हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

साथीकी बैनी …

-सुरेस बादल 

के छ बैनी हालखबर ?’ मैले पहिलोपटक च्याटमा सोधेको थिएँ । उसैले च्याटमा ‘वेब’ गरेर बोलाएपछि बोल्नै पर्‍याे । नत्र सुरुमा आफैँले बोलाउन त अप्ठ्यारै थियो नि ! नाताले साथीकी बैनी । यसर्थ मनले पनि ‘बैनी’ सम्बोधन नै ठीक मानेको थियो ।

‘बैनी ?’ उसले प्रश्नवाचक चिन्ह पनि चारपाँचओटा ठड्याइदिएकी थिई । म आश्चर्यचकित भएको थिएँ ।

किन ? बैनी भन्न नहुने हो र ?’ म सिरियस भएको थिएँ ।

‘भन्नुस् । तपाईको मर्जी । तर म तपाईलाई दाइ भन्दिन ।’

छट्टु थियो साथी । तर बैनी झन् चण्डाल रै’छ । फेसबुकका फोटाहरूबाट भर उड्यो । सोझी लागेर हिजो मात्र फेसबुकमा ‘एड’ गरेको । आफ्नै बैनीजस्तो मानेर च्याटमा बोलेको थिएँ । चिनजान बढाउन मात्र मन थियो । मनमा पाप रत्तिभर थिएन । तर उसैले ‘दाइ’ भन्न इन्कार गर्दा भने मनमा कौतुहलको पोखरी जमेको थियो ।

पोखरीको निकास खोल्दै सोधें, ‘दाइचाहिँ किन नभन्ने नि ?’

‘हजुरजस्तो ह्याण्डसम मान्छेलाई दाइ भन्न मनले मानेन क्या !’

कति सजिलै भनिदिई । म तीनछक परें । असिनपसिन भएँ । साथीले थाहा पाए के भन्ला ? यही डरको बीचमा पनि खुशीको सानो टुसा उम्रियो । उसले लेखेको ‘ह्याण्डसम’शब्दले मन चुलबुलायो । ‘बैनी’को जिस्कने मुड देखेर आफू पनि थोरै सहज मान्दै बोल्न थालेँ ।

‘ह्याण्डसम रे ?’

‘हो त । हजुर कस्तो ह्याण्डसम लाग्छ मलाई ।’

कस्ती फरवार्ड केटि रै’छे । पहिलो च्याटमै कति निर्धक्क जिस्किएकी । त्यो पनि आफ्नै दाइको साथीसँग । डर, भर, लाज, सरम केही नलागेको !

‘थ्यांक यु ।’ तारिफको जवाफमा मैले यत्ति भन्न सकें ।

अघि च्याटमा बोलाउनु अगाडि मलाई ऊ आफ्नै बैनीझैँ लागेकी थिई । अब भने उसलाई बैनी देख्ने मेरो नजरको पर्दा उध्रिएको थियो । मनमा काउकुती जाग्न थाल्यो । रंगीचंगी सोचहरू आउन थाले । आखिर दाइ नभन्नेले के भन्ने सोच राखेकी होली त ?

‘हजुरले माइन्ड गर्नुभाको हो ?’ उसले सोधी ।

‘हैन । किन माइन्ड गर्नु र ?’

बरु मलाई त मज्जा लाग्दै थियो । भलै ऊ मेरो साथीकी बैनी थिई । थिई त एउटी केटी । त्यसमाथि सुन्दर । एउटी केटीले दाइ भन्दिन भनेर ह्याण्डसम घोषणा गर्दा माइन्ड गर्नु त पाप हो नि बरु !

म ऊसँग ‘कम्फर्ट जोन’मा बसेर च्याट गर्न थालेँ । अब मलाई ऊ बैनीजस्ती लागिन । अघिसम्म उसको दाइ, जो मेरो साथी हो, उसलाई घात होला कि भन्ने पीर थियो । त्यो पनि कुहिरो हटेजसरी हटेर गएको थियो । मेरो मन सपाट डाँडाझैँ हरियो भयो । मलाई बेला बेलामा सोझो भनेर उडाउने मेरो साथी, आज उसैको बैनी मसँग पट्टिन लागेकी छ । प्रतिशोध लिने मौका पनि जुरेको थियो ।

‘दाइ नभने के भन्छौ त ?’

‘के भनौँ ?’ यति लेखेपछि उसले हिहि गरेर हाँसेको विवरण जोडी ।

‘तिमीलाई के भन्ने इच्छा छ ?’ यति लेखेर व्यग्रताका साथ उसको जवाफ कुरें ।

मेरो कौतुहलको पोखरी फेरि भरिएर आयो । उसले अब त्यस्तै केही भन्नेछे । मलाई यकिन भयो केही प्रेमिल संकेत दिनेछे उसले । मुटु ढोल पिटेझैँ जोडले धड्किन थाल्यो । आँखाभरि पानका पातहरू राता भएर नाच्न थाले ।

‘भनौं ?’ उसले मलाई उत्सुकताको शिखरमा लगेर उभ्याइदिई ।

‘भन न।’ बेचैनीमा सास रोकेर सोधेँ ।

‘दादा ।’

‘हँ ?’ अत्तास्सिएर लेखें ।

‘यस् । मेरो ह्याण्डसम दादा हो हजुर । दाइ हैन दादा भन्छु हुन्छ ?’

उसले मेरो चित्त दुखाई । आँखाका राता पानहरू भुइँभरि खसेर पतकर बने । मेरो मन दुख्यो । निन्याउरो भयो अनुहार । औंलाहरू गह्रुँगा भए । केही लेख्नै सकेनन् ।

‘हेल्लो । आर यु दियर ?’ मेसेन्जरको लामो सन्नाटा चिरेर उसले लेखी ।

मैले बूढी औंलाको रिसउठ्दो ठेंगा चिह्न थिचेर पठाएँ । जवाफमा उसले रिसले चुर भएको इमोजिको रातो अनुहार पठाई ।

उसले मलाई रोटेपिङको टुप्पोमा पुर्‍याएकी थिई । अनि एकैपटक तल्तिर हुत्याएकी थिई । म पिङबाट खसेझै अत्तालिएको थिएँ ।

‘म के भनौं भन्नु न ?’ उसले अझै सोधी ।

‘जे मन लाग्छ त्यही भन ।’ झर्को लागेर भनें।

‘रिसाउनुभो ?’

‘हैन ।’

‘अनि राम्रोसँग भन्नु न त ।’

‘तिमीलाई जे भन्न सजिलो लाग्छ मलाई त्यहि भन बैनी ।’

‘मलाई बैनी नभन्नु न ।’ उसले लेखी । अब फेरि के मजाक हो यो ?मलाई दिक्क लाग्न थाल्यो ।

‘के भनौं त ?’

‘जे भने नि भन्नु तर बिर्सेर पनि बैनी नभन्नु । यति राम्री मान्छेलाई त्यति ह्याण्डसम मान्छेले बैनी भन्ने हो त ?’ उसले आँखा झिम्क्याएको इमोजी टाँसी ।

‘तिमीले दादा भनेपछि मैले के भनौं ?’

‘यसो गरौँ ।’ उसले लेखी।

‘कसो ?’

‘मैले दादा फिर्ता लिएँ ।’ ऊ फेरि हिहि गरेर च्याटमा हाँसिदिई ।

म पंगु भइरहेको आफैँलाई भान हुँदै आयो । अलिअलि जिस्कने खालको थियो साथी । तर बैनीचाहिँ कस्ती उत्ताउली ! एक मन त बेस्सरी रिस उठ्यो । अर्को मन भने नौनीझैँ गल्थ्यो । सोच्थें, आखिर जे भए पनि राम्री केटी हो ।

‘ल अब मलाई के भन्नुहुन्छ ?’ उसले सोधी ।

‘था’छैन ।’

‘रिसाउनुभाको हो ?’

हैन । झर्को लाग्यो । अरु नै कुरा गरौँ न है ? यो नातावाला टपिक क्लोज गरौँ ।’ मैले लेखें ।

‘अहँ । पहिला नाता नै फिक्स गर्नुपर्छ । नाताअनुसारको पो कुरा हुन्छ त ।’ उसले लेखी । म चुप भएँ ।

उसले लेखेकी ‘नाताअनुसारको कुरा’ निकै रहस्यमयी थियो । मलाई त्यो रहस्यमयी कुराले पनि काउकुती लगायो । आखिर के कुरा गर्न चाहन्छे ऊ ? यतिचाहिँ म निश्चिन्त भएँ कि अब साथीकी बैनीलाई मैले बैनीचाहिँ भन्दिन ।

‘यसो गरौँ ।’ मैले लेखें ।

‘कसो ?’

‘मलाई साथी मात्र बनाऊ । हुन्छ ?’

‘एकजना ह्याण्डसम केटा र एउटी राम्री केटी कहिल्यै साथी मात्र हुँदैनन् भन्ने था’छैन तपाईंलाई ?’

‘हुँदैनन् होला अरू । हामी बनेर देखाइदिऊँ न हुन्न ?’

‘हुन्न । मलाई त साथीभन्दा अझै माथि हुने मन छ ।’ उसले लेखी ।

मेरो चुलबुले हुन थालेको मन थिरमा रहेन । अब म पनि ऊझैँ जिस्कन थालिसकेको थिएँ । हामी यस्तै यस्तै कुरा गरिरह्यौं । ऊ मलाई प्रेमको उत्कर्षमा पुर्‍याउँथी अनि फुत्त खसालीदिन्थी । प्रेमीजस्तो बनाएर उचाल्थी । घचेटेर फेरि दाइको साथी नै बनाइदिन्थी । म रिसाउन, झर्किन, तर्किन थालेको महसुस हुनासाथ मायालु बोलीले फकाइहाल्थी ।

साढे आठ बजेबाट जिस्कन थालेका थियौं हामी । लगभग बाह्र बज्न लागेपछि उसले फ्याट्ट सोधी,

‘लास्टचोटि भन्नुस् अब । हामी कस्तो नातामा बस्ने ?’

प्रेमको भावनाले लुछुप्पै भिजिसकेको थिएँ । आँखामा उसलाई आफ्नी प्रेमिका बनाएर राखिसकेको थिएँ । अब त हिम्मत पनि पहाड बनेर उभिसकेको थियो । मलाई सधैँ सोझो भनेर हेप्ने साथीलाई जेठान बनाउने मौका आएको थियो । फ्याट्ट भन्दिएँ, ‘आई लभ यु ।’

‘हजुर ?’ उसले नबुझेझैँ गरी ।

‘आई लभ यु प्यारी !’ म उसको प्रेमको नशामा मात्तिसकेको थिएँ ।

‘यसरी लेखेर हैन । भिडियो अन गर्नुस् अनि भन्नुस् ।’

‘नाइँ अप्ठ्यारो लाग्छ भिडियो अन गर्दा त ।’ मैले लेखेँ ।

‘अब के डर । स्पेसल फिल गराउनु हुन्न ?आफ्नी प्यारीलाई ?’ उसले इमोसनल ब्ल्याकमेल गरी ।

‘हस् ’भनेर भिडियो कल गरें ।

टुँ टुँ गरेर कलर टोन गयो । उसले कल उठाई । उसको अनुहार देखिनुअघि नै आँखा चिम्म गरेर जोडले चिच्याएँ,

‘आई लभ यु प्यारी । माई बेबी । म्मुवाँँ ।’

चुप्प गरेको चोसे ओठ र चिम्म भएको आँखाच् यातेर मोबाइल हेरेँ । मलाई भाउन्न भएर आयो । मुटु भुक्लुक्क उम्लिएर मुखमा आयो । घाँटी किक्लिक्क भयो । निधारमा पसिनाका थोपा टिल्पिलाए ।

मेरो हरामी साथी मोबाइलको स्क्रिनबाट आँखा ठूला बनाएर खाउँलाझैँ गरेर हेरिरहेको थियो ।

कालोनिलो भएर मोबाइल फुत्त ओछ्यानमा फ्याँकेँ ।

उताबाट बेस्सरी हाँसेको आवाज आउँदै थियो । लेन्समा आफ्नो अनुहार नपर्ने गरी यसो नियालेर हेरेँ । दाजुबैनी मरीमरी हाँस्दै थिए ।

‘ओई। कता हराइस् ? प्य्राङ्क गरेको तँलाई । ओई । हेल्लो हेल्लो ।’ साथी बोल्दै थियो । बैनीचाहिँ हिहि गर्दै खित्खिताउँदै थिई । मलाई लाजले अनुहार देखाउनै मन लागेन ।

‘साह्रै लल्लुराम नै रै’छ त तेरो साथी ।’ साथीकी बैनी सुनाउँदै थिई ।

साथी मुर्दार पनि ‘हो हो’ भनेर मेरो बिल्ला उडाउँदै थियो ।






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution