हेडलाईन

तामाङ राजाहरु “ग्याल्बो चुईनी” तामाङ जाति सम्बन्धि महत्वपूर्ण जानकारी         तामाङ पुर्खा काभ्रे तिमालको इतिहास – जे डी तामाङ         पृथ्वीनारायण शाहको लुकाइएको इतिहास         रातो र पोलेको मासु नखान क्यान्सरविज्ञको सुझाव         वामदेवको उत्थान र पतन         राज्यले सबै चार्डलाई समानता नदिएकै कारण आदीबासीले दशै-तिहार बहिस्कार गर्यो         के एप्पल वाचमा रेकर्ड भएको थियो साउदी पत्रकार खाशोज्जीको हत्या ?         माथिल्लो तामाकोशीको ९० हजार कित्ता सेयर कात्तिक १५ बाट सर्बसाधारणका लागि खुला         इजरायली प्रमुख विमान कम्पनीद्वारा सन् २०१९ देखि उडान नगर्ने चेतावनी         तामाङ छार व्हाई ‘सिङ्का सिङ्का खोतासी’ युट्युबमा सार्वजनिक         समृद्ध राष्ट्रका लागि सबै विद्यार्थी एकजुट हुनुपर्छ : दिपेश पुन         बिहेअघि सेक्स नगरौं – साइकलचालक अशोक यादव         चितवनमा तामाङ चलचित्र आप्लेङला नाम्साको बिशेष प्रदर्शन, अहिलेसम्मकै उत्कृष्ट         दशैं राजनीति कि संस्कृति ? – मोहन गोले तामाङ         देखे जस्तो छैन अमेरिका- सुने जस्तो हैन अमेरिका        

हामी किन अर्काको कुरा काट्छौं ?

हामी किन ‘अर्काको कुरा काट्ने’ गर्छौ ? यो रोग हो कि प्रवृत्ति

–  ‘सुन त, फलानोकी छोरी किन राती ढिलो घर र्फकन्छे ? थाहा छैन राती-राती के काम गर्छे ?’

–  ‘होइन फलानोको आफन्त भर्खरै बितेको होइन ? हाँस्दै गफ गरिरहेको देख्छु । के भएको यस्तो ?’

–  ‘शर्मिलालाई देख्यौं ? कस्तो लुगा लगाएकी छे । त्यस्तो ठाँटिएर कहाँ जान लागेकी होला ?’

नेपालीमा भनाई छ, ‘अर्काको कुरा नकाटी, खाना रुच्दैन ।’ अर्थात हामीलाई आफ्नो भन्दा अरुको बढी चासो हुन्छ । आफ्नो कामकुरो छाडेर अर्काको चियोचर्चा गर्ने प्रवृत्ति छ हामीसँग ।

को के गर्दैछ, कहाँ जाँदैछ, कोसँग भेट्दैछ, के खाँदैछ, कसरी बोल्दैछ, कोसँग हिँड्दैछ हामीलाई चासो हुन्छ । भलै आफ्ना छिमेकी, चिनेजानेका, इष्टमित्र आदिको बारेमा चासो राख्नु मानविय स्वभाव हो । तर, हामी चासो मात्र राख्दैनौ, चियोचर्चा गर्छौ । आफ्नो कामधन्दा भन्दा हामीलाई अरुको बारे चासो लाग्छ । हाम्रो साझा प्रवृत्ति नै हो, ‘अरुको आङमा जुम्रा हिँडेको देख्ने ।’ हामी आफ्नै आङको ‘भैंसी’ चाहि देख्दैनौं ।

आफन्त, छिमेकी, साथीभाईको कुरा काटेर हामी आनन्द लिन्छौं । अरुको बारेमा यसरी चियोचर्चा गर्छौ, मानौ त्यो हाम्रो ठेक्का नै हो । यसरी कसैको अनुपस्थितीमा उसको कुरा गर्नु हामीलाई रमाइलो लाग्छ । टायम पास वा रमाइलोको बाहनामा हामी अर्काको बारे भए-नभएको कुरा गर्छौं । यसरी अर्काको कुरा गर्नु हाम्रो प्रवृत्ति हो ।

किन अर्काको कुरा काट्छौं ?

–  यो मानिसको स्वभावको हिस्सा हो कि, हामी जिज्ञासावश अर्काको बारेमा जान्न चाहन्छौं । यो जिज्ञासा जब हदभन्दा बढी हुन्छ, तब हामी अरुको बारे चियोचर्चा गर्छौं ।

–  अक्सर आफ्नो कमजोरी लुकाउनका लागि हामी अर्काको कमजोरी केलाउन थाल्छौं । एक किसिमले भन्ने हो भने यो स्वयम्लाई भ्रमित बनाउने काम हो ।

–  कहिलेकाहीँ हामी पट्यारलाग्दो समय कटाउन अर्काको बारेमा नानाभाँती कुरा गर्छौं । यो समय कटाउने बाहना पनि हो ।

–  अर्काको बारेमा कुरा गर्नु सजिलो काम हो । अझ अर्काको अनुपस्थितीमा उसको कुरा गर्नु धेरै सजिलो हुन्छ । हामीले सुझबुझ बिना नै अर्काको विश्लेषण गर्छौं । अर्काको बारेमा धारणा बनाउँछौं ।

–  मानिस आफैमा ईष्र्यालु स्वभावका हुन्छन् । हामी ईष्र्यावश अर्कालाई होच्याउने प्रयत्न गर्छौं । अर्काको कमजोरी खोतलेर उसलाई होच्याउँदा हामी सन्तोष अनुभव गर्छौं ।

–  हाम्रो हीनभावनाले पनि यस किसिमको व्यवहार गर्न उक्साउँछ । अरुको अगाडि आफुलाई राम्रो वा सक्षम देखाउनका लागि अर्काको कुरा काट्छौं ।

–  खासमा हाम्रो सामाजिक संस्कार नै यस्तै छ, जसको प्रभाव हामीमाथि परेको हो । अर्काको कुरा काट्ने, अर्कालाई होच्याउने, अर्काको चियोचर्चा गर्ने प्रवृत्ति हामी समाजका अन्य व्यक्तिबाट सिकिरहेका हुन्छौं ।

अर्काको कुरा काट्नु कति जायज ?

अर्काको कुरा काटेर हामीलाई के फाइदा हुन्छ ? यसको हिसाव किताव गर्ने हो भने हामी आफै ऋणात्मक अवस्थामा पुग्छौं । अर्थात अर्काको कुरा काट्नु भनेको हामी आफैलाई घाटा लाग्नु हो । घाटा यसकारण कि, हाम्रो समय बर्बाद हुन्छ । बुद्धि नष्ट हुन्छ । व्यक्तित्वमा आँच आउँछ ।

–  अर्काको कुरा काट्नु जायज वा राम्रो हुँदै होइन । तर, यो मानविय स्वभाव हो । यसलाई पूर्ण रुपले हटाउन सकिन्छ भन्ने छैन ।

–  कसैको चियोचर्चा गर्नु भनेको अर्काको निजत्वमाथि दख्खल पुर्‍याउनु पनि हो, जो एकदमै गलत कुरा हो ।

–  यो गलत मात्र होइन, अवैधानिक र असभ्यता पनि हो ।

–  हामीलाई थाहा हुँदैन कि, उक्त व्यक्ति कस्तो परिस्थितीमा छन् । उसले के, किन गरिरहेका छन् ? हामी त केवल आफ्नो आनन्दको लागि उसको बारेमा मनगढन्ते कुरा गरेर रमाइरहेका हुन्छौं ।

–  यो शिष्टचार बिरुद्ध पनि हो ।

–  जसरी हामीलाई लाग्छ कि, आफ्नो निजी जीवनमाथि आफ्नो हक छ । त्यसैगरी अर्काको निजी जीवनबारे गलत चियोचर्चा गर्नु, गलत प्रचार गर्नु हाम्रो अधिकार होइन ।

–  हामी आफ्नो सीमा, कर्तव्य, मर्यादा भुल्छौं र अर्काको कुरा काट्छौं ।

–  यदि हाम्रो कुनैपनि कृत्यले अर्काको मान-सम्मान, स्वतन्त्रता, मर्यादामा ठेस पुर्‍याउँछ भने त्यो अपराध हो । पाप हो । अमानविय प्रवृत्ति हो ।

–  कसले कस्तो कपडा लगायो, को कति राती घर फर्कियो, कसको घरमा को आयो यी तमाम कुरामा कसैको चरित्र निर्माण गर्ने हक हामीसँग छैन ।

–  जब हामी संस्कारको कुरा गर्छौं, तब सबैभन्दा पहिला हामीले आफ्नो संस्कार के हो भन्ने थाहा पाउनुपर्छ । के हामीलाई हाम्रो संस्कारले अर्काको बारे गलत धारण बनाउन, गलत प्रचार गर्न अनुमति दिन्छ ?

कसरी सुधार्ने यो बानी ?

अर्काको कुरा काट्नु असभ्यपन हो । अज्ञानता हो ।
यसबाट अर्कालाई केही घाटा त हुने होइन, हामी आफ्नै लागि पनि फाइदाजक होइन । अर्काको कुरा काट्ने प्रवृत्तिले हाम्रो व्यक्तित्वलाई बामपुड्को बनाउँछ । यसले हाम्रो मन र मस्तिष्कलाई बिकारयुक्त बनाउँछ । अर्काको कुरा काट्दा हाम्रो समय नष्ट हुन्छ । त्यसैले यस किसिको प्रवृत्तिमा हामीले सुधार ल्याउनुपर्छ । हामीलाई के कुरामा हेक्का हुनुपर्छ भने, अर्काको कुरा काट्ने बानीले हामीलाई असभ्य बनाउँछ ।

–  सर्वप्रथम त यो कुरा बुझौं कि, अर्काको कुरा काट्ने प्रवृत्ति एक किसिमको मानसिक विकार हो । जब हामी मानसिक रुपमा स्वस्थ्य र सवल हुँदैनौ, अर्कालाई होच्याउने, अर्काको चियोचर्चा गर्न थाल्छौं ।

–  जति जति अर्काको कुरा काट्न थाल्छौं, त्यो हाम्रो बानी बन्छ । जब यस्तो बानी बन्छ, तब हामी आफ्नै जीवनबारे बेखबर बन्छौं ।
–  जसको कुरा काट्छौं, त्यही व्यक्तिको ठाउँमा आफुलाई राखेर सोचौं त ।

–  उसको वाध्यता, परिस्थिती आदिलाई सम्झने प्रयास गरौं ।
–  अर्काप्रति पनि त्यती नै संवेदनसिल बनौं, जति आफुप्रति बनिन्छ ।

–  आफ्नो हीनभावना वा ईष्यभन्दा माथि उठेर अरुलाई हेरौं ।

–  यो कुरा नभुलौ कि, हाम्रो बारेमा पनि मानिसले कुरा काट्न सक्छन् । अनलाइनखबरबाट

 






शुभकामना

भर्खरै...

लोकप्रिय

रोचक खबर

नेकपामा आबद्ध विद्यार्थी संगठनले मागे आइजीपी खनालको राजीनामा

काठमाडौं– सत्तारुढ नेपाल कम्युनिष्ट पार्टी (नेकपा) मा आबद्ध विद्यार्थी संगठन अनेरास्ववियू र अनेरास्ववियू... बाँकी यता

tamang online / October 4, 2018

निर्मला पन्त हत्या प्रकरण : अनुसन्धान अधिकारीलाई छानविन गर्न बन्यो समिति

काठमाडौं- कञ्चनपुरकी निर्मला पन्तको बलात्कार पछि हत्या भएको घटनाको अनुसन्धानमा संलग्न प्रहरी अधिकारीमाथी... बाँकी यता

tamang online / September 13, 2018

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2018: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution