हेडलाईन

पोखरामा १० बर्षे किशोरीको क्रुरतापुर्वक हत्या ‘बलात्कार पछि हत्या गरेको आशंका …(भिडियो)         प्रतिबन्धित मनाङ एयरको हेलिकप्टर सिमकोटमा         कोशी र नारायणीमा पानी जहाज ल्याउने उर्जामन्त्री पुनको दावी         प्रधानमन्त्री ओलीलाई धेरै ट्याँट्याँ नगर्न प्रकाण्डले आग्रह         कुलमान घिसिङ कालीगण्डकी जलविद्युत केन्द्र पुगेर मर्मत छिटो सकाउन निर्देशन         विप्लवका प्रवक्ता खड्गबहादुर विश्वकर्मा ‘प्रकाण्ड’ रिहा         चतराबाट सप्तकोसी हुँदै ‘मिनी पानीजहाज’ सुरु         निर्मला पन्तको हत्याबारे छानबिन समितिद्वारा गृहमन्त्रीलाई प्रतिवेदन पेश         प्रधानमन्त्री इमरान खानसँग सम्बन्ध विच्छेद गरेकोमा पछुतो छैन :खानकी पूर्व पत्नी रेहम         निर्मला हत्याकाण्ड: छानबिन प्रतिवेदन गृहमन्त्रीलाई बुझाउदै,दोषी पहिचान भईसकेको दाबी         ठेक्का लिने काम नगर्ने:पप्पु कन्स्ट्रक्सनका सञ्चालक रौनियारलाई पक्राउ पूर्जी जारी         तामाङ समाज ओमानद्वारा गुम्बा निर्माणको लागि आर्थिक सहयोग प्रदान         मलेसिया: मदिरा सेवनबाट मृत्यु भएका सुकुवल घिसिङ तामाङको ‘धिम’ खालाङ ?         अमेरिकाको ग्रीनकार्ड लिने मानिसले सरकारी सुविधा त्याग्नुपर्ने         नेपालजीत लामा तामाङको ‘मन्थन’ पुस्तक लोकार्पण        

युट्युबलाई टक्कर दिनेछ फेसबुकको यो नयाँ टुल

फेसबुक संसारभरी आफ्नो वाच भिडियो स्ट्रिमिङ सर्भिस लञ्च गर्ने तयारीमा छ । अमेरिकामा भने यो सर्भिस एक वर्षदेखि चलिरहेको छ ।

यो सर्भिसले प्रयोगकर्तालाई विभिन्न विकल्प दिनेछ जसमध्ये उनीहरुले आफूलाई मनपरेको कार्यक्रम छान्न सक्नेछन् । यसमा ठूला ब्रान्डदेखि नयाँ खेलाडी, दुबैको कार्यक्रम हेर्न सकिनेछ । यसबाहेक न्यूज फिडमा सेभ गरिएका क्लिप पनि हेर्न सकिन्छ ।

दर्शकले जुन भिडियो धेरै हेर्छन्, त्यसले विज्ञापन पाउन थाल्छ । अहिलेसम्म निकै कम पब्लिसरले मात्र यो फाइदा पाइरहेका थिए ।

सुरुवातमा ब्रिटेन, अमेरिका, आयरल्याण्ड, अष्ट्रेलिया र न्यूजिल्याण्डमा मात्र यस्तो सेवा उपलब्ध हुनेछ ।

भिडियोबाट हुने फाइदा निर्माता र फेसबुकलाई बाँडिनेछ । निर्माताले ५५ प्रतिशत र फेसबुकले ४५ प्रतिशत फाइदा पाउनेछ ।

फेसबुकले बुधबार सर्भिस सुरु हुने मिति बताउने तयारीमा थियो तर जानकारी लिक भएका कारण घोषणा कार्यक्रम केही समयका लागि स्थगित गरिएको छ । यसका कारण केही प्रयोगकताएले यसको पेज हेर्न सकिरहेका छैनन् ।

फेसबुकको वाच सर्भिसलाई युट्युबको प्रतिद्वन्द्वी मानिएको छ । तर यो युट्युबको मात्र नभई पारम्परिक टेलिभिजन च्यानल र अनलाइन आउटलेट जस्तै नेटफ्लिक्स, अमेजन भिडियो, बीबीसी आइप्लेयर र फेसबुकको आफ्नो इन्स्टाग्राम टिभीलाई पनि टक्कर दिनेछ ।

गत हप्ता एक अनुसन्धानले अमेरिकीले सुरुवाती वर्षमा मात्र यसमा रुची देखाएको बतायो ।

डिफ्युजन समूहले एक हजार ६ सय ३२ वयस्क फेसबुक प्रयोगकर्तालाई यसबारे प्रश्न सोध्यो । जसमध्ये ५० प्रतिशतले वाचबारे कहिले पनि सुनेका थिएनन् जबकी २४ प्रतिशतले आफूलाई अन–डिमान्ड सर्भिसबारे थाहा भएको तर कहिले पनि प्रयोग नगरेको बताए ।

१४ प्रतिशतले मात्र हप्तामा एक पटक यो सर्भिस प्रयोग गर्ने बताए ।

यद्यपी, केही अन्य रिपोर्ट अनुसार वाचका केही कार्यक्रमलाई लाखौंले हेरेका छन् । केही प्रयोगकर्ता एउटै कार्यक्रम पटक–पटक हेर्न चाहेको बताएका छन् ।

फेसबुकको दाबी अनुसार उनीहरुको यो सर्भिसले मानिसहरुबीच कुराकानी गराउन मद्दत गर्दछ ।

फेसबुकमा भिडियोका सह–संस्थापक फुड्जी सिमो भन्छिन्, ‘विषयबारे तपाईं साथी, अन्य प्रशंसक र निर्मातासँग कुराकानी गर्न सक्नुहुन्छ ।’
सिमोले वाच पार्टी फिचरबारे जानकारी दिएकी छिन् । उनका अनुसार यो विशेषताको मद्दतले दुईजनाले एकैपटक कार्यक्रम हेर्न सक्छन् ।

यदि कोही निर्माता फेसबुकको वाच सर्भिसका लागि कन्टेन्ट तयार गर्न चाहन्छन् भने उनीहरुसँग निम्न योग्यता हुन आवश्यक छः

– निर्माताले तीन मिनेटभन्दा लामो भिडियो बनाएको हुनुपर्छ ।

– दुई महिनाभित्र उनको कन्टेन्टलाई तीस हजार जनाले कम्तिमा एक मिनेट हेरेको हुनुपर्छ ।

– उनीहरुका १० हजार बढी फलोआर्स हुनुपर्छ ।

– उनीहरुको अफिस ‘एड ब्रेक’ सुविधा भएको कुनै देशमा हुनुपर्छ ।

एक इन्डष्ट्रि वाचरको मान्यता अनुसार यी शर्त स्वतन्त्र भिडियो निर्माताहरुका लागि फाइदाजनक हुनेछ ।बीबीसीबाट |






शुभकामना

भर्खरै...

लोकप्रिय

रोचक खबर

निर्मला पन्त हत्या प्रकरण : अनुसन्धान अधिकारीलाई छानविन गर्न बन्यो समिति

काठमाडौं- कञ्चनपुरकी निर्मला पन्तको बलात्कार पछि हत्या भएको घटनाको अनुसन्धानमा संलग्न प्रहरी अधिकारीमाथी... बाँकी यता

tamang online / September 13, 2018

नेपाल सेमिफाइनलमा प्रवेश,बंगलादेशमाथि शानदार जित

२३ भदौ, ढाका । आयोजक बंगलादेशमाथि शादार जित हात पार्दै नेपाल समूह विजेताका रुपमा साफ च्याम्पियनसिप फुटबलको... बाँकी यता

tamang online / September 8, 2018

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2018: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution