सोनाम ल्होछार २८५४ कार्यक्रमको लागि कलाकारहरु इजरायल आईपुगे
तेलअविव – नेपाल तामाङ घेदुङ इजरायल द्वारा तामाङ जातिको महान राष्ट्रिय धार्मिक तथा साँस्कृतिक पर्व सोनाम ल्होछार २८५४ खि / नागि ल्हो (कुकुर बर्ग) को पावन अवसरमा आयोजित सोनाम ल्होछार साँस्कृतिक साँझ २०१८ कार्यक्रमको लागि नेपालबाट आमन्त्रित चर्चित तामाङ कलाकारहरु गायक बिश्व दोङ तामाङ,सुमन घले , गायक तथा संगीतकार टिका बम्जन तामाङ र वहाँको सहयोगी धर्मपत्नी क्रिस्टी तामाङ तेलअविव स्थित बेनगुरियोन एयरपोर्टमा हिजो बेलुका ११ बजे आई पुग्नु भएको छ |
कलाकारहरुको स्वागतको लागि संस्थाका सल्लाहकार कान्छी घिसिङ तामाङ ,कोषाध्यक्ष बिमला मोक्तान तामाङ,महिला विभाग प्रमुख एलिजा दोङ र सदस्य पासाङ ल्हामु ग्लान तामाङ बेनगुरियोन एयरपोर्ट तेलअविवमा पुग्नु भएको थियो |
सोनाम ल्होछार साँस्कृतिक कार्यक्रम आउँदो १९ जनवरी २०१८ (शुक्रबार) तेलअविव स्थित किबुज गालुयोत ४६ स्थित स्तुपा पार्टी प्यालेसमा भव्यताको साथ मनाउन गईरहेको छ |
नेपालबाट आउनु हुने आमन्त्रित कलाकारहरुको साथ इजरायलमा रहनु भएका स्थानीय नेपाली कलाकारहरुको धमाकेदार प्रस्तुतिका साथ रात्रिभोज सहित हुने कार्यक्रममा गरिममय उपस्थितको लागि नेपाल तामाङ घेदुङ इजरायल द्वारा इजरायलवासी तामाङ ज्यो ज्यो आले थेन नाना भुरिङ लगायत सम्पूर्ण ल्होछारप्रेमी नेपाली दाजुभाइ तथा दिदीबहिनीहरुमा हार्दिक निमन्त्रणा गरेका छन् |
तेलअविव स्थित लेवेन्सकी पार्क देखि कार्यक्रम स्थल सम्मको लागि नि:शुल्क बसको सुविधा रहेको छ | सोनाम ल्होछार साँस्कृतिक कार्यक्रमको प्रवेश शुल्क टिकट २०० सेकेल मात्रा रहेको छ |