनको समाचार वाचिका भएर पनि काम गर्नुभएको छ ।

बहुमुखी प्रतिभाका धनी,निडर, नेतृत्व गर्ने क्षमता र योग्यता भएकै कारण सक्षम महिलामध्येबाट उहाँलाई सरकारले राजदूतमा सिफारिश गरेको हो । मैत्रीन्युजबाट |






शुभकामना

भर्खरै...

लोकप्रिय

रोचक खबर

ताप्लेजुङ हेलिकप्टर दुर्घटना: ‘मौसम खराबसँगै हतारो’

ताप्लेजुङ - करिब १२ हजार फिट अग्लो स्थानमा रहेको ताप्लेजुङको पाथीभराको मौसम बुधबार बिग्रिरहेको थियो । छिनछिनमा... बाँकी यता

tamang online / February 28, 2019

राष्ट्रपति भण्डारीद्वारा कुलमान घिसिङलाई अर्थ–उद्यम तर्फ कान्तिपुर आइकन प्रदान

काठमाडौँ — कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा... बाँकी यता

tamang online / February 18, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution