हेडलाईन

साईप्रसमा सोनाम ल्होछार मनाउने अन्तिम तयारी         पूर्वप्रधानमन्त्री डा. तुलसी गिरीको निधन         अन्तर्राष्ट्रिय तामाङ परिषदको अध्यक्षतामा के.एम. तामाङ         नेपाल तामाङ घेदुङ इजरायलको हार्दिक निमन्त्रणा         जातीय बहुलवादबीचको एकता नै नेपालीको सुन्दर पक्ष : मन्त्री पण्डित         लोपोन्मुख कुसुन्डा जातिलाई भत्ताको खुसी         इजरायलबाट अत्याधुनिक प्रविधि भित्र्याउन प्रयास गर्नेछु : प्रस्तावित राजदूत डा. अन्जान शाक्य         ‘दि भ्वाइस अफ नेपाल’का उत्कृष्ठ ४ फाइनलिष्ट घोषणा         प्रस्तावित राजदूतको नाम संसदीय समितिबाट अनुमोदन         इजरायलबाट कामदारको माग नआएपछि छनोट भएका ४१ जना अलपत्र         राजदूत शेर्पामाथि लागेको मानव तस्करीको आरोपबारे छानबिन गर्न समिति गठन         मातृभाषामा शिक्षा: नीतिमा छ, कार्यान्वयनमा छैन         मेक्सीकोकी भनिसा पोन्स बनिन् मिस वर्ल्ड २०१८         नायिका आशिका तामाङको जीवन : उनलाई त्यस्तो मन पर्दैनथ्यो, सम्बन्ध टुट्यो         बौद्ध दर्शनमा आकर्षण : गति लिँदै लुम्बिनी बौद्ध विश्वविद्यालय        

बिहेअघि सेक्स नगरौं – साइकलचालक अशोक यादव

सप्तरी । कुनै सेलिबि्रटी होइनन्, अशोक यादव । तर, साइकलका पाइडल घुमाउँदै उनी जहाँ पुग्दा पनि मानिसहरु झुरुप्प जम्मा भइहाल्छन् ।उनीप्रति यस्तो आकर्षणको कारण हो, साइकलमा लेखिएको सन्देश । साइकलको अगाडि ‘नो सेक्स विफोर म्यारिज’ लेखिएको प्लेकार्ड टाँसिएको छ ।

आधा दाह्री फुलेका अशोक उमेरले आधा सय वर्ष पुगे । यद्यपि, अहिलेसम्म अविवाहित छन् । आफूले अहिलेसम्म सेक्सको अनुभव नलिएको दावी गर्ने उनी अरुलाई पनि बिहेपछि मात्रै शारीरिक सम्वन्ध राख्ने सन्देश बाँडिरहेका छन् ।

सप्तरीको तिलाठी-कोइलाडी गाउँपालिका १, तिलाठी निवासी अशोक भन्छन्, ‘विवाहपूर्व सेक्स गर्नु न त धर्मको नीति हो, न त समाज वा कानुनकै । अहिले विवाहपूर्व नै यौन सम्पर्क राख्ने क्रम बढेकै कारण यौनिक हिंसाले उग्ररुप लिएको हो ।’

देशमा बलात्कारका घटना पनि विवाहपूर्व यौन सम्पर्क राख्ने प्रवृत्तिले नै बढाएको उनको बुझाई छ । ‘यदि बिवाह गरेपछि मात्र यौन सम्पर्क गर्ने संस्कार कायम गर्ने हो भने,’ उनी भन्छन्, ‘बलात्कार स्वतः घट्छ ।’

यौन सम्पर्क आफैंमा पवित्र कार्य भए पनि विवाहपूर्व भने यो अपवित्र हुने यादवले बताए । यो सन्देश सप्तरी जिल्लामा व्यापक फैलाउने उनको योजना छ । भविष्यमा जिल्लाबाहिर पनि जाने उनको योजना छ ।

यो उमेरसम्म यौनसम्पर्कको अनुभव नलिँदा आफूलाई कुनै गाह्रो नपरेको पनि यादवले बताए । उनले भने, ‘पूरा कन्ट्रोलमा बसेको छु, अहिलेसम्म यसको आवश्यकता महसुस नै भएको छैन ।’

दक्षिण भारतीय कलाकार खुश्बुले विवाहपूर्वको यौन सम्पर्कलाई मान्यता दिन केही वर्षअघि सरकारसँग गरेको अपील फेल भएको स्मरण छ उनलाई । उनी भन्छन्, ‘यदि यो कुरा राम्रो हो भने त त्यहाँको सरकारले मान्यता दिन सक्थ्यो नि, तर दिएन ।’

गाउँमा कृषि पेशा अंगाल्दै आएका यादव कञ्चनपुरकी निर्मला पन्तको बलात्कारपछि हत्याको घटनाले निकै चिन्तित बनेका छन् । योउ घटनापछि उनले किताब र पत्र-पत्रिका पढ्ने बानीको विकास गरे ।

‘अहिले दैनिक रुपमा तिलाठीबाट राजविराज आएर किताव पढ्ने नै काम गर्छु,’ उनी भन्छन्, ‘दिनभर साझा प्रकाशनमा बसेर नेपाली, मैथिलीको कला, संस्कृतिका कितावहरु पढेर दिन बिताइरहेको छु ।’

विवाह नगरेका कारण खर्चको त्यति आवश्यकता नभएको उनले बताए । किताव पसलमा केही काम पाए गर्ने उनको इच्छा छ ।‘किताव पसलमा झाडू लगाउने काम पाए पनि गर्छु,’ उनले भनेको अनलाइनखबरमा छ  ।

२८ असोज २०७५






शुभकामना

भर्खरै...

लोकप्रिय

रोचक खबर

पहिलो डेटमा कसले बिल तिर्ने, पुरुष वा महिला ?

जब मैले डेटिङ गर्न सुरु गरेँ तब मेरी आमाले मलाई खानपिन कहिले पनि निःशुल्क हुँदैन भन्ने गर्नु गर्थिन् ।उनले... बाँकी यता

tamang online / December 2, 2018

सर्पको सेक्स गर्ने तरिका बुझेपछि अचम्ममा पर्नुहुनेछ तपाईं !

बीबीसी सेक्स संसारको सबैभन्दा जटिल मसला हो । प्रकृतिले यसलाई यति जटिल बनाएको छ जसबारे जति अनुसन्धान गर्यो... बाँकी यता

tamang online / November 25, 2018

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2018: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution