हेडलाईन

इजरायलमा नेपाली दुतावासले २५६३ औं बुद्ध जयन्ती मनाउने,नेपाली समुदायको संघसंस्थालाई सहभागी हुन आव्हान         प्रधानमन्त्री ओली र इजरायली प्रधानमन्त्री नेतान्याहु बीच टेलिफोन वार्ता         श्रीलंका बम विस्फोटमा परी ५० को मृत्यु ,दुई सयभन्दा बढी मानिसहरु घाइते         भारतीय दूतावासद्वारा तामाङ वस्तिमा रहेको छ्योइफेल गुम्बाको पुनर्निर्माण         ह्योल्मो समाज इजरायलले बार्षिक उत्सव तथा साधारण सभाको साथमा २५६३ औं बुद्ध जयन्ति मनाउने तयारी         कुलमान घिसिङको निर्देशन ‘ट्रेड युनियनको चुनावमा गाडी नदिनु’         स्वयम्भू र हनुमानढोका जोड्ने गुरुयोजना सार्वजनिक         महिलालाई चरित्रहीन भनेपछि बुद्धले मुखियाको एक हात समातेर बजाउन लगाए ताली         विप्लव समूहलाई नेपाल बन्द फिर्ता गर्न तामाङ घेदुङको माग         दोलखाको शैलुङमा हजारौं पर्यटक         इजरायलको टिकट काटेकी सुनिताको घरमा ‘अवैध प्रेमी’को लास         नेपाली युवतीलाई केन्याको डान्स बार पुर्याउने मानव तस्करी पक्राउ         अन्तर्राष्ट्रिय कलाकार मञ्च इजरायलले नयाँ बर्ष २०७६ भव्यताको साथ मनायो         नेपाल, भारत र चीनकी चेलीले एकसाथ सगरमाथा चढ्ने         थाङ्का पेन्टिङबाट गाउँमैं रोजगारी        

गिरिजाप्रसादले मलाई निधारमा म्वाइ खानुभयो, कृष्णप्रसादले कम्मरमा चिमोट्नुभयोः शारदा शर्मा

२०६३ सालमा जब ‘अग्निस्पर्श’ निबन्धसंग्रह प्रकाशित भयो, शारदा शर्माको लेखनीको चर्चा निकै बढ्यो । त्यसअघि उनका कविता संग्रह प्रकाशित थिए । तर, चर्चाको हिसाबमा कवितामा भन्दा शर्माले निबन्धबाट निकैको ध्यान तानिन् ।

त्यही भएर पनि हुनसक्छ, त्यसपछि उनका कविता संग्रहका रुपमा आएनन्, बरु संस्मरणात्मक निबन्धहरुले स्थान पाउँदै गए । त्यसैको उदाहरण हो– ‘भुइँफूलको देश’ जुन २०६८ सालमा प्रकाशन भयो ।

‘भुइँफूलको देश’पछि शर्मा आख्यानतिर लागिन् । ‘ताप’ र ‘कम्प’ दुई आख्यानले शर्माको लेखनीको चर्चालाई थप बलियो बनाइदिए ।

२०७२ सालमा ‘अर्को भुइँफूल’ प्रकाशनपछि गैर–आख्यानमा केही दिनअघिमात्र शर्माको संस्मरण ‘त्यो समय’ बजारमा आएको छ ।

शारदा शर्माका दुवै परिचय स्थापित छन् । पहिलो त उनी लेखक हुँदै हुन्, अर्को उनी कांग्रेस नेता नरहरि आचार्यपत्नी पनि हुन् ।

पूर्णरुपमा लेखक हुनुभन्दा पहिले चाहिँ शर्मा नेपाल परिवार नियोजन संघ र दिल्लीस्थित इन्टरनेसनल प्लान्ड प्यारेन्टहुड फेडरेसन (आइपिपिएफ)को जागीरमा थिइन् । शर्माको पुस्तक ‘त्यो समय’ यही समयको सेरोफेरोमा छ । जब शर्मा जागीरमा थिइन्, नरहरि आचार्य राजनीतिमा होमिएका थिए । उनी कांग्रेसका प्रभावशाली नेता भइसकेका थिए ।

त्यसैले स्वभाविक थियो, शारदा शर्माको कांग्रेस नेताहरुसँगको चिनजान र समयसमयमा सम्पर्क हुनु ।

कांग्रेसका नेताहरुसँग बारम्बार भेट भएका विषयमा पनि शर्माले पुस्तकमा लेखेकी छिन् । शर्मासँग बारम्बार भेट भएका कांग्रेस नेतामध्ये एक हुन्, गिरिजाप्रसाद कोइराला ।

राजनीतिक सन्दर्भमा होस् या पारिवारिक वा अन्य स्वास्थ्यसँग सम्बन्धित सन्दर्भमा निक नहोस्, शारदा शर्माले गिरिजाप्रसाद कोइरालाका सन्दर्भ समयसमयमा निकालेकी छिन् ।

कांग्रेस महाधिवेशनमा गिरिजाप्रसाद कोइरालाविरुद्ध सभापतिमा नरहरि आचार्यले उम्मेदवारी दिँदा होस् या स्वास्थ्य उपचारका लागि गिरिजा दिल्ली पुग्दाका प्रसंग किन नहुन्, शारदाले गिरिजासँगको भेटका विषयमा पुस्तकमा बढो सचेततापूर्वक लेखेकी छिन् ।

तर, शारदाको लेखनीले अर्को एउटा पक्ष चाहिँ उजागर गरिदिन्छ ।

पुस्तकको ‘दिल्लीमा गिरिजाप्रसाद’ च्याप्टरमा शारदाले लेखेकी छिन्–

१४ तारिख, अपराह्न चार बजे म गिरिजाप्रसादलाई भेट्न होटेल साङ्ग्रिला पुगेँ । तलैबाट डा. शेखरलाई फोन गरेँ । उनी लबीमै रहेछन्, भित्र गयौँ हामी । दिउसो एम्समा गएर स्वास्थ्य जाँच गरेको रहेछ गिरिजाप्रसादको, केही समय पहिला मात्रै होटल आइपुगेका रहेछन् उनीहरु पनि । एक छिनको सामन्य भलाकुसारीपछि गिरिजाप्रसादले त्यहीँ बसिरहेका शेखरलाई, ‘ए तँ जा एक छिन बाहिर’ भन्नुभयो ।

उनी तुरुन्तै कोठाबाट निस्के र ढोका लगाइदिए । म गिरिजाप्रसादको त्यो तरिका देखेर अचम्म मानिरहेथेँ । शेखर निस्केपछि गिरिजाप्रसादले मलाई आफ्नो नजिक बस्न भन्नुभयो, एउटा हात मेरो काँधमा राखेर अँगालो मार्नुभयो, निहुरेर निधारमा म्वाई खानुभयो ।

….. मेरो हात, कपाल सुम्सुमाइरहनुभएको थियो बिस्तारै । उहाँको यो व्यवहार अप्ठेरो लागिरहेको थियो मलाई ।………

योमात्र होइन, शारदाले पुस्तकमा गिरिजाप्रसादले आफूलाई नजिक बस्न भनेको, हातले ‘पिठ्युँमा बिस्तारै थपथपाएको..’, आफू पुगेपछि ‘कोठाका अरुलाई बाहिर जा’ भनेको प्रसङ्ग अरु पनि लेखेकी छिन् । पुस्तकको पेज नम्बर १ सय ५२ र १ सय ५३ मा पनि यो प्रसङ्ग आएको छ ।

गिरिजाप्रसादकै विषयमा शारदाले लेखेकी पनि छिन्– मेरो हजुरबाको उमेरको व्यक्ति, पितृवत् स्नेह आदि पनि । ती भेटमा नरहरि आचार्यको राजनीतिको विषयमा चर्चा हुने गरेको पनि शर्माले लेखेकी छिन् ।

गिरिजाप्रसाद कोइरालासँगैको प्रसङ्ग लेख्दा शारदाले नेपाली कांग्रेसका अर्का ‘सन्त नेता’ कृष्णप्रसाद भट्टराईसँगको प्रसंग पनि जोडेकी छिन् । यो उनी मन्त्रीपत्नीको हैसियतमा कुनै कार्यक्रममा सोल्टी होटलमा पुग्दाको प्रसंग रहेछ । उनले पुस्तकमा लेखेकी छिन्–

सोल्टी होटलको पार्टीमा कृष्णप्रसाद भट्टराईको छेउमा सोफामा बसिरहेको बेला भट्टराईजीले मलाई अँगालो हालेर पछाडिबाट कम्मरको मासु बेस्सरी चिमोटेर भन्नुभएको थियो–

ए कैलेकाहीं त हामीलाई पनि यसो मौका दिनुस् न…

आश्चर्यले छोपेको थियो मलाई । म उहाँबाट यस्तो व्यवहार कल्पना पनि गर्न सक्तिनथेँ ।

भट्टराईले त्यति बेला ड्रिङ्क गरेको र उनी विनोदी भएको सबैलाई थाहा नै भएको तर्कलाई अगाडि सारेकी छिन् शर्माले पुस्तकमा ।

यो त्यही समय हो, जतिबेला महिला अधिकारको क्षेत्रमा काम गर्थिन् शर्मा । त्यसका केही वर्षपछि शर्मा आफैं विभिन्न महिला हिंसा विरुद्धका गोष्ठीमा सहभागि हुन ढाका, काठमाडौं, दिल्ली, भुटानलगायतका ठाउँमा पुगेका प्रसङ्ग पनि आएका छन् ।

ती गोष्ठीहरु थिए, शर्मा सहभागि भएका । र, संस्मरणमा आएका छन्, उनका नीजि अनुभवहरु ।

आखिर त्यो सब समयको कुरा न हो !






शुभकामना

भर्खरै...

लोकप्रिय

रोचक खबर

ताप्लेजुङ हेलिकप्टर दुर्घटना: ‘मौसम खराबसँगै हतारो’

ताप्लेजुङ - करिब १२ हजार फिट अग्लो स्थानमा रहेको ताप्लेजुङको पाथीभराको मौसम बुधबार बिग्रिरहेको थियो । छिनछिनमा... बाँकी यता

tamang online / February 28, 2019

राष्ट्रपति भण्डारीद्वारा कुलमान घिसिङलाई अर्थ–उद्यम तर्फ कान्तिपुर आइकन प्रदान

काठमाडौँ — कान्तिपुर मिडिया ग्रुपको गैरनाफामूलक कल्याणकारी संस्था कान्तिपुर फाउन्डेसनले चार विधामा घोषणा... बाँकी यता

tamang online / February 18, 2019

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution