हेडलाईन

अमेरिकामा बुद्ध पुर्णिमालाई अन्तराष्टिय ध्यान दिवसको रुपमा मनाउने घोषणा         शिवम् सिमेन्टको आईपीओ विक्री खुल्यो, कति कित्तासम्म भर्न पाइन्छ ?         टोकियोमा सोनाम ल्होछार २८५५ भव्य रुपमा सम्पन्न         बद्री पङ्गेनी अध्यक्ष रहेको संस्थाद्वारा पशुपति शर्माको गीत पुनःयूट्युबमा राख्न आग्रह         इजरायलमा प्रथम शहिद लखन थापा मगरको १४२ औं स्मृति दिवस सम्पन्न         इजरायलमा प्रथम शहिद लखन थापा मगरको १४२ औं स्मृति दिवस सम्पन         युट्युवबाट आफैंले हटाएको पशुपति शर्माको गीतमा के छ त्यस्तो ? (पूर्णपाठसहित)         जीवन शर्मा भन्छन्– शब्द चयनमा पशुपति शर्माजीको ध्यान पुगेन कि ?         सत्तापक्षीय आक्रोशपछि पशुपति शर्माले युट्युबबाट हटाए ‘लुट्न सके लुट’         मेरो पतिलाई पूर्वमन्त्री गुप्ताले फसाए’ – सर्मिला तामाङ         यी ५ प्रकारका व्यक्तिसँग कहिल्यै साथी नबन्नुस्, नत्र दु:ख पाउनुहोला!         इजरायलसँग सातै प्रदेशमा प्रविधि तालिम केन्द्र खोल्न प्रस्ताव         रुस्लानसालिङ (ताम्सालिङ)जिन्दावाद !         जैस ए मोहम्मद : जसले मोदीलाई हत्याको धम्की दियो,कश्मीरमा घातक हमला गर्नेको कथा         काश्मिरमा भारतीय ४२ सुरक्षाकर्मी मारिए,जवाफी कारवाही गर्ने तयारीमा भारत,जम्मुमा कर्फ्यू        

तामाङ कोअपरेशन सोसाइटी अफ क्यालिफोर्नियाको समर पिकनिक सम्पन्न

ङिमा पाख्रिन / क्यालिफोर्निया – सेलरोटी, अचार, भट्मास साँधेको, चिउरा भुटेको साथै मासुका बिभिन्न परिकार सहित बार्वेक्यू र निंगार ! क्यालिफोर्नियाको बर्क्ली स्थित मरिना पार्कमा उपस्थित सबैजना नेपाली परिकारको स्वादमा रमाउँदै आ-आफ्नै समूहमा कुराकानीमा ब्यस्त देखिन्थे । केहि भने तामाङ सेलोमा कम्मर मर्काउँन पट्टी लागे । सबैका ध्यान त्यतैतिर ताने । पारिलो घामको न्यानोलाई चिर्दै बेला बेला बहेको शितल हावाले दशै तिहारको बेला काठमाडौमा हुने मौसमको अनुभूत गराएको थियो ।

तामाङ मौलिक पहिरणमा सजिएका केहि साथीहरु यताउता उपस्थित सबै माझ पुगेका देखिन्थे । केहि भने बार्वेक्यु पोल्न ब्यस्त थिए । केहि चाँही कार्यक्रमको खाका बनाउँन ब्यस्त देखिए । त्यहाँ टाँगिएको ब्यानरमा लेखिएको थियो -तामाङ कोअपरेशन सोसाइटी अफ क्यालिफोर्निया, एन्युअल समर पिकनिक २०१८ ।


यसबाट प्रस्ट हुन्छ तामाङ कोअपरेशन सोसाइटी अफ क्यालिफोर्नियाले हरेक बर्षको समरमा पिकनिकको आयोजना गर्दै आएको छ । सन २०१८ को समर पिकनिक गत सप्ताहन्तमा सम्पन्न भएको छ । उक्त पिकनिकमा तामाङ समुदायका साथै नेपाली समुदायका लब्धप्रतिष्ठत ब्यक्तिहरु उपस्थित रहेका थिए । आयोजक संस्थाका संस्थापक अध्यक्ष रत्तु लामा, संस्थापक सल्लाहकार तथा उत्तर अमेरिका तामाङ समाजका वर्तमान सल्लाहकार बिध्यासागर योन्जन, पुर्व अध्यक्ष प्रकाश बज्यु, आयोजक संस्थाका संस्थापक तथा उत्तर अमेरिका तामाङ समाज केन्द्रिय कार्यसमितीका वरिष्ठ उपाध्यक्ष शेर थोकर लगायत लगभग दुई सय जना तामाङहरुको उपस्थिती रहेका उक्त पिकनिकमा नेपाल टुरिज्म बोर्डका लागि नर्देन क्यालिफोर्नियाका पब्लिक रिलेशन रिप्रेजेन्टेटिभ घन दवाडी र सिलिकोन भ्यालीका पब्लिक रिलेशन रिप्रेजेन्टेटिभ प्रकाश थापा लगायत नेपाली एशोसियसन अफ नर्देन क्यालिफोर्नियाका अध्यक्ष रविन्द्र राई, फेडेरेशन अफ नेपालिज ईन्डिजिनियस् पिपल्स् ईन अमेरिकाको क्यालिफोर्निया च्याप्टर अध्यक्ष देव किराँत, जनसम्पर्क समिती क्यालिफोर्निया च्याप्टरका अध्यक्ष पुर्ण शेर्पा, बुध्द नेपाल पीस फाउन्डेशनका अध्यक्ष चिनकाजी श्रेष्ठ र महासचिव सुनिल राजकर्णिकार, क्यालिफोर्निया शेर्पा एशोसियसनका अध्यक्ष आङ ङिमा शेर्पा, मगर परिवार क्यालिफोर्नियाका अध्यक्ष बिनोद मगर, नेपाली कम्युनिटी सेन्टरका संयोजक उत्तम कार्की, युवा ब्यवसायी यज्ञलाल श्रेष्ठ, मदरल्याण्ड नेपालका अध्यक्ष अनिल पाण्डे, सङ्गीतकार मदन दिब्विम, गायक वुद्धिसागर बस्यालको सहभागिता थियो ।


आयोजक संस्थाका सक्रिय सदस्य गोविन लोप्चनले संचालन गरेको पिकनिक कार्यक्रममा संस्थाद्वारा आयोजित गत ल्होछार कार्यक्रममा सहयोग गर्ने कलाकार तथा स्वयंसेवकहरुलाई पनि प्रशंसापत्र प्रदान गरिएका थिए । सँस्थालाई कार्यक्रम गर्न आर्थिक सहयोग गर्ने समुदायका सदस्यहरु राजेश मोक्तान, ज्ञान लोप्चन, बिनोद, तामाङ, पार्वती थोकर, कुमारी दोङ लगायत समर पिकनिक सफल पार्न अहोरात्र खटिएका कार्यसमिती सदस्यहरु तथा उपस्थित सबैलाई अध्यक्ष कुमार दोङले धन्यवाद ब्यक्त गरेका थिए ।

तामाङ समुदायको उत्थान, धर्म संस्कार–संस्कृतिको जगेर्ना गर्दै आपसी सद्भाव ,सहयोग र सहकार्यका लागि स्थापित तामाङ कोओपरेशन सोसाइटी अफ क्यालिफोर्नियाले समर पिक्निक, ल्होछार लगायत विभिन्न कार्यक्रमको आयोजना गर्दै आएको छ । सान फ्रानसिस्कोमा सम्पन्न धार्मिक महोत्सवमा पनि अध्यक्ष दोङ सह-संयोजकको भूमिका तथा वाद्यवादन समूहमा रहेर सोसाईटीको सक्रिय सहभागिता गराएको थियो ।






शुभकामना

भर्खरै...

लोकप्रिय

रोचक खबर

विदेशबाट फर्कनेलाई विमानस्थलमा कडाइ गर्न लागेपछि रेखा थापा आक्रोसित

काठमाडौं । सरकार पछिल्लो समय विदेशबाट हवाइ यात्रुले ल्याउने सामानमा कडाइ गर्न एक्सनमा उत्रेको छ । धेरै समय... बाँकी यता

tamang online / February 7, 2019

सरकारले म्यानमार र ओमनका राजदुतलाई फिर्ता बोलाउँदै

काठमाडौं, १२ पुस । सरकारले म्यानमार र ओमनका लागि नेपाली राजदुतहरुलाई फिर्ता बोलाउने प्रक्रिया सुरु गरेको छ ।... बाँकी यता

tamang online / December 27, 2018

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2019: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution