हेडलाईन

तामाङ राजाहरु “ग्याल्बो चुईनी” तामाङ जाति सम्बन्धि महत्वपूर्ण जानकारी         तामाङ पुर्खा काभ्रे तिमालको इतिहास – जे डी तामाङ         पृथ्वीनारायण शाहको लुकाइएको इतिहास         रातो र पोलेको मासु नखान क्यान्सरविज्ञको सुझाव         वामदेवको उत्थान र पतन         राज्यले सबै चार्डलाई समानता नदिएकै कारण आदीबासीले दशै-तिहार बहिस्कार गर्यो         के एप्पल वाचमा रेकर्ड भएको थियो साउदी पत्रकार खाशोज्जीको हत्या ?         माथिल्लो तामाकोशीको ९० हजार कित्ता सेयर कात्तिक १५ बाट सर्बसाधारणका लागि खुला         इजरायली प्रमुख विमान कम्पनीद्वारा सन् २०१९ देखि उडान नगर्ने चेतावनी         तामाङ छार व्हाई ‘सिङ्का सिङ्का खोतासी’ युट्युबमा सार्वजनिक         समृद्ध राष्ट्रका लागि सबै विद्यार्थी एकजुट हुनुपर्छ : दिपेश पुन         बिहेअघि सेक्स नगरौं – साइकलचालक अशोक यादव         चितवनमा तामाङ चलचित्र आप्लेङला नाम्साको बिशेष प्रदर्शन, अहिलेसम्मकै उत्कृष्ट         दशैं राजनीति कि संस्कृति ? – मोहन गोले तामाङ         देखे जस्तो छैन अमेरिका- सुने जस्तो हैन अमेरिका        

तामाङ गाउँमा ह्युल छोक्पा आफ्नै ‘संसद्’

रसुवा – ठूलोभार्खु गाउँमा तामाङ समुदायको बस्ती छ । सदरमुकाम धुन्चेबाट करिब ६ किलोमिटर टाढा रहेको यो गाउँका बासिन्दाको भाषा–संस्कृति तथा समग्र जीवनशैली समान छ । सदीयौंदेखि यहाँ बस्दै आएका तामाङ समुदायको विकाससम्बन्धी ढाँचा र योजना पनि भिन्नै छ । यस्तै न्यायनिसाफ गर्ने परिपाटी पनि आफ्नै प्रकारको छ।

गत शनिबार ठूलोभार्खुमा हरेक घरधुरीको सहभागितामा ह्युल छोक्पा (गाउँले भेला) बस्यो । गाउँको ‘संसद्’ भनिने भेलाले कृषि सडक निर्माण, खानेपानी निर्माण, माने नाच युवा पुस्तालाई हस्तान्तरण गर्ने र धर्म संस्कृतिको जगेर्ना गर्ने अजेन्डामा छलफल गरेको थियो।

भेलाले आगामी वर्षका लागि चारवटा योजना स्वीकृत गरेको छ । भेलाले गाउँको विकास, धर्म, संस्कृति आदि विषयमा करिब चार घन्टा छलफल गरी चारवटा योजना सर्वसम्मत पारित गरेको अधिवक्ता एवम् तामाङ संस्कृतिसम्बन्धी जानकार फुर्बा तामाङले बताए । तामाङले भने, ‘संसद्मा पेस गरिएको योजना सर्वसम्मत स्वीकृत भयो।’

बैठकमा एउटा पनि मुद्दा नपरेको आदिवासी जनजाति महासंघ जिल्ला कार्यसमिति रसुवाका अध्यक्ष एवम् स्थानीय लाक्पा तामाङले जानकारी दिए । ‘अघिल्लोपटक बैठकमा दुईवटा उजुरी आएको थियो’, उनले भने, ‘लेनदेन र अर्मपर्मसम्बन्धी विवाद मिलाइएको थियो।’
गोसाइँकुण्ड गाउँपालिका–५ ठूलोभार्खु र सानोभार्खुमा ‘गाउँले भेला’ सञ्चालन हुन थालेको ३० वर्ष भयो । त्यसअघि घले राजाहरूले यस्तो भेला राख्थे । घले राजाको शासनकाल सकिएपछि स्थानीय आफैंले प्रथाजनित कानुनलाई निरन्तरता दिएका हुन् । प्रतिनिधिसभाको झल्को दिने गरी उनीहरूले अजेन्डा प्रस्तुत गर्ने, छलफल गर्ने र नीति तथा योजना पारित गर्ने गर्दछन् । त्यसैले अहिले यस्तो भेलालाई गाउँलेले ‘संसद्’ नामकरण गरेका हुन्।

मुद्दामामिला मिलाउन, नीति तथा योजना निर्माण गर्न, चरन क्षेत्र तोक्न र संस्कृतिको जगेर्ना गर्नका लागि चौमासिक रूपमा गाउँसभा आयोजना गरिन्छ।

के हो गाउँले भेला ?

गाउँले भेलालाई तामाङ भाषामा ह्युल छोक्पा भनिन्छ । गाउँमा यस्तो भेला वर्षमा तीनपटक आयोजना हुँदै आएको छ । चौमासिक रूपमा सञ्चालन हुने भेला आवश्यकताअनुसार अगाडि पनि बस्न सक्ने अध्यक्ष तामाङले बताए । ‘हामीले यो परम्परादेखि मान्दै आएका हौं’, उनले भने, ‘भेलामा संसद्मा जस्तै गरी विषयवस्तु प्रस्तुत गरिन्छ ।’ गाउँसभाको अघिल्लो दिन कटुवालले गाउँसभा हुने मिति, स्थान र समयको जानकारी दिने चलन छ।

भेला हुनुपूर्व अजेन्डा तय गरिन्छ । ती अजेन्डा भेलामा प्रस्तुत गरिन्छ । सहभागीले विषयवस्तुमाथि पालैपालो धारणा राख्छन् । अजेन्डा सकेसम्म सर्वसम्मत पारित गरिन्छ । सर्वसम्मत नभए बहुमतले पारित गर्ने व्यवस्था छ । चोहो गेम्बा अर्थात् संयोजकले निर्णय पढेर सुनाएपछि बैठक समापन भएको घोषणा हुन्छ।

तामाङ जातिमा पहिलेदेखि आफ्नै नियम तथा कानुन प्रचलित थियो । सुरुसुरुमा तिथि हेरेर भेला डाकिन्थ्यो तर पछिल्लो समय चौमासिक रूपमा १९ गते बैठक बस्ने गरेको छ । बैठकमा निर्धारित समयभित्रै पुग्नुपर्ने नियम छ । दिउँसो १२ बजेभन्दा ढिलो पुग्नेलाई जरिबाना गरिन्छ । २०४६ सालअघि सानोभार्खु र ठूलोभार्खुमा संयुक्त भेला हुने गरेको थियो । पछि सानो भार्खुमा छुट्टै भेला गर्न थालिएको छ । ठूलोभार्खुमा अहिले ८८ घरधुरी छ । ‘भेलामा प्रत्येक घरका एकजना सदस्य उपस्थित हुन्छन्’, तामाङले भनेको नागरिक दैनिकमा छ |






शुभकामना

भर्खरै...

लोकप्रिय

रोचक खबर

नेकपामा आबद्ध विद्यार्थी संगठनले मागे आइजीपी खनालको राजीनामा

काठमाडौं– सत्तारुढ नेपाल कम्युनिष्ट पार्टी (नेकपा) मा आबद्ध विद्यार्थी संगठन अनेरास्ववियू र अनेरास्ववियू... बाँकी यता

tamang online / October 4, 2018

निर्मला पन्त हत्या प्रकरण : अनुसन्धान अधिकारीलाई छानविन गर्न बन्यो समिति

काठमाडौं- कञ्चनपुरकी निर्मला पन्तको बलात्कार पछि हत्या भएको घटनाको अनुसन्धानमा संलग्न प्रहरी अधिकारीमाथी... बाँकी यता

tamang online / September 13, 2018

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2018: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution